ਸਹਾਇਕ ਲਾਈਨਮੈਨ ਤੇ ਲਾਈਨਮੈਨ ਨੂੰ ਗਰਿੱਡਾ 'ਤੇ ਤੈਨਾਤ ਕਰਨ/ਰਿਟਾਇਰਡ ਕਰਮਚਾਰੀਆਂ ਨੂੰ ਦੁਬਾਰਾ ਭਰਤੀ ਕਰਨ ਦੀ ਨਿੰਦਾ
ਨਿਰਮਲ ਦੋਸਤ
ਰਾਏਕੋਟ/ਲੁਧਿਆਣਾ , 26 ਜੁਲਾਈ 2024 : ਗਰਿੱਡ ਸਬ ਸਟੇਸ਼ਨ ਇੰਪ: ਯੂਨੀਅਨ (ਰਜਿ. 24) ਪੰਜਾਬ ਨੇ ਪਾਵਰਕਾਮ ਮੈਨੇਜਮੈਂਟ ਤੇ ਪੰਜਾਬ ਸਰਕਾਰ ਵੱਲੋਂ ਸਹਾਇਕ ਲਾਈਨਮੈਨ ਤੇ ਲਾਈਨਮੈਨ ਨੂੰ ਗਰਿੱਡਾਂ 'ਤੇ ਏ ਐਸ ਐਸ ਏ ਤੇ ਐਸ ਐਸ ਏ ਦੀ ਥਾਂ 'ਤੇ ਤੈਨਾਤ ਕਰਨ ਦੀ ਸਖ਼ਤ ਨਿੰਦਾ/ਲਾਈਨਮੈਨ ਤੇ ਸਹਾਇਕ ਲਾਈਨ ਮੈਨ ਦੀ ਥਾਂ 'ਤੇ ਰਿਟਾਇਰ ਹੋਏ ਕਰਮਚਾਰੀਆਂ ਨੂੰ ਰੱਖਣ ਦੀ ਸਖ਼ਤ ਨਿੰਦਾ ਕੀਤੀ ਹੈ।
ਯੂਨੀਅਨ ਦੇ ਸੂਬਾ ਪ੍ਰੈੱਸ ਸਕੱਤਰ ਇੰਜੀ. ਰਾਜ ਕੁਮਾਰ ਵੱਲੋਂ ਜਾਰੀ ਪ੍ਰੈਸ ਨੋਟ ਅਨੁਸਾਰ ਉਕਤ ਵਰਤਾਰੇ ਤੋਂ ਇਹ ਸਪੱਸ਼ਟ ਹੁੰਦਾ ਹੈ ਕਿ ਮੈਨੇਜਮੈਂਟ ਵੱਲੋਂ ਪਾਵਰਕੌਮ ਦੇ ਵੱਡਮੁੱਲੇ ਖਪਤਕਾਰਾ ਨੂੰ ਪੈਂਡੀ ਦਾ ਸੀਜ਼ਨ ਸ਼ੁਰੂ ਹੋਏ ਨੂੰ ਇਕ ਮਹੀਨੇ ਤੋਂ ਵੱਧ ਦਾ ਸਮਾਂ ਗੁਜ਼ਰ ਚੁੱਕਾ ਹੈ ਤੇ ਕਰਮਚਾਰੀਆਂ ਦਾ ਪ੍ਰਬੰਧ ਹੁਣ ਕਰਨ ਦੀ ਯਾਦ ਆਈ ਹੈ। ਮਨੇਜਮੈਂਟ ਵੱਖ ਵੱਖ ਕੇਡਰਾ ਨੂੰ ਇੱਕ ਦੂਸਰੇ ਦੀ ਥਾਂ ਤੈਨਾਤ ਕਰਕੇ ਆਪਣੀ ਡੰਗ ਟਪਾਊ ਨੀਤੀਆਂ ਤਹਿਤ ਬਿਨਾਂ ਤਜਰਬਾ ਰੱਖਣ ਵਾਲੇ ਕਰਮਚਾਰੀਆਂ ਨੂੰ ਲਗਾ ਕੇ ਪਾਵਰਕੌਮ ਤੇ ਕਰਮਚਾਰੀਆਂ ਦਾ ਘਾਣ ਕਰ ਰਹੀ ਹੈ।ਜਿਸ ਦੇ ਨਤੀਜੇ ਵਜੋਂ ਫ਼ੀਲਡ ਦੇ ਕਰਮਚਾਰੀਆਂ ਨੂੰ ਗਰਿੱਡਾਂ ਤੇ ਲਗਾਇਆ ਜਾ ਰਿਹਾ ਹੈ ਅਤੇ ਫੀਲਡ ਵਿੱਚ ਪਹਿਲਾਂ ਹੀ ਸਟਾਫ ਦੀ ਵੱਡੀ ਘਾਟ ਹੋਣ ਕਰਕੇ ਪਿਛਲੇ ਘੱਟ ਸਟਾਫ਼ ਕਾਰਨ ਇਕੱਲੇ ਹੀ ਲਾਈਨਾਂ ਤੇ ਕੰਮ ਕਰਨ ਦੌਰਾਨ ਰੋਜਾਨਾ ਭਾਰੀ ਗਿਣਤੀ ਵਿੱਚ ਐਕਸੀਡੈਂਟ ਹੋਣ ਕਰਕੇ ਮੌਤਾ ਹੋ ਰਹੀਆਂ ਹਨ।
ਜਥੇਬੰਦੀ ਇਸ "ਜੁਗਾੜੂ ਨੀਤੀ" ਦਾ ਸਖ਼ਤ ਸ਼ਬਦਾਂ ਵਿੱਚ ਵਿਰੋਧ ਜਤਾਉਂਦੀ ਹੋਈ ਪੰਜਾਬ ਸਰਕਾਰ ਤੇ ਮਨੇਜਮੈਂਟ ਨੂੰ ਸੁਝਾਅ ਪੇਸ਼ ਕਰਦੀ ਹੈ ਜੀ ਕਿ ਪੰਜਾਬ ਸਰਕਾਰ ਦੇ ਪੱਤਰ ਨੰ ਅਨੁਸਾਰ ਬਣਦੀਆਂ ਤਰੱਕੀਆਂ ਦੇਣ ਤੇ ਘਰ ਘਰ ਰੋਜ਼ਗਾਰ ਦੀ ਗਾਰੰਟੀ ਦੀ ਪਾਲਿਸੀ ਤੇ ਅਮਲ ਕਰਦੇ ਹੋਏ ਗਰਿੱਡ ਸਟਾਫ ਦੇ ਕਰਮਚਾਰੀ RTM ਤੋ JE ਤੱਕ ਦਾ ਹਰੇਕ ਕਰਮਚਾਰੀ 10-12 ਸਾਲ ਦੀ ਨੌਕਰੀ ਕਰਨ ਉਪਰੰਤ ਵੀ ਤਰੱਕੀ ਨੂੰ ਤਰਸ ਰਿਹਾ ਹੈ ਨੂੰ ਤਰੱਕੀਆਂ ਦਿੱਤੀਆਂ ਜਾਣ ਕਿਉਂਕਿ ਉਨ੍ਹਾਂ ਨੂੰ ਕੰਮ ਦਾ ਵੀ ਤਜ਼ਰਬਾ ਹੈ ਇਸ ਨੀਤੀ ਤਹਿਤ ਸਾਰੇ ਕੇਡਰਾ ਨੂੰ ਤਰੱਕੀਆਂ ਦਿੱਤੀਆਂ ਜਾ ਸਕਦੀਆਂ ਹਨ ਅਤੇ ਤਰਸ ਦੇ ਆਧਾਰ ਤੇ ਨੌਕਰੀਆਂ ਦੀ ਖਾਲੀ ਪੋਸਟਾਂ ਨਾ ਹੋਣ ਕਰਕੇ ਉਡੀਕ ਕਰ ਰਹੇ ਵਿਅਕਤੀਆਂ ਨੂੰ ਨੌਕਰੀਆਂ ਵੀ ਦਿਤੀਆਂ ਜਾ ਸਕਦੀਆਂ ਹਨ। ਨਾਂ ਕਿ ਇਸ ਡੰਗ ਟਪਾਊ ਨੀਤੀ ਤਹਿਤ।
ਜੱਥੇਬੰਦੀ ਨੇ ਮੰਗ ਕੀਤੀ ਹੈ ਕਿ ਹੈ ਕਿ ਇਸ ਨੀਤੀ ਨੂੰ ਤਰੁੰਤ ਬੰਦ ਕਰਕੇ ਜਿਹੜੇ ਕਰਮਚਾਰੀ ਤਰੱਕੀ ਦੀ ਉਡੀਕ ਕਰ ਰਹੇ ਹਨ ਜਿਵੇਂ ਕਿ ਯੋਗ JE ਤੋ AAE, SSA ਤੋ JE, ASSA ਤੋ SSA, RTM ਤੋ ASSA ਇੱਕ ਤਰਫ਼ ਤਰੱਕੀ ਦਿੱਤੀ ਜਾਂਦੀ ਹੈ ਤਾਂ ਸਾਰੇ ਕੇਡਰਾ ਦੀਆਂ ਪੋਸਟਾ ਭਰ ਜਾਣਗੀਆਂ ਅਤੇ ਨਵੇਂ ਵਿਅਕਤੀਆਂ ਨੂੰ ਨੌਕਰੀਆਂ ਵੀ ਦਿਤੀਆਂ ਜਾ ਸਕਦੀਆਂ ਹਨ ਅਤੇ ਜੋALM, LM ਨੂੰ ਗਰਿੱਡਾਂ ਤੇ ਤੈਨਾਤ ਕੀਤਾ ਜਾ ਰਿਹਾ ਹੈ ਉਸ ਦੀ ਜ਼ਰੂਰਤ ਨਹੀਂ ਰਹੇਗੀ ਉਹ ਵੀ ਆਪਣੇ ਤਜਰਬੇ ਅਨੁਸਾਰ ਫੀਲਡ ਵਿੱਚ ਕੰਮ ਕਰਨਗੇ ਤਾਂ ਐਕਸੀਡੈਂਟ ਦਰ ਵੀ ਘਟੇਗੀ।
ਜਥੇਬੰਦੀ ALM/LM ਨੂੰ ਗਰਿੱਡਾਂ ਤੇ ਤੈਨਾਤ ਕਰਨ ਤੇ ਰਿਟਾਇਰਮੈਂਟ ਹੋਏ ALM/LM ਨੂੰ ਦੁਬਾਰਾ ਪੈਡੀ ਸੀਜ਼ਨ ਦੇ ਨਾਂ ਤੇ ਰੱਖਣ ਦੀ ਸਖ਼ਤ ਸ਼ਬਦਾਂ ਵਿੱਚ ਨਿੰਦਾ ਕਰਦੀ ਹੋਈ ਮੰਗ ਕਰਦੀ ਹੈ ਕਿ ਇਸ ਤੇ ਤਰੁੰਤ ਰੋਕ ਲਗਾਈ ਜਾਵੇ ਹੈ। ਜਥੇਬੰਦੀ ਰਿਟਾਇਰ ਕਰਮਚਾਰੀਆਂ ਨੂੰ ਬੇਨਤੀ ਕਰਦੀ ਹੈ ਕਿ ਉਹ 58 ਸਾਲ ਦੀ ਉਮਰ ਤੱਕ ਨੌਕਰੀ ਕਰਨ ਉਪਰੰਤ ਦੁਬਾਰਾ ਲੱਗ ਕੇ ਆਪਣੇ ਬੱਚਿਆਂ ਦੇ ਭਵਿੱਖ ਦਾ ਘਾਣ ਨਾ ਕਰਨ ਜੀ।ਗਰਿੱਡ ਸਬ ਸਟੇਸ਼ਨ ਸਟਾਫ ਦੇ ਕਰਮਚਾਰੀਆਂ ਵਿੱਚ ਇਸ ਨੀਤੀ ਦਾ ਭਾਰੀ ਰੋਸ ਹੈ। ਜੇਕਰ ਮਨੇਜਮੈਂਟ ਵੱਲੋਂ ਅਜਿਹਾ ਨਹੀਂ ਕੀਤਾ ਜਾਂਦਾ ਤਾਂ ਭਰਾਤਰੀ ਜਥੇਬੰਦੀਆਂ ਨੂੰ ਨਾਲ ਲੈਕੇ ਤਿੱਖਾ ਸਘੰਰਸ਼ ਕਰਨ ਲਈ ਮਜ਼ਬੂਰ ਹੋਣਗੇ ਜਿਸ ਦੀ ਸਾਰੀ ਜ਼ਿੰਮੇਵਾਰੀ ਪਾਵਰਕੌਮ ਮਨੇਜਮੈਂਟ ਦੀ ਹੋਵੇਗੀ।