ਸਮੁੱਚੇ ਮਾਲਵੇ ਤੋਂ ਵਾਲੀਵਾਲ ਦੀਆਂ ਟੀਮਾਂ ਪੁੱਜੀਆਂ ਜ਼ਿਲ੍ਹਾ ਮਾਲੇਰਕੋਟਲਾ ਦੇ ਇਲਾਕਾ ਅਮਰਗੜ੍ਹ ਵਿਖੇ
* ਪੁਖਤਾ ਪ੍ਰਬੰਧਾਂ ਹੇਠ ਚੱਲ ਰਹੇ ਮੁਕਾਬਲੇ, ਖਿਡਾਰੀ ਦਿਖਾ ਰਹੇ ਵਿਲੱਖਣ ਉਤਸ਼ਾਹ
ਮੁਹੰਮਦ ਇਸਮਾਈਲ ਏਸ਼ੀਆ
ਮਾਲੇਰਕੋਟਲਾ/ਅਮਰਗੜ, 08 ਨਵੰਬਰ -2024 - ਪੰਜਾਬ ਸਰਕਾਰ ਵੱਲੋ ਖੇਡਾਂ ਦੇ ਮਿਆਰ ਨੂੰ ਉੱਚਾ ਚੁੱਕਣ ਅਤੇ ਨੌਜਵਾਨਾ ਨੂੰ ਨਸ਼ਿਆ ਦੇ ਬੁਰੇ ਪ੍ਰਭਾਵ ਤੋ ਬਚਾਉਣ ਦੇ ਮਕਸਦ ਲਈ ਖੇਡਾਂ ਵਤਨ ਪੰਜਾਬ ਦੀਆਂ ਸੀਜਨ-03 ਤਹਿਤ ਪੰਜਾਬ ਦੇ ਹਰ ਜਿਲ੍ਹੇ ਵਿੱਚ ਕੀਤਾ ਗਿਆ ਹੈ। ਇਸੇ ਲੜੀ ਤਹਿਤ ਸਰਕਾਰੀ ਸੀਨਿਅਰ ਸੈਕੇਂਡਰੀ ਸਕੂਲ, ਅਮਰਗੜ੍ਹ ਜਿਲ੍ਹਾ ਮਾਲੇਰਕੋਟਲਾ ਵਿਖੇ ਵਾਲੀਬਾਲ (ਸ਼ੂਟਿੰਗ) ਦਾ ਰਾਜ ਪੱਧਰੀ ਖੇਡਾਂ-2024 ਦਾ ਤੀਜੇ ਦਿਨ ਦਾ ਸ਼ਾਨਦਾਰ ਆਗਾਜ਼ ਹੋਇਆ। ਇਹਨਾਂ ਖੇਡਾਂ ਵਿੱਚ ਅੰਡਰ 21-30, 31-40 ਅਤੇ 41-50 ਕੱਚੀ ਅਤੇ ਪੱਕੀ ਵਿੱਚ ਵੱਖ- ਵੱਖ ਜਿਲ੍ਹਿਆਂ ਦੇ ਪੁਰਸ਼ਾਂ ਦੀਆਂ ਟੀਮਾਂ ਨੇ ਭਾਗ ਲਿਆ। ਜਿਸ ਵਿੱਚ ਬਠਿੰਡਾ, ਫਰੀਦਕੋਟ, ਮੋਗਾ, ਸ੍ਰੀ ਮੁਕਤਸਰ ਸਾਹਿਬ, ਲੁਧਿਆਣਾ ਅਤੇ ਫਿਰੋਜਪੁਰ ਦੀਆਂ ਟੀਮਾਂ ਨੇ ਆਪਣਾ ਜੌਹਰ ਦਿਖਾਇਆ।
ਇਹਨਾਂ ਖੇਡਾਂ ਦੌਰਾਨ ਅੰਡਰ 21 ਤੋਂ 30 ਸਾਲ ਪੱਕੀ ਵਿੱਚ ਪਹਿਲਾ ਸਥਾਨ ਫਰੀਦਕੋਟ ਦੂਜਾ ਸਥਾਨ ਫਿਰੋਜਪੁਰ ਅਤੇ ਤੀਜਾ ਸਥਾਨ ਮੁਕਤਸਰ ਸਾਹਿਬ ਨੇ ਹਾਸਲ ਕੀਤਾ। ਅੰਡਰ 31 ਤੋਂ 40 ਸਾਲ ਪੱਕੀ ਵਿੱਚ ਪਹਿਲਾਂ ਸਥਾਨ ਮੋਗਾ ਦੂਜਾ ਸਥਾਨ ਲੁਧਿਆਣਾ ਅਤੇ ਤੀਜਾ ਸਥਾਨ ਫਿਰੋਜਪੁਰ ਨੇ ਹਾਸਲ ਕੀਤਾ। ਇਸੇ ਤਰ੍ਹਾਂ ਅੰਡਰ 41 ਤੋਂ 50 ਸਾਲ ਪੱਕੀ ਵਿੱਚ ਪਹਿਲਾ ਸਥਾਨ ਬਠਿੰਡਾ ਦੂਜਾ ਸਥਾਨ ਲੁਧਿਆਣਾ ਅਤੇ ਤੀਜਾ ਸਥਾਨ ਫਰੀਦਕੋਟ ਨੇ ਹਾਸਲ ਕੀਤਾ। ਇਸ ਮੌਕੇ ਜੇਤੂ ਖਿਡਾਰੀਆਂ ਨੂੰ ਮੈਡਲ ਅਤੇ ਟਰਾਫੀਆਂ ਦੇ ਕੇ ਸਨਮਾਨਿਤ ਕੀਤਾ ਗਿਆ।