ਮਾਲੇਰਕੋਟਲਾ --ਖੇਡਾਂ ਵਤਨ ਪੰਜਾਬ ਦੀਆਂ ਵਿੱਚ ਹੋਲੀ-ਹਾਰਟ ਮਦੇਵੀ ਦੀਆਂ ਜ਼ਿਲ੍ਹਾ ਜੇਤੂ ਟੀਮਾਂ ਸਟੇਟ ਖੇਡਾਂ ਲਈ ਰਵਾਨਾ
ਮੁਹੰਮਦ ਇਸਮਾਈਲ ਏਸ਼ੀਆ
ਮਾਲੇਰਕੋਟਲਾ 4 ਨਵੰਬਰ 2024 - ਖੇਡਾਂ ਵਤਨ ਪੰਜਾਬ ਦੀਆਂ 2024 , ਕਬੱਡੀ ਸਰਕਲ ਸਟਾਇਲ ਵਿੱਚ ਹੋੋਲੀ-ਹਾਰਟ ਸੀਨੀਅਰ ਸੈਕੰਡਰੀ ਸਕੂਲ ਮਦੇਵੀ ਦੀਆਂ ਲੜਕੀਆਂ ਜਿਲਾ ਪੱਧਰੀ ਮੁਕਾਬਲੇ ਜਿੱਤਣ ਉਪਰੰਤ ਸਟੇਟ ਪੱਧਰ ਤੇ ਜਿਲਾ ਮਾਲੇਰਕੋਟਲਾ ਲਈ ਖੇਡਣਗੀਆਂ।
ਹੋਲੀ-ਹਾਰਟ ਦੇ ਪ੍ਰਿੰਸੀਪਲ ਚਰਨਜੀਤ ਸਿੰਘ ਮਰਾਹੜ ਅਤੇ ਡਾਇਰੈਕਟਰ ਸੁੁਖਵਿੰਦਰ ਸਿੰਘ ਢਿੱਲੋਂ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਦੁਆਰਾ ਕਰਵਾਈਆਂ ਜਾ ਰਹੀਆਂ ਖੇਡਾਂ ਵਤਨ ਪੰਜਾਬ ਦੀਆਂ ਸੀਜ਼ਨ 3 , ਕਬੱਡੀ ਸਰਕਲ ਸਟਾਇਲ ਦੇ ਸਟੇਟ ਪੱਧਰੀ ਮੁਕਾਬਲੇ ਪਟਿਆਲਾ ਵਿਖੇ 04 ਤੋਂ 06 ਨਵੰਬਰ ਨੂੰ ਹੋ ਰਹੇ ਹਨ। ਜਿਸ ਵਿੱਚ ਅੰਡਰ 14 ਅਤੇ ਅੰਡਰ 17 ਲੜਕੀਆਂ ਵਿੱਚ ਹੋਲੀ-ਹਾਰਟ ਮਦੇਵੀ ਦੀਆਂ ਜਿਲਾ ਜੇਤੂ ਟੀਮਾਂ ਭਾਗ ਲੈਣਗੀਆਂ।
ਉਹਨਾਂ ਦੱਸਿਆ ਕਿ ਪਿਛਲੇ ਤਿੰਨ ਸਾਲਾਂ ਤੋਂ ਪੰਜਾਬ ਸਰਕਾਰ ਦੁਆਰਾ ਨੌਜਵਾਨ ਪੀੜੀ ਨੂੰ ਖੇਡਾਂ ਨਾਲ ਜੋੜਨ ਲਈ ਬਹੁਤ ਹੀ ਸਲਾਘਾਯੋਗ ਉਪਰਾਲਾ ਕੀਤਾ ਗਿਆ ਜਿਸ ਵਿੱਚ ਜੇਤੂ ਖਿਡਾਰੀਆਂ ਨੂੰ ਸਰਟੀਫਿਕੇਟਾਂ ਦੇ ਨਾਲ ਨਾਲ ਕੈਸ਼ ਪ੍ਰਾਇਜ ਦਿੱਤੇ ਜਾਣ ਕਾਰਨ ਖਿਡਾਰੀਆਂ ਵਿੱਚ ਉਤਸਾਹ ਵਧਿਆ ਹੈ।ਟੀਮਾਂ ਦੀ ਰਵਾਨਗੀ ਸਮੇਂ ਟੀਮ ਇੰਚਾਰਜ ਮੈਡਮ ਮਨਦੀਪ ਕੌਰ ਅਤੇ ਸਕੂਲ ਪ੍ਰਿੰਸੀਪਲ ਜੇਤੂ ਖਿਡਾਰੀਆਂ ਨਾਲ।