ਯਾਦਵਿੰਦਰ ਸਿੰਘ ਤੂਰ
ਸਿੰਘੂ ਬਾਰਡਰ, 15 ਅਪ੍ਰੈਲ 2021 - ਸਿੰਘੂ ਬਾਰਡਰ 'ਤੇ ਰਸੋਈ ਢਾਬੇ ਦੇ ਕੋਲ ਕਿਸਾਨਾਂ ਦੀਆਂ ਬਣਾਏ ਤੰਬੂਆਂ ਨੂੰ ਅੱਗ ਲੱਗਣ ਦੀ ਖਬਰ ਹੈ। ਇਸ ਮੌਕੇ ਕਿਸਾਨ ਆਗੂ ਬਲਦੇਵ ਸਿੰਘ ਸਿਰਸਾ ਨੇ ਦੋਸ਼ ਲਾਏ ਕਿ ਇਹ ਸਰਕਾਰ ਦੀ ਚਾਲ ਹੈ ਅਤੇ ਕਿਸਾਨ ਮੋਰਚੇ ਦੇ 14 ਅਪ੍ਰੈਲ ਵਾਲੇ ਪ੍ਰੋਗਰਾਮ ਤੋਂ ਘਬਰਾ ਕੇ ਜਾਣ ਬੁੱਝ ਕੇ ਅੱਗ ਲਾਈ ਹੈ।
ਸਿਰਸਾ ਨੇ ਦੋਸ਼ ਲਾਇਆ ਕਿ ਇੱਕ ਤਿਲਕ ਲੱਗਿਆ ਬੰਦਾ ਇੱਥੇ ਜਾਣਬੁੱਝ ਕੇ ਤੀਲ੍ਹੀ ਲਾ ਕੇ ਗਿਆ। ਜਦੋਂ ਇੱਕ ਪਾਸੇ ਅੱਗ ਲੱਗੀ ਦੇਖ ਸਾਰੇ ਉਧਰ ਨੂੰ ਭੱਜੇ ਤਾਂ ਦੂਜੇ ਪਾਸੇ ਅੱਗ ਲੱਗ ਗਈ। ਉਨ੍ਹਾਂ ਕਿਹਾ ਕਿ ਤਿੰਨ ਜਗ੍ਹਾ 'ਤੇ ਅੱਗ ਲਾਈ ਗਈ ਹੈ। ਉਨ੍ਹਾਂ ਦੋਸ਼ ਲਾਏ ਕਿ ਪ੍ਰਸ਼ਾਸਨ ਜਾਣ ਬੁੱਝ ਕੇ ਇਹ ਸਭ ਕਰਾ ਰਿਹਾ ਹੈ, ਕਿਉਂਕਿ ਅੱਗ ਬੁਝਾਉਣ ਲਈ ਕੋਈ ਗੱਡੀ ਨਹੀਂ ਆਈ, ਨੌਜਵਾਨਾਂ ਨੇ ਖੁਦ ਆਪਣੀ ਹਿੰਮਤ ਨਾਲ ਅੱਗ 'ਤੇ ਕਾਬੂ ਪਾਇਆ॥
