'ਡੂੰਗੇ ਨਲੂਏ 2.0' ਦੇ ਲਾਂਚ ਦੇ ਨਾਲ ਪਹਾੜੀ ਸੰਗੀਤ ਵਿਚ ਆਈਕੌਨ ਮਿਊਜ਼ਿਕ ਨੇ ਕੀਤਾ ਪ੍ਰਵੇਸ਼
- ਤਿੰਨ ਸਾਲਾਂ ਵਿਚ 250 ਗੀਤ ਰਿਲੀਜ਼ ਕਰਨ ਦੀ ਯੋਜਨਾ ਹੈ ਆਈਕੌਨ ਮਿਊਜ਼ਿਕ ਪਹਾੜੀ ਦੀ
ਚੰਡੀਗੜ੍ਹ, 8 ਮਈ, 2024 - ਆਈਕੌਨ ਮਿਊਜ਼ਿਕ ਨੂੰ ਆਪਣਾ ਆਈਕੌਨ ਮਿਊਜ਼ਿਕ ਪਹਾੜੀ ਲਾਂਚ ਕਰਨ ਦੇ ਨਾਲ ਪਹਾੜੀ ਸੰਗੀਤ ਦੀ ਅਮੀਰ ਅਤੇ ਜੀਵੰਤ ਦੁਨੀਆ ਵਿੱਚ ਦਾਖਲ ਹੋਣ 'ਤੇ ਮਾਣ ਹੋ ਰਿਹਾ ਹੈ। ਪ੍ਰਸਿੱਧ ਗਾਇਕ ਵਿੱਕੀ ਰਾਜਟਾ ਅਤੇ ਪ੍ਰਸਿੱਧ ਪਹਾੜੀ ਇਨਫਲੂਏਂਸਰ ਕਿਰਨ ਨੇਗੀ ਦਾ ਗੀਤ, “ਡੂੰਗੇ ਨਾਲੂਏ 2.0” ਦੇ ਨਾਲ ਆਈਕੌਨ ਮਿਊਜ਼ਿਕ ਪਹਾੜੀ, ਪਹਾੜੀ ਸੰਗੀਤ ਵਿਚ ਇੱਕ ਰੋਮਾਂਚਕ ਸਫ਼ਰ ਦੀ ਸ਼ੁਰੂਆਤ ਕਰ ਰਿਹਾ ਹੈ। ਇਸ ਮੌਕੇ ਪਹਾੜੀ ਗਾਇਕ ਅਜੈ ਚੌਹਾਨ, ਨਿਰਦੇਸ਼ਕ ਮਾਨਸ ਗੁਲਾਟੀ, ਸੰਗੀਤ ਨਿਰਦੇਸ਼ਕ ਅਸੀਮ ਮੰਗੋਲੀ ਵੀ ਹਾਜ਼ਰ ਸਨ।
ਆਈਕੌਨ ਮਿਊਜ਼ਿਕ ਦੀ ਮੈਨੇਜਿੰਗ ਡਾਇਰੈਕਟਰ ਰਸ਼ਨਾ ਪੋਚਖਾਨਵਾਲਾ ਨੇ ਕਿਹਾ, “ਪਹਾੜੀ ਸੰਗੀਤ ਵਿਚ ਸਾਡਾ ਵਿਸਤਾਰ ਖੇਤਰੀ ਸੰਗੀਤ ਦਾ ਜਸ਼ਨ ਮਨਾਉਣ ਦੀ ਸਾਡੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ। ਸਥਾਪਤ ਤੇ ਉੱਭਰ ਰਹੇ ਕਲਾਕਾਰਾਂ ਨੂੰ ਇੱਕ ਪਲੇਟਫਾਰਮ ਪ੍ਰਦਾਨ ਕਰਕੇ, ਅਸੀਂ ਰਾਸ਼ਟਰੀ ਪੱਧਰ 'ਤੇ ਪਹਾੜੀ ਸੰਗੀਤ ਦੇ ਨਿਰੰਤਰ ਵਿਕਾਸ ਅਤੇ ਮਾਨਤਾ ਵਿਚ ਯੋਗਦਾਨ ਪਾਉਣ ਦੀ ਇੱਛਾ ਰੱਖਦੇ ਹਾਂ।
ਆਈਕੌਨ ਮਿਊਜ਼ਿਕ ਪਹਾੜੀ ਸੰਗੀਤ ਉਦਯੋਗ ਦੇ ਤਜਰਬੇਕਾਰ ਕਲਾਕਾਰਾਂ ਤੋਂ ਲੈ ਕੇ ਉੱਭਰਦੀਆਂ ਪ੍ਰਤਿਭਾਵਾਂ ਤੱਕ ਵੱਖ-ਵੱਖ ਕਲਾਕਾਰਾਂ ਨਾਲ ਸਹਿਯੋਗ ਕਰੇਗਾ। ਤਿੰਨ ਸਾਲਾਂ ਵਿਚ 250 ਤੋਂ ਵੱਧ ਗੀਤਾਂ ਨੂੰ ਰਿਲੀਜ਼ ਕਰਨ ਦੀ ਯੋਜਨਾ ਦੇ ਨਾਲ, ਆਈਕੌਨ ਮਿਊਜ਼ਿਕ ਪਹਾੜੀ ਦਾ ਟੀਚਾ ਖੇਤਰੀ ਸੰਗੀਤ ਵਿਚ ਇੱਕ ਪ੍ਰਮੁੱਖ ਖਿਡਾਰੀ ਬਣਨਾ ਹੈ।
ਆਈਵੀ ਐਂਟਰਟੇਨਮੈਂਟ ਪ੍ਰਾਈਵੇਟ ਲਿਮਿਟਡ (ਆਈਵੀ) ਇੱਕ ਅੰਤਰਰਾਸ਼ਟਰੀ ਮੀਡੀਆ ਅਤੇ ਮਨੋਰੰਜਨ ਕੰਪਨੀ ਹੈ, ਜੋ ਵਪਾਰਕ ਫਿਲਮਾਂ (ਸਮੱਗਰੀ ਦੇ ਅਧਿਕਾਰ) ਦੇ ਬਿਜ਼ਨਸ ਮੂਵੀ ਪ੍ਰੋਡਕਸ਼ਨ, ਪ੍ਰਾਪਤੀ ਅਤੇ ਲਾਇਸੈਂਸ ਦੇਣ ਵਿਚ ਲੱਗੀ ਹੋਈ ਹੈ। ਆਈ ਵੀ ਵਾਈ ਕੋਲ ਵਿਜੇ, ਚਿਰੰਜੀਵੀ, ਪਵਨ ਕਲਿਆਣ, ਨਾਨੀ, ਵਿਕਰਮ, ਸੂਰਿਆ, ਕਾਰਤੀ, ਰਵੀ ਤੇਜਾ, ਵਿਜੇ ਦੇਵਰਾਕੋਂਡਾ, ਧਨੁਸ਼, ਵੈਂਕਟੇਸ਼, ਵਿਜੇ ਸੇਤੂਪਤੀ, ਵਿਸ਼ਾਲ, ਆਰੀਆ ਆਦਿ ਵਰਗੇ ਸੁਪਰਸਟਾਰਾਂ ਵਾਲੀ 150 ਤੋਂ ਵੱਧ ਉੱਚ ਪ੍ਰੋਫਾਈਲ ਫਿਲਮਾਂ ਦੇ ਵੱਖ-ਵੱਖ ਅਧਿਕਾਰ ਹਨ।
ਆਈਕੌਨ ਮਿਊਜ਼ਿਕ ਆਈ ਵੀ ਐਂਟਰਟੇਨਮੈਂਟ ਦਾ ਇੱਕ ਭਾਗ ਹੈ, ਜੋ ਇੱਕ ਨਵੇਂ ਯੁੱਗ ਦਾ ਸੰਗੀਤ ਲੇਬਲ ਹੈ ਅਤੇ ਸੰਗੀਤ ਅਧਿਕਾਰ (ਆਡੀਓ-ਵਿਜ਼ੂਅਲ) ਉਤਪਾਦਨ, ਪ੍ਰਾਪਤੀ ਅਤੇ ਬਾਲੀਵੁੱਡ, ਤਾਮਿਲ, ਤੇਲਗੂ, ਭੋਜਪੁਰੀ, ਉੜੀਆ ਅਤੇ ਹੋਰ ਵੱਖ-ਵੱਖ ਖੇਤਰੀ ਭਾਸ਼ਾਵਾਂ ਦੇ ਲਾਇਸੈਂਸ ਦੇ ਕਾਰੋਬਾਰ ਅਤੇ ਕਲਾਕਾਰ ਪ੍ਰਬੰਧਨ ਗਤੀਵਿਧੀਆਂ ਵਿਚ ਰੁੱਝਿਆ ਹੋਇਆ ਹੈ।