ਪਾਖੰਡੀ ਬਾਬੇ ਦਾ ਚੇਲੀ ਨਾਲ ਮਿਲ ਕੇ ਕਾਰਨਾਮਾ: ਪ੍ਰਵਾਸੀ ਔਰਤ ਨੂੰ ਵੱਸ 'ਚ ਕਰਕੇ ਲਵਾ ਲਈਆਂ ਸੋਨੇ ਦੀਆਂ ਵਾਲੀਆਂ
ਭੱਠੀ ਵਾਲੀ ਪ੍ਰਵਾਸੀ ਔਰਤ ਨੂੰ ਵੱਸ 'ਚ ਕਰਕੇ ਸੋਨੇ ਦੀਆਂ ਬਾਲੀਆਂ ਲਵਾ ਕੇ ਲੈ ਗਿਆ ਬਾਬਾ ਤੇ ਔਰਤ
ਘਟਨਾ ਦੀ ਸੀ ਸੀ ਟੀ ਵੀ ਆਈ ਸਾਹਮਣੇ
ਰੋਹਿਤ ਗੁਪਤਾ
ਗੁਰਦਾਸਪੁਰ, 24 ਨਵੰਬਰ 2024-ਸੜਕ ਕਿਨਾਰੇ ਭੱਠੀ ਲਗਾ ਕੇ ਮੂੰਗਫਲੀ ਭੁੰਨ ਕੇ ਵੇਚਣ ਵਾਲੇ ਇੱਕ ਪਰਿਵਾਰ ਦੀ ਔਰਤ ਦੇ ਕੰਨਾਂ ਦੀਆਂ ਵਾਲੀਆਂ ਬਾਬਾ ਨੂਮਾਂ ਵਿਅਕਤੀ ਅਤੇ ਔਰਤ ਉਤਰਵਾ ਕੇ ਲੈ ਗਏ । ਔਰਤ ਬੀਰੋ ਪਤਨੀ ਰਾਮਪਾਲ ਅਨੁਸਾਰ ਅਧੇੜ ਉਮਰ ਦੇ ਬਾਬੇ ਨੁਮਾ ਵਿਅਕਤੀ ਨੇ ਉਸਨੂੰ ਬੱਸ ਵਿੱਚ ਕਰ ਲਿਆ ਸੀ ਅਤੇ ਉਸਨੂੰ ਉਸ ਦੇ ਗਹਿਣੇ ਦੁਗਣੇ ਕਰਨ ਦਾ ਝਾਂਸਾ ਦੇ ਕੇ ਉੱਤਰਵਾ ਕੇ ਇੱਕ ਰੁਮਾਲ ਵਿੱਚ ਬਣਵਾ ਲਏ । ਬਾਅਦ ਵਿੱਚ ਜਾਣ ਤੋਂ ਪਹਿਲਾਂ ਉਹ ਰੁਮਾਲ ਉਸ ਦੇ ਹੱਥ ਵਿੱਚ ਫੜਾ ਦਿੱਤਾ ਪਰ ਜਦੋਂ ਉਸਨੂੰ ਹੋਸ਼ ਆਈ ਅਤੇ ਉਸਨੇ ਰੁਮਾਲ ਖੋਲਿਆ ਤਾਂ ਉਸ ਰੁਮਾਲ ਵਿੱਚ ਉਸਦੀਆਂ ਬਾਲੀਆਂ ਨਹੀਂ ਬਸ 10 ਰੁਪਏ ਸਨ । ਘਟਨਾ ਦੀ ਇੱਕ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ ਜਿਸ ਵਿੱਚ ਬਾਬੇ ਨਾਲ ਆਈ ਔਰਤ ਤਾਂ ਪੀੜਿਤ ਔਰਤ ਨਾਲ ਗੱਲਾਂ ਕਰਦੀ ਸਾਫ ਦਿਖਾਈ ਦੇ ਰਹੀ ਹੈ ਪਰ ਬਜ਼ੁਰਗ ਬਾਬੇ ਦਾ ਚਿਹਰਾ ਕੈਮਰੇ ਵਿੱਚ ਕੈਦ ਨਹੀਂ ਹੋ ਪਾਇਆ ਹੈ।