ਪੌਦੇ ਅਤੇ ਪੰਛੀਆਂ ਲਈ ਆਲ੍ਹਣੇ ਲਾਕੇ ਮਨਾਇਆ ਵਾਤਾਵਰਨ ਦਿਵਸ
ਅਸ਼ੋਕ ਵਰਮਾ
ਬਠਿੰਡਾ, 26 ਜੁਲਾਈ 2024: ਵਾਤਾਵਰਨ ਦੀ ਸ਼ੱੁਧਤਾ ਲਈ ਰੇਲਵੇ ਮਕੈਨੀਕਲ (ਸੀ.ਐਂਡ ਡਬਲਿਊ.) ਵਿਭਾਗ ਦੇ ਇੰਚਾਰਜ ਸੇਵਕ ਸਿੰਘ (ਸੀ.ਡੀ.ਓ.) ਅਤੇ ਮਹੇਸ਼ ਕੁਮਾਰ ਗਰਗ (ਐਸ.ਐਸ.ਈ.) ਦੀ ਅਗਵਾਈ ਹੇਠ ਸਮੂਹ ਸਟਾਫ਼ ਨੇ ਰੇਲਵੇ ਦੀਆਂ ਥਾਵਾਂ ਗੋਪਾਲ ਨਗਰ, ਵਾਸ਼ਿੰਗ ਲਾਈਨ, ਮਾਲ ਗੋਦਾਮ, ਰੇਲਵੇ ਕਲੌਨੀ ਅਤੇ ਰੋਲਿੰਗ ਹੱਟ ਆਦਿ ਤੇ ਲਗਭਗ 600 ਬੂਟੇ ਲਾਏ ਅਤੇ ਸਟਾਫ਼ ਨੂੰ ਯੋਗ ਥਾਵਾਂ ਲਾਉਣ ਲਈ ਬੂਟੇ ਵੀ ਵੰਡੇ । ਸੇਵਕ ਸਿੰਘ ਨੇ ਦਸਿਆ ਕਿ ਰੇਲਵੇ ਵਿਭਾਗ ਦੇ ਇਸ ਸਟਾਫ਼ ਵਲੋਂ ਪੰਜ ਸਾਲਾਂ ਤੋਂ ਲਗਾਤਾਰ ਪੌਦੇ ਲਗਾਉਣ ਦਾ ਉਪਰਾਲਾ ਕੀਤਾ ਜਾ ਰਿਹਾ ਹੈ ਅਤੇ ਹੁਣ ਤੱਕ ਲਗਭਗ, 2000 ਪੌਦੇ ਵੱਖ ਵੱਖ ਥਾਵਾਂ ਤੇ ਲਾਏ ਜਾ ਚੁੱਕੇ ਹਨ। ਉਨ੍ਹਾਂ ਅਗੇ ਦੱਸਿਆ ਕਿ ਮੁਲਤਾਨੀਆ ਪੁਲ ਟੁੱਟਣ ਕਾਰਣ ਪੰਛੀਆਂ ਦੇ ਆਲ੍ਹਣੇ ਨਸ਼ਟ ਹੋ ਗਏ ਹਨ ਜਿਸ ਨੂੰ ਦੇਖਦਿਆਂ ਉਨ੍ਹਾਂ ਦੇ ਸਟਾਫ਼ ਨੇ ਪੰਛੀਆਂ ਲਈ ਘਰ ਬਨਾਉਣ ਦਾ ਉਪਰਾਲਾ ਅਤੇ ਪੀਣ ਵਾਲੇ ਪਾਣੀ ਦਾ ਵੀ ਵਿਸ਼ੇਸ਼ ਇੰਤਜਾਮ ਕੀਤਾ ਗਿਆ। ਅੰਤ ਵਿੱਚ ਇਸ ਕੰਮ ਵਿੱਚ ਸਹਿਯੋਗ ਦੇਣ ਲਈ ਸੇਵਕ ਸਿੰਘ ਨੇ ਸਮੂਹ ਸਟਾਫ਼ ਦਾ ਧੰਨਵਾਦ ਵੀ ਕੀਤਾ।