ਭੇਦ ਭਰੇ ਹਲਾਤਾਂ 'ਚ 35 ਸਾਲਾ ਔਰਤ ਦਾ ਕਤਲ
ਰਵਿੰਦਰ ਢਿੱਲੋਂ
ਸਮਰਾਲਾ, 18 ਮਾਰਚ 2022 - ਪੁਲਿਸ ਜਿਲਾ ਖੰਨਾ ਅਧੀਨ ਸਮਰਾਲਾ ਦੇ ਡੱਬੀ ਬਜ਼ਾਰ 'ਚ ਭੇਦ ਭਰੇ ਹਲਾਤਾਂ 'ਚ ਇਕ 35 ਸਾਲਾ ਔਰਤ ਦਾ ਕਤਲ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮੌਕੇ 'ਤੇ ਪੁੱਜੇ ਸਮਰਾਲਾ ਪੁਲਸ ਦੇ ਡੀ ਐਸ ਪੀ ਨੇ ਤਫਤੀਸ ਸ਼ੁਰੂ ਕਰਦੇ ਦੱਸਿਆ ਕਿ ਇਸ ਔਰਤ ਦਾ ਗਲਾ ਕੁੱਟ ਕੇ ਕਤਲ ਕੀਤਾ ਗਿਆ ਹੈ ਤੇ ਜਲਦ ਹੀ ਅਰੋਪੀਆ ਨੂੰ ਕਾਬੂ ਕਰ ਲਿਆ ਜਾਵੇਗਾ।
ਮ੍ਰਿਤਕ ਔਰਤ ਦੀ ਪਹਿਚਾਣ ਲਖਵਿੰਦਰ ਕੌਰ ਪਤਨੀ ਸੁਖਵਿੰਦਰ ਸਿੰਘ ਵੱਜੋ ਹੋਈ ਹੈ। ਮ੍ਰਿਤਕ ਦੀ ਲੜਕੀ ਜੋ ਕੇ ਆਪਣੀ ਨਾਨੀ ਕੋਲ ਰਹਿੰਦੀ ਹੈ ਨੇ ਜਾਣਕਾਰੀ ਦਿਤੀ ਕੇ ਕੱਲ ਮੇਰੀ ਅਪਣੀ ਮਾਂ ਨਾਲ ਗੱਲ ਹੋਈ ਸੀ ਤੇ ਅੱਜ ਮੈਂ ਫੋਨ ਕਰ ਰਹੀ ਸੀ ਤੇ ਮੇਰੀ ਮੰਮੀ ਨੇ ਫੋਨ ਨਹੀਂ ਚੱਕਿਆ ਤੇ ਮੈਂ ਗੁਆਂਢ ਚ ਰਹਿੰਦੀ ਅੰਟੀ ਨੂੰ ਫੋਨ ਕਰ ਕੇ ਕਿਹਾ ਕਿ ਦੇਖ ਕੇ ਦੱਸ ਦਿਉ।
ਭੇਦ ਭਰੇ ਹਲਾਤਾਂ 'ਚ 35 ਸਾਲਾ ਔਰਤ ਦਾ ਕਤਲ, ਵੀਡੀਓ ਵੀ ਦੇਖੋ
ਜਿਸ ਤੋਂ ਬਾਅਦ ਪਤਾ ਲੱਗਿਆ ਕੇ ਉਹਨਾਂ ਦਾ ਕਤਲ ਹੋ ਗਿਆ ਹੈ। ਮੌਕੇ ਤੇ ਪਹੁੰਚੇ ਐਮ ਸੀ ਸਨੀ ਦੁਆ ਨੇ ਦੱਸਿਆ ਕਿ ਇਹ ਔਰਤ ਕੁਝ ਮਹੀਨੇ ਪਹਿਲਾਂ ਹੀ ਘੁਲਾਲ ਪਿੰਡ ਤੋਂ ਇਥੇ ਕਰਾਏ ਤੇ ਰਹਿਣ ਆਈ ਸੀ। ਜਿਸ ਦੇ ਕਤਲ ਦਾ ਸਾਨੂੰ ਸਵੇਰੇ ਪਤਾ ਲੱਗਿਆ ਹੈ ਜਿਸ ਦੀ ਜਾਣਕਾਰੀ ਅਸੀਂ ਪੁਲਸ ਨੂੰ ਦੇ ਦਿੱਤੀ ਹੈ ਤੇ ਮੌਕੇ ਤੇ ਪੁਲਸ ਪਹੁੰਚ ਗਈ ਹੈ ਤੇ ਜਾਂਚ ਕਰ ਰਹੀ ਹੈ।
ਮੌਕੇ ਤੇ ਪੁੱਜੇ ਸਮਰਾਲਾ ਦੇ ਡੀ ਐਸ ਪੀ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਇਸ ਮ੍ਰਿਤਕ ਔਰਤ ਦਾ ਗਲਾ ਕੁੱਟ ਕੇ ਕਤਲ ਕੀਤਾ ਗਿਆ ਹੈ ਤੇ ਉਹਨਾਂ ਕਿਹਾ ਕਿ ਸੀ ਸੀ ਟੀ ਵੀ ਦੇਖੇ ਜਾ ਰਹੇ ਹਨ ਕਿ ਇਸ ਔਰਤ ਕੋਲ ਕੌਣ ਆਇਆ ਹੈ ਤੇ ਉਹਨਾਂ ਕਿਹਾ ਕਿ ਜਲਦ ਹੀ ਅਰੋਪੀਆ ਨੂੰ ਕਾਬੂ ਕਰ ਲਿਆ ਜਾਵੇਗਾ।