ਐੱਸ ਜੀ ਐੱਨ ਇੰਟਰਨੈਸ਼ਨਲ ਸਕੂਲ ਦੀਵਾਨਾ ਵਿਖੇ ਮੈਂਗੋ ਡੇਅ ਮਨਾਇਆ
ਨਿਰਮਲ ਦੋਸਤ
ਰਾਏਕੋਟ/ਮਹਿਲ ਕਲ੍ਹਾਂ, 24 ਜੁਲਾਈ 2024 - ਇਲਾਕੇ ਦੀ ਨਾਮਵਰ ਵਿਦਿਅਕ ਸੰਸਥਾ ਐੱਸ .ਜੀ .ਐੱਨ .ਇੰਟਰਨੈਸ਼ਨਲ ਸਕੂਲ ਦੀਵਾਨਾ(ਜ਼ਿਲ੍ਹਾ ਬਰਨਾਲਾ) ਵਿਖੇ ਅੱਜ ਸੰਸਥਾਂ ਚ ਫ਼ਲਾਂ ਦੇ ਰਾਜੇ ਨੂੰ ਸਮਰਪਿਤ ਰਾਸ਼ਟਰੀ ਮੈਂਗੋ ਡੇਅ(ਅੰਬ ਦਿਵਸ ) ਬੜੀ ਧੂਮਧਾਮ ਨਾਲ ਮਨਾਇਆ ਗਿਆ। ਇਸ ਪ੍ਰੋਗਰਾਮ ਦਾ ਉਦੇਸ਼ ਬੱਚਿਆਂ ਨੂੰ ਅੰਬ ਫਲ ਦੇ ਫਾਇਦਿਆਂ ਅਤੇ ਵਿਸ਼ੇਸ਼ਤਾਵਾਂ ਬਾਰੇ ਜਾਗਰੂਕ ਕਰਨਾ ਸੀ। ਨਰਸਰੀ ਅਤੇ ਕੇ ਜੀ ਕਲਾਸ ਦੇ ਛੋਟੇ ਬੱਚਿਆਂ ਨੇ ਮੈਂਗੋ ਡੇਅ ਗਤੀਵਿਧੀਆਂ ਚ ਭਾਗ ਲੈਂਦੇ ਹੋਏ ਪੀਲੇ ਅਤੇ ਹਰੇ ਰੰਗ ਦੀਆਂ ਪੁਸ਼ਾਕਾਂ ਪਹਿਨ ਕੇ ਆਏ। ਐਕਟੀਵਿਟੀ ਹਾਲ ਨੂੰ ਪੀਲੇ ਅਤੇ ਹਰੇ ਰੰਗ ਨਾਲ , ਅੰਬਾਂ ਨੂੰ ਦਰਸਾਉਂਦੇ ਕੱਟ ਆਊਟ ਲਗਾਕੇ ਸਜਾਇਆ ਗਿਆ।
ਛੋਟੇ ਬੱਚਿਆਂ ਦੀਆਂ ਮੈਂਗੋ ਰੇਸ, ਮੈਗੋ ਪਾਰਸਲ ਖੇਡ, ਮੈਂਗੋ ਪੇਂਟਿੰਗ ਖੇਡਾਂ ਕਰਵਾਈਆਂ ਗਈਆਂ। ਅਧਿਆਪਕਾਂ ਨੇ ਬੱਚਿਆਂ ਨੂੰ ਅੰਬਾਂ ਦੀਆਂ ਵੱਖ ਵੱਖ ਕਿਸਮਾਂ, ਖਾਣ ਦੇ ਫਾਇਦੇ ਅਤੇ ਖਾਣ ਦੇ ਤਰੀਕੇ ਬਾਰੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਅੰਬ ਫਲ ਕੇਵਲ ਖਾਣ ਚ ਰਸੀਲਾ ਅਤੇ ਮਿੱਠਾ ਹੀ ਨਹੀਂ ਹੁੰਦਾ ਸਗੋਂ ਇਸ ਫਲ ਚ ਕਈ ਪੋਸ਼ਟਿਕ ਤੱਤ ਅਤੇ ਗੁਣਕਾਰੀ ਵਿਟਾਮਿਨ ਵੀ ਹੁੰਦੇ ਹਨ। ਦੁਪਹਿਰ ਦੇ ਲੰਚ ਸਮੇਂ ਬੱਚਿਆਂ ਨੇ ਰਸੀਲੇ ਅੰਬਾਂ ਦਾ ਲੁਤਫ਼ ਲੈਂਦੇ ਹੋਏ ਖੂਬ ਮਸਤੀ ਕੀਤੀ। ਪ੍ਰਿੰਸੀਪਲ ਮੱਖਣ ਸਿੰਘ ਦੀਵਾਨਾ ਨੇ ਮੈਂਗੋ ਡੇਅ ਗਤੀਵਿਧੀਆਂ ਦੇ ਵੱਖ ਵੱਖ ਮੁਕਾਬਲਿਆਂ ਚ ਭਾਗ ਲੈਣ ਵਾਲੇ ਵਿਦਿਆਰਥੀਆਂ ਦੀ ਪ੍ਰਸੰਸਾ ਕਰਦੇ ਹੋਏ ਕਿਹਾ ਕਿ ਬੱਚਿਆਂ ਦੇ ਬੌਧਿਕ, ਬਹੁਪੱਖੀ ਵਿਕਾਸ ਅਤੇ ਨਵੀਂਆਂ ਚੀਜ਼ਾਂ ਦੇ ਗਿਆਨ ਲਈ ਅਜਿਹੀਆ ਸਰਗਰਮੀਆਂ ਦਾ ਆਯੋਜਨ ਕਰਨਾ ਅਤਿ ਜ਼ਰੂਰੀ ਹੈ । ਮੈਂਗੋ ਡੇਅ ਤੇ ਸਕੂਲ ਵਿੱਚ ਅੰਬਾਂ ਦੇ ਬੂਟੇ ਲਗਾਏ ਗਏ।ਇਸ ਮੌਕੇ ਸਕੂਲ ਸਟਾਫ਼ ਅਤੇ ਵਿਦਿਆਰਥੀ ਹਾਜ਼ਰ ਸਨ।