ਪਿੰਡ ਗੁਣੀਆ ਮਾਜਰਾ ਦੀ ਨਵੀਂ ਚੁਣੀ ਪੰਚਾਇਤ ਸੰਹੁ ਚੁੱਕ ਸਮਾਗਮ ਤੋਂ ਬਾਅਦ ਪਿੰਡ ਦੀ ਗਲੀ ਬਣਾਉਣ ਦਾ ਕੀਤਾ ਉਦਘਾਟਨ
ਗੁਰਪ੍ਰੀਤ ਸਿੰਘ ਜਖਵਾਲੀ
ਫਤਹਿਗੜ੍ਹ ਸਾਹਿਬ 9 ਨਵੰਬਰ 2024:-ਪਿੰਡ ਗੁਣੀਆ ਮਾਜਰਾ ਦੀ ਨਵੀ ਬਣੀ ਪੰਚਾਇਤ ਅਤੇ ਸਰਪੰਚੀ ਦੇ ਸੰਹੁ ਚੁੱਕ ਸਮਾਰੋਹ ਤੋਂ ਬਾਅਦ ਪੰਚਾਇਤ ਦਾ ਪਹਿਲਾ ਕੰਮ ਪਿੰਡ ਦੀ ਗਲੀ ਦਾ ਉਦਘਾਟਨ ਕਰਕੇ ਸ਼ੁਰੂ ਕੀਤਾ। ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆ ਸਰਪੰਚ ਤੀਰਥ ਸਿੰਘ ਗੁਣੀਆਂ ਮਾਜਰਾ ਨੇ ਦੱਸਿਆ ਕਿ ਮੁੱਖ ਮੰਤਰੀ ਪੰਜਾਬ ਸ. ਭਗਵੰਤ ਸਿੰਘ ਮਾਨ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਅਤੇ ਹਲਕਾ ਵਿਧਾਇਕ ਲਖਬੀਰ ਸਿੰਘ ਰਾਏ ਦੀ ਅਗਵਾਈ ਵਿੱਚ ਪਿੰਡ ਦਾ ਹਰੇਕ ਕੰਮ ਅਤੇ ਪਾਰਟੀਬਾਜੀ ਤੋਂ ਉੱਪਰ ਉੱਠ ਕੇ ਕੀਤਾ ਜਾਵੇਗਾ। ਇਸ ਮੌਕੇ ਆਮ ਆਦਮੀ ਦੇ ਸੀਨੀਅਰ ਆਗੂ ਜਸਵੀਰ ਸਿੰਘ ਨਿੱਕੂ, ਪੰਚ ਗੁਰਮੁੱਖ ਸਿੰਘ ਬੈਦਵਾਣ, ਪੰਚ ਗੁਰਪ੍ਰੀਤ ਸਿੰਘ ਨੇ ਲੱਡੂ ਵੰਡ ਕੇ ਗਲੀ ਦੇ ਕੰਮ ਦੀ ਸ਼ੁਰੂਆਤ ਕਰਵਾਈ। ਇਸ ਮੌਕੇ ਪਲਵਿੰਦਰ ਪਿੱਲਾ, ਮਿਸਤਰੀ ਭਗਤ ਸਿੰਘ,ਭਰਪੂਰ ਸਿੰਘ ਮਿਸਤਰੀ, ਬਲਵੀਰ ਬੱਲੀ ਅਤੇ ਰਾਜ ਕੁਮਾਰ ਹਾਜ਼ਰ ਸਨ।