ਸਵੇਰੇ ਖੇਤਾਂ ਵਿੱਚ ਮਿਲਿਆ ਸੀ ਡਰੋਨ, ਸਰਚ ਆਪਰੇਸ਼ਨ ਦੌਰਾਨ ਮਿਲ ਗਈ 2 ਕਿੱਲੋ 241 ਗ੍ਰਾਮ ਹੈਰੋਇਨ
ਰਿਪੋਰਟਰ_ ਰੋਹਿਤ ਗੁਪਤਾ
ਗੁਰਦਾਸਪੁਰ, 25 ਜੁਲਾਈ 2024 - ਕਸਬਾ ਕਲਾਨੌਰ ਦੇ ਨਜਦੀਕ ਪਿੰਡ ਅਗਵਾਨ ਵਿਖੇ ਕਿਸਾਨ ਦੇ ਖੇਤਾਂ ਵਿੱਚ ਡਰੋਨ ਸਮੇਤ 02 ਕਿੱਲੋ 241 ਗ੍ਰਾਮ ਹੈਰੋਇਨ ਬ੍ਰਾਮਦ ਹੋਣ ਜਾਣ ਦੀ ਖਬਰ ਮਿਲੀ ਹੈ।
ਇਸ ਸਬੰਧੀ ਐਸ ਪੀ ਬਲਵਿੰਦਰ ਸਿੰਘ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਡੀਆਈਜੀ ਗੋਰਵ ਯਾਦਵ ਤੇ ਐਸ ਐਸ ਪੀ ਗੁਰਦਾਸਪੁਰ ਦੇ ਹੁਕਮਾਂ ਤਹਿਤ ਨਸ਼ਿਆਂ ਖਿਲਾਫ ਮੁਹਿੰਮ ਚਲਾਈ ਗਈ ਹੈ ਉਸ ਦੇ ਦੌਰਾਨ ਅੱਜ 09.30 ਵਜੇ ਪਿੰਡ ਅਗਵਾਨ ਥਾਣਾ ਕਲਾਨੌਰ ਦੇ ਝੋਨੇ ਦੇ ਖੇਤਾ ਵਿੱਚੋਂ ਇੱਕ ਕਾਲੇ ਰੰਗ ਦਾ ਡਰੋਨ ਬ੍ਰਾਮਦ ਕੀਤਾ ਗਿਆ ਸੀ। ਜਿਸ ਤੇ ਪੰਜਾਬ ਪੁਲਿਸ ਅਤੇ ਬੀ.ਐਸ.ਐਫ ਦੇ ਕਰਮਚਾਰੀਆਂ ਵੱਲੋਂ ਵੱਖ-ਵੱਖ ਟੀਮਾਂ ਬਣਾਕੇ ਬਾਰਡਰ ਦੇ ਨਾਲ ਲੱਗਦੇ ਇਲਾਕੇ ਵਿੱਚ ਸਰਚ ਅਪ੍ਰੇਸ਼ਨ ਚਲਾਇਆ ਗਿਆ, ਜੋ ਦੌਰਾਨੇ ਸਰਚ ਅਪ੍ਰੇਸ਼ਨ ਪਿੰਡ ਅਗਵਾਨ ਦੇ ਖੇਤਾਂ ਵਿੱਚੋਂ 01 ਪੈਕਟ ਬ੍ਰਾਮਦ ਹੋਇਆ, ਜੋ ਚੈੱਕ ਕਰਨ ਤੇ ਪੈਕਟ ਵਿੱਚੋ 02 ਕਿੱਲੋ 241 ਗ੍ਰਾਮ ਹੈਰੋਇਨ ਬ੍ਰਾਮਦ ਹੋਈ ਹੈ। ਉਕਤ ਬ੍ਰਾਮਦਗੀ ਸਬੰਧੀ ਨਾ-ਮਲੂਮ ਦੋਸ਼ੀਆ ਦੇ ਖਿਲਾਫ ਮੁਕੱਦਮਾ ਨੰਬਰ 76, ਮਿਤੀ 25.07.2024 ਜੁਰਮ 21 ਸੀ/23-61-85 ਐਨ ਡੀ ਪੀ ਐਸ ਅਟੈਕ 10, 11, 12 AIR CRAFT Act ਥਾਣਾ ਕਲਾਨੌਰ ਵਿਖੇ ਦਰਜ ਰਜਿਸਟਰ ਕੀਤਾ ਗਿਆ। ਮੁਕੱਦਮਾ ਦੀ ਤਫਤੀਸ਼ ਜਾਰੀ ਹੈ