UP New Chief Secretary : ਮਨੋਜ ਕੁਮਾਰ ਸਿੰਘ ਹੋਣਗੇ ਨਵੇਂ ਮੁੱਖ ਸਕੱਤਰ
ਯੂਪੀ, 30 ਜੂਨ 2024- UP New Chief Secretary : ਉੱਤਰ ਪ੍ਰਦੇਸ਼ ਵਿੱਚ ਨਵੇਂ ਮੁੱਖ ਸਕੱਤਰ ਨੂੰ ਲੈ ਕੇ ਪਿਛਲੇ ਕਈ ਦਿਨਾਂ ਤੋਂ ਚੱਲ ਰਹੀਆਂ ਅਟਕਲਾਂ ਦਾ ਅੰਤ ਹੋ ਗਿਆ ਹੈ। ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਦੇ ਚਹੇਤੇ ਅਧਿਕਾਰੀ ਮੰਨੇ ਜਾਂਦੇ ਮਨੋਜ ਕੁਮਾਰ ਸਿੰਘ ਸੂਬੇ ਦੇ ਨਵੇਂ ਮੁੱਖ ਸਕੱਤਰ ਹੋਣਗੇ। ਦੁਰਗਾ ਸ਼ੰਕਰ ਮਿਸ਼ਰਾ ਨੂੰ ਚੌਥੀ ਵਾਰ ਮੁੱਖ ਸਕੱਤਰ ਦੇ ਅਹੁਦੇ 'ਤੇ ਐਕਸਟੈਂਸ਼ਨ ਨਹੀਂ ਮਿਲ ਸਕਿਆ, ਦੁਰਗਾ ਸ਼ੰਕਰ ਮਿਸ਼ਰਾ ਦਾ ਅੱਜ ਮੁੱਖ ਸਕੱਤਰ ਵਜੋਂ ਆਖਰੀ ਦਿਨ ਹੈ। ਸੂਤਰਾਂ ਦਾ ਕਹਿਣਾ ਹੈ ਕਿ ਮਨੋਜ ਕੁਮਾਰ ਸਿੰਘ ਅੱਜ ਦੁਪਹਿਰ ਮੁੱਖ ਸਕੱਤਰ ਦਾ ਅਹੁਦਾ ਸੰਭਾਲ ਸਕਦੇ ਹਨ। ਉਨ੍ਹਾਂ ਦਾ ਕਾਰਜਕਾਲ ਜੁਲਾਈ 2025 ਤੱਕ ਹੋਵੇਗਾ।