ਇਸ ਪਿੰਡ ਵਿੱਚ ਨਾਲ-ਨਾਲ ਲੱਗੇ ਆਪ ਤੇ ਕਾਂਗਰਸ ਦੇ ਬੂਥ, ਪਿੰਡ ਵਾਲੇ ਕਹਿੰਦੇ ਚੋਣਾਂ ਆਉਂਦੀਆਂ-ਜਾਂਦੀਆਂ ਰਹਿਣੀਆਂ - ਅਸੀਂ ਆਪਸ ਵਿੱਚ ਕਿਉਂ ਲੜੀਏ
ਰੋਹਿਤ ਗੁਪਤਾ
ਗੁਰਦਾਸਪੁਰ, 20 ਨਵੰਬਰ 2024 - ਡੇਰਾ ਬਾਬਾ ਨਾਨਕ ਵਿੱਚ ਜਿਮਨੀ ਚੋਣ ਦੌਰਾਨ ਵੋਟਿੰਗ ਜਾਰੀ ਹੈ। ਜਿੱਥੇ ਸ਼ੁਰੂਆਤ ਵਿੱਚ ਹਲਕੇ ਦੇ ਇੱਕ ਪਿੰਡ ਡੇਰਾ ਪਠਾਨਾਂ ਤੋਂ ਲੜਾਈ ਝਗੜੇ ਦੀ ਖਬਰ ਆਈ ਸੀ ਉੱਥੇ ਇੱਕ ਪਿੰਡ ਵਿੱਚ ਪਿੰਡ ਵਾਸੀਆਂ ਦਾ ਵੱਖ-ਵੱਖ ਪਾਰਟੀਆਂ ਦੇ ਨਾਲ ਤਾਲੁਕ ਰੱਖਣ ਦੇ ਬਾਵਜੂਦ ਆਪਸੀ ਭਾਈਚਾਰਾ ਵੀ ਵੇਖਣ ਨੂੰ ਮਿਲਿਆ। ਪਿੰਡ ਮਹਿਤਾ ਦੇ ਦੋਹਾਂ ਪਾਰਟੀਆਂ ਕਾਂਗਰਸ ਅਤੇ ਆਮ ਆਦਮੀ ਪਾਰਟੀ ਦੇ ਵਰਕਰ ਨੇੜੇ ਨੇੜੇ ਬੂਥ ਲਗਾ ਕੇ ਆਪਸੀ ਸਾਂਝ ਤੇ ਭਾਈਚਾਰੇ ਦਾ ਸੰਦੇਸ਼ ਦੇ ਰਹੇ ਹਨ । ਉਥੇ ਹੀ ਦੋਨਾਂ ਪਾਰਟੀ ਦੇ ਵਰਕਰਾਂ ਲਾਲਾ ਜੀ ਕਿੰਨਾ ਵੱਲੋਂ ਕਿਹਾ ਗਿਆ ਕਿ ਵੋਟਾਂ ਤਾਂ ਆਉਂਦੀਆਂ ਜਾਂਦੀਆਂ ਰਹਣੀਆਂ ਹਨ ਪਰ ਆਪਸੀ ਭਾਈਚਾਰੇ ਬਣਿਆ ਰਹਿਣਾ ਚਾਹੀਦਾ ਹੈ ।ਉਹਨਾਂ ਕਿਹਾ ਕਿ ਇਸੇ ਤਰ੍ਹਾਂ ਹੀ ਆਪਸੀ ਸਾਂਝ ਨਾਲ ਪਹਿਲਾਂ ਵੀ ਵੋਟਿੰਗ ਕਰਦੇ ਆ ਰਹੇ ਹਾਂ ਤੇ ਇਹ ਸਾਂਝ ਇਸੇ ਤਰ੍ਹਾਂ ਹੀ ਜਾਰੀ ਰਹੇਗੀ।