ਸੰਸਕਾਰ ਵੈਲੀ ਸਮਾਰਟ ਸਕੂਲ, ਭਵਾਨੀਗੜ੍ਹ ਵਿਖੇ ਇਨਵੈਸ਼ਚਰ ਸੈਰੇਮਨੀ ਪ੍ਰੋਗਰਾਮ ਕਰਵਾਇਆ
ਦਲਜੀਤ ਕੌਰ
ਭਵਾਨੀਗੜ੍ਹ, 27 ਜੁਲਾਈ 2024: ਸੰਸਕਾਰ ਵੈਲੀ ਸਮਾਰਟ ਸਕੂਲ, ਭਵਾਨੀਗੜ੍ਹ ਵਿਖੇ ਸਾਲ 2024-25 ਦਾ ਇਨਵੈਸ਼ਚਰ ਸੈਰੇਮਨੀ ਬਹੁਤ ਹੀ ਧੂਮਧਾਮ ਅਤੇ ਉਤਸ਼ਾਹ ਨਾਲ ਕਰਵਾਇਆ ਗਿਆ। ਜਿਸ ਦਾ ਮੁੱਖ ਉਦੇਸ਼ ਸਕੂਲ ਦੇ ਵਿਦਿਆਰਥੀਆਂ ਵਿੱਚ ਅਗਵਾਈ ਦੇ ਗੁਣ ਪੈਦਾ ਕਰਨਾ ਹੈ।ਇਸ ਪ੍ਰੋਗਰਾਮ ਵਿੱਚ ਸ਼੍ਰੀਮਤੀ ਤੇਜਿੰਦਰ ਕੌਰ (ਪ੍ਰਿੰਸੀਪਲ ਰਾਮ ਇੰਟਰਨੈਸ਼ਨਲ ਸਕੂਲ, ਧੂਰੀ), ਸ੍ਰੀ ਧਰਮਵੀਰ ਗਰਗ (ਸਕੂਲ ਚੇਅਰਮੈਨ), ਪ੍ਰਿੰਸੀਪਲ ਮੈਡਮ ਅਮਨ ਨਿੱਝਰ ਅਤੇ ਛੇਵੀਂ ਤੋਂ ਨੌਵੀਂ ਜਮਾਤ ਦੇ ਵਿਦਿਆਰਥੀਆਂ ਦੇ ਮਾਪੇ ਹਾਜ਼ਰ ਸਨ। ਪ੍ਰੋਗਰਾਮ ਦੀ ਸ਼ੁਰੂਆਤ ਮੁੱਖ ਮਹਿਮਾਨ ਵੱਲੋਂ ਦੀਪ ਰੌਸ਼ਨ ਕਰਕੇ ਕੀਤੀ ਗਈ। ਇਸ ਉਪਰੰਤ ਬੱਚਿਆਂ ਵੱਲੋਂ ਸਰਸਵਤੀ ਵੰਦਨਾ 'ਤੇ ਇਕ ਬਹੁਤ ਹੀ ਖੂਬਸੂਰਤ ਡਾਂਸ ਪੇਸ਼ ਕੀਤਾ ਗਿਆ।
ਇਸ ਤੋਂ ਬਾਅਦ ਆਰੂਸ਼ ਗਰਗ ਨੂੰ ਸਕੂਲ ਹੈੱਡ ਬੁਆਏ ਅਤੇ ਕੈਵਨਪ੍ਰੀਤ ਕੌਰ ਨੂੰ ਹੈੱਡ ਗਰਲ ਦਾ ਅਹੁਦਾ ਅਤੇ ਅਕਾਸ਼ਦੀਪ ਸਿੰਘ (ਵਾਈਸ ਹੈੱਡ ਬੁਆਏ), ਅਨੁਰੀਤ ਦੇਵਾ (ਵਾਈਸ ਹੈੱਡ ਗਰਲ) ਦਾ ਅਹੁਦਾ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਸਾਰੰਸ਼ ਗਰਗ ਡਿਗਨਿਟੀ ਹਾਊਸ ਕੈਪਟਨ, ਭਵਨਪ੍ਰੀਤ ਕੌਰ ਡਿਗਨਿਟੀ ਹਾਊਸ ਵਾਈਸ ਕੈਪਟਨ, ਆਰੁਸ਼ ਭਾਂਬਰੀ, ਇੰਟੈਗਰਿਟੀ ਹਾਊਸ ਕੈਪਟਨ, ਗੁਰਮਨ ਕੌਰ ਇੰਟੈਗਰਿਟੀ ਹਾਊਸ ਵਾਈਸ ਕੈਪਟਨ, ਸ਼ਾਇਨਾ ਦਿਓਲ ਲਿਬਰਟੀ ਹਾਊਸ ਕੈਪਟਨ, ਨੈਤਿਕ ਗਰਗ ਲਿਬਰਟੀ ਹਾਊਸ ਵਾਈਸ ਕੈਪਟਨ, ਲਕਸ਼ ਅਰੋੜਾ ਲੀਗੇਸੀ ਹਾਊਸ ਕੈਪਟਨ, ਯਸ਼ਨੂਰ ਸ਼ਰਮਾ ਲੀਗੇਸੀ ਹਾਊਸ ਵਾਈਸ ਕੈਪਟਨ, ਭਵਿਖਜੀਤ ਸਪੋਰਟਸ ਕੈਪਟਨ, ਤਾਜਵੀਰ ਸਿੰਘ ਸਪੋਰਟਸ ਵਾਈਸ ਕੈਪਟਨ, ਹਰਸ਼ਦੀਪ ਕੌਰ ਮਿਊਜ਼ਿਕ ਹਾਉਸ ਕੈਪਟਨ, ਮਨਕਰਨ ਕੌਰ ਮਿਊਜ਼ਿਕ ਵਾਈਸ ਕੈਪਟਨ ਨੂੰ ਬੈਜ ਅਤੇ ਬੈਂਡ ਪਾ ਕੇ ਸਨਮਾਨਿਤ ਵੀ ਕੀਤਾ ਗਿਆ। ਇਸ ਤੋਂ ਬਾਅਦ ਚਾਰੇ ਹਾਊਸਾਂ ਦੇ ਹਾਊਸ ਪ੍ਰੀਫੈਕਟਸ ਯਸ਼ਿਕਾ, ਇਰਤ, ਜਸਨੂਰ ਕੌਰ, ਹਰਸ਼ਿਤਾ ਅੱਤਰੀ, ਇੰਟੈਗਰਿਟੀ ਹਾਊਸ ਪ੍ਰੀਫੈਕਟਸ ਜਸਮਨ ਕੌਰ, ਮਨਰੀਤ ਕੌਰ, ਸਾਰਿਕਾ, ਸੰਦੀਪ ਕੌਰ ਅਤੇ ਲਿਬਰਟੀ ਹਾਊਸ ਪ੍ਰੀਫੈਕਟਸ ਉਪਜੋਤ ਕੌਰ, ਯਾਦਵੀਰ ਕੌਰ, ਮਿਤੁਲ ਗਰਗ, ਆਇਰਾ ਮਿੱਤਲ, ਲੀਗੇਸੀ ਹਾਊਸ ਦੇ ਪ੍ਰਧਾਨ ਪ੍ਰਿਅੰਕਾ, ਸ਼ੁਭਮਪ੍ਰੀਤ ਕੌਰ, ਅਨੀਸ਼ਿਕਾ, ਜਸਮੀਤ ਕੌਰ ਨੇ ਚਾਰਜ ਸੰਭਾਲਿਆ ਅਤੇ ਆਏ ਹੋਏ ਮਹਿਮਾਨਾਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ।
ਇਸ ਮੌਕੇ ਪਿ੍ੰਸੀਪਲ ਅਮਨ ਨਿੱਝਰ ਨੇ ਕਿਹਾ ਕਿ ਇਨਵੈਸ਼ਚਰ ਸੈਰੇਮਨੀ ਇੱਕ ਅਹਿਮ ਮੌਕਾ ਹੈ ਜਿੱਥੇ ਨਵੇਂ ਚੁਣੇ ਗਏ ਵਿਦਿਆਰਥੀ ਕੌਂਸਲ ਦੇ ਨੁਮਾਇੰਦਿਆਂ ਨੂੰ ਕੁੱਝ ਭੂਮਿਕਾਵਾਂ ਅਤੇ ਜ਼ਿੰਮੇਵਾਰੀਆਂ ਸੌਂਪੀਆਂ ਜਾਂਦੀਆਂ ਹਨ ਪਰ ਉਨ੍ਹਾਂ ਜ਼ਿੰਮੇਵਾਰੀਆਂ ਸੰਭਾਲਣ ਤੋਂ ਪਹਿਲਾਂ ਸਹੁੰ ਚੁੱਕਣੀ ਬਹੁਤ ਜ਼ਰੂਰੀ ਹੈ ਅਤੇ ਫਿਰ ਸਾਰੇ ਚੁਣੇ ਗਏ ਮੈਂਬਰਾਂ ਨੂੰ ਆਪਣਾ ਅਹੁਦਾ ਸੰਭਾਲਣ ਤੋਂ ਪਹਿਲਾਂ ਸਹੁੰ ਚੁਕਾਈ ਗਈ ਅਤੇ ਇਸ ਦੀ ਮਹੱਤਤਾ ਬਾਰੇ ਵੀ ਪ੍ਰਿੰਸੀਪਲ ਵੱਲੋਂ ਚਾਨਣਾ ਪਾਇਆ ਗਿਆ।
ਮੁੱਖ ਮਹਿਮਾਨ ਤੇਜਿੰਦਰ ਕੌਰ ਨੇ ਵਿਦਿਆਰਥੀਆਂ ਨੂੰ ਕਿਹਾ ਕਿ ਤੁਸੀਂ ਦੇਸ਼ ਦਾ ਭਵਿੱਖ ਹੋ। ਉਨ੍ਹਾਂ ਨੇ ਸਾਰੇ ਬੱਚਿਆਂ ਨੂੰ ਆਪਣੇ ਫਰਜ਼ਾਂ ਤੋਂ ਜਾਣੂ ਕਰਵਾਇਆ ਅਤੇ ਹਾਜ਼ਰ ਮਾਪਿਆਂ ਨੂੰ ਵੀ ਕਿਹਾ ਕਿ ਤੁਹਾਡੇ ਬੱਚਿਆਂ ਦੇ ਸਰਵਪੱਖੀ ਵਿਕਾਸ ਲਈ ਅਧਿਆਪਕਾਂ ਦੇ ਨਾਲ-ਨਾਲ ਤੁਹਾਡੀ ਭੂਮਿਕਾ ਵੀ ਬਹੁਤ ਮਹੱਤਵਪੂਰਨ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਸਕੂਲ ਵਿੱਚ ਕਰਵਾਏ ਗਏ ਸਮਾਗਮ ਦੀ ਪ੍ਰਸ਼ੰਸਾ ਕੀਤੀ ਅਤੇ ਦੱਸਿਆ ਕਿ ਕਿਵੇਂ ਸਾਰਾ ਸਮਾਗਮ ਬਹੁਤ ਹੀ ਵਧੀਆ ਢੰਗ ਨਾਲ ਕਰਵਾਇਆ ਗਿਆ।
ਇਸ ਸਮੇਂ ਬੱਚਿਆਂ ਨੂੰ ਸੰਬੋਧਨ ਕਰਦੇ ਹੋਏ ਸਕੂਲ ਚੇਅਰਮੈਨ ਸ਼੍ਰੀ ਧਰਮਵੀਰ ਗਰਗ ਨੇ ਕਿਹਾ ਕਿ ਅੱਜ ਦਾ ਦਿਨ ਬਹੁਤ ਹੀ ਮਹੱਤਵਪੂਰਨ ਹੈ ਇਸ ਸਮਾਰੋਹ ਦਾ ਮਕਸਦ ਬੱਚਿਆਂ ਨੂੰ ਆਉਣ ਵਾਲੇ ਭਵਿੱਖ ਲਈ ਤਿਆਰ ਕਰਨਾ ਹੈ ਕਿਉਂਕਿ ਆਉਣ ਵਾਲਾ ਸਮਾਂ ਮੌਜੂਦਾ ਸਮੇਂ ਨਾਲੋਂ ਵੀ ਔਖਾ ਹੋ ਸਕਦਾ ਹੈ ਅਤੇ ਜੇਕਰ ਬੱਚੇ ਆਗਿਆਕਾਰੀ ਬਣ ਜਾਂਦੇ ਹਨ ਅਤੇ ਆਪਣੀਆਂ ਜ਼ਿੰਮੇਵਾਰੀਆਂ ਨੂੰ ਸੰਭਾਲਣ ਦੇ ਯੋਗ ਹੋ ਜਾਂਦੇ ਹਨ ਤਾਂ ਜੋ ਉਹ ਦੂਜਿਆਂ ਨੂੰ ਵੀ ਅਜਿਹਾ ਕਰਨ ਲਈ ਪ੍ਰੇਰਿਤ ਕਰ ਸਕਦੇ ਹਨ।