ਐਤਵਾਰ ਨੂੰ ਪੂਰੀ ਕਚੌੜੀ ਖਾਣ ਲਈ ਇਸ ਜੌੜੇ ਦਾ ਕਰਦੇ ਹਨ ਲੋਕ ਇੰਤਜ਼ਾਰ
ਰੋਹਿਤ ਗੁਪਤਾ
ਗੁਰਦਾਸਪੁਰ , 25 ਜੁਲਾਈ 2024 :
ਕੰਮ ਬੇਸ਼ੱਕ ਛੋਟੇ ਤੋਂ ਸ਼ੁਰੂ ਕੀਤਾ ਜਾਵੇ ਲੇਕਿਨ ਜੇ ਪੂਰੀ ਮਿਹਨਤ ਅਤੇ ਲਗਣ ਨਾਲ ਕੀਤਾ ਜਾਵੇ ਤਾਂ ਓਹੋ ਕੰਮ ਛੋਟੇ ਤੋਂ ਇੱਕ ਦਿਨ ਵੱਡਾ ਵੀ ਹੋ ਜਾਂਦਾ ਹੈ। ਇਸ ਦੀ ਇੱਕ ਉਦਾਹਰਨ ਬਟਾਲਾ ਦੀ ਇਹ ਜੋੜੀ ਹੈ ਜਿਸ ਦੀ ਬਣਾਈ ਪੂਰੀ ਕਚੋੜੀ ਹਰ ਸ਼ਹਿਰ ਵਾਸੀ ਖਾਣ ਨੂੰ ਬੇਤਾਬ ਰਹਿੰਦਾ ਹੈ।ਹਰ ਐਤਵਾਰ ਲੋਕਾ ਨੂੰ ਬਟਾਲਾ ਦੇ ਨਹਿਰੂ ਗੇਟ ਚ ਕਚੌੜੀ ਅਤੇ ਪੂਰੀ ਛੋਲੇ ਵੇਚ ਰਹੇ ਪਤੀ ਪਤਨੀ ਨੇ ਆਪਣੀ ਮਿਹਨਤ ਕਰ ਆਪਣੀ ਇੱਕ ਵੱਖ ਪਹਿਚਾਣ ਬਣਾ ਲਈ ਹੈ। ਪਤੀ ਪਤਨੀ ਦੋਵੇਂ ਮਿਲ ਕੇ ਮਿਹਨਤ ਕਰਦੇ ਹਨ ਅਤੇ ਆਪਣੀ ਮਿਹਨਤ ਸਦਕਾ ਹੁਣ ਚੰਗਾ ਕਮਾ ਰਹੇ ਹਨ। ਪਤੀ ਪਤਨੀ ਪੂਰਾ ਹਫਤਾ ਆਪਣੇ ਵੱਖ-ਵੱਖ ਕੰਮ ਕਰਦੇ ਹਨ ਪਰ ਐਤਵਾਰ ਨੂੰ ਇਕੱਠੇ ਪੂਰੀ ਛੋਲੇ ਅਤੇ ਕਚੋੜੀ ਦਾ ਸਟਾਲ ਲਗਾ ਕੇ ਆਪਣੀ ਆਮਦਨ ਵਿੱਚ ਹੋਰ ਵਾਧਾ ਕਰ ਰਹੇ ਹਨ।
ਪਤੀ ਅਕਾਸ਼ ਨੇ ਦੱਸਿਆ ਕਿ ਉਹ ਖੁਦ ਤਾ ਰੋਜ਼ਾਨਾ ਫਾਸਟ ਫੂਡ ਦਾ ਕੰਮ ਕਰਦਾ ਹੈ ਅਤੇ ਉਸਦੀ ਪਤਨੀ ਵੀ ਇੱਕ ਕਾਸਮੈਕਟਿਸ ਦੀ ਦੁਕਾਨ ਤੇ ਕੰਮ ਕਰਦੀ ਹੈ ਅਤੇ ਉਸ ਤੋ ਇਲਾਵਾ ਆਪਣੇ ਪਰਿਵਾਰ ਦੀ ਚੰਗੀ ਗੁਜ਼ਰ ਬਸਰ ਹੋ ਜਾਵੇ ਇਸਦੇ ਲਈ ਐਤਵਾਰ ਨੂੰ ਸਾਰਾ ਪਰਿਵਾਰ ਉਸਦੀ ਪਤਨੀ ,ਸੱਸ ਅਤੇ ਉਹ ਖੁਦ ਇਹ ਕਚੌੜੀ ਅਤੇ ਪੂਰੀ ਦੇ ਸਟਾਲ ਲਗਾ ਰਹੇ ਹਨ ।ਉਹ ਹਰ ਐਤਵਾਰ ਸਵੇਰੇ 6 ਵਜੇ ਤੋ ਕੰਮ ਸ਼ੁਰੂ ਕਰਦੇ ਹਨ ਤਾਂ ਗ੍ਰਾਹਕ ਵੀ ਉਹਨਾਂ ਨੂੰ ਉਡੀਕਦੇ ਹੁੰਦੇ ਹਨ। ਲੋਕ ਵੱਡੀਆਂ ਦੁਕਾਨਾਂ ਛਡ ਦੂਰ ਦੂਰ ਤੋ ਉਹਨਾਂ ਕੋਲ ਲੋਕ ਆਉਂਦੇ ਹਨ । ਪਤੀ ਪਤਨੀ ਦਾ ਕਹਿਣਾ ਹੈ ਕਿ ਉਹਨਾਂ ਨੂੰ ਸ਼ੁਰੂ ਚ ਕੁਝ ਦਿੱਕਤਾਂ ਪੇਸ਼ ਆਈਆਂ ਸਨ ਉਹਨਾਂ ਨੇ ਮਨ ਵਿੱਚ ਧਾਰ ਰੱਖਿਆ ਸੀ ਕਿ ਇਸ ਕੰਮ ਨੂੰ ਅੱਗੇ ਲੈ ਜਾਣਾ ਹੈ ਇਸ ਲਈ ਮੁਸ਼ਕਿਲਾਂ ਦਾ ਸਾਹਮਣਾ ਕੀਤਾ ਤੇ ਹੁਣ ਤਾ ਉਹਨਾਂ ਲਈ ਇਹ ਖੁਦ ਦਾ ਵਧੀਆ ਰੋਜ਼ਗਾਰ ਬਣ ਚੁੱਕਿਆ ਹੈ ।