ਗੋਲਡਨ ਸਟਾਰ ਮਲਕੀਤ ਸਿੰਘ ਦਾ ਨਵਾਂ ਗੀਤ "ਕਾਲੀ ਐਨਕ ਨਾ ਲਾਇਆ ਕਰ ਰਿਲੀਜ਼ (ਵੀਡੀਓ ਵੀ ਦੇਖੋ)
ਜਲੰਧਰ, 28 ਅਪ੍ਰੈਲ 2022 - ਪੰਜਾਬੀਆਂ ਦੇ ਮਾਣਮੱਤੇ ਗਾਇਕ ਗੋਲਡਨ ਸਟਾਰ ਮਲਕੀਤ ਸਿੰਘ ਦਾ ਨਵਾਂ ਗੀਤ ' ਕਾਲੀ ਐਨਕ ਨਾ ਲਾਇਆ ਕਰ ਅੱਜ ਡੇਜ਼ ਹੋਟਲ ਵਿਚ ਰਿਲੀਜ਼ ਕੀਤਾ ਗਿਆ । ਇਸ ਮੌਕੇ ਗੋਲਡਨ ਸਟਾਰ ਮਲਕੀਤ ਸਿੰਘ ਨੇ ਕਿਹਾ ਕਿ ਦਹਾਕਿਆਂ ਤੋਂ ਉਨ੍ਹਾਂ ਦੀ ਗਾਇਕੀ ਦਾ ਸਫ਼ਰ ਇਸ ਕਰਕੇ ਕਾਮਯਾਬ ਹੈ ਕਿਉਂਕਿ ਉਹ ਆਪਣੀਆਂ ਜੜ੍ਹਾਂ ਨਾਲ ਨਹੀਂ ਟੁੱਟਿਆ ।ਉਨਾ ਕਿਹਾ ਕਿ ਪੰਜਾਬੀਆਂ ਨੂੰ ਇਹ ਗੀਤ ਵੀ ਉਵੇਂ ਹੀ ਪਸੰਦ ਆਵੇਗਾ , ਜਿਵੇਂ “ ਭੂਤਕ ਤੂਤਕ ਤੂਤੀਆਂ ਤੇ " ਗੁੜ ਨਾਲੋਂ ਇਸ਼ਕ ਮਿੱਠਾ " ਪਸੰਦ ਆਏ ਸਨ ।
ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ 'ਤੇ ਕਲਿੱਕ ਕਰੋ...
ਗੋਲਡਨ ਸਟਾਰ ਮਲਕੀਤ ਸਿੰਘ ਦਾ ਨਵਾਂ ਗੀਤ "ਕਾਲੀ ਐਨਕ ਨਾ ਲਾਇਆ ਕਰ ਰਿਲੀਜ਼ (ਵੀਡੀਓ ਵੀ ਦੇਖੋ)
ਉਨ੍ਹਾਂ ਕਿਹਾ ਕਿ ਇੰਗਲੈਂਡ ਵਿੱਚ ਰਹਿੰਦਿਆਂ ਉਹ ਹਮੇਸ਼ਾ ਪੰਜਾਬ ਪੰਜਾਬੀ ਤੇ ਪੰਜਾਬੀਅਤ ਦੀ ਖ਼ੈਰ ਸੁੱਖ ਮੰਗਦੇ ਹਨ ਤੇ " ਮਾਂ ਦੇ ਹੱਥਾਂ ਦੀਆਂ ਪੱਕੀਆਂ ਰੋਟੀਆਂ " ਗੀਤ ਵੀ ਉਨ੍ਹਾਂ ਦੇ ਜਜ਼ਬਾਤ ਵਿੱਚੋਂ ਨਿਕਲਿਆ ਸੀ । ਮਲਕੀਤ ਸਿੰਘ ਨੇ ਕਿਹਾ ਕਿ " ਕਾਲੀ ਐਨਕ ਨਾ ਲਾਇਆ ਕਰ " ਗੀਤ ਮਿਊਜ਼ਿਕ ਵੇਵਜ਼ ਕੰਪਨੀ ਵੱਲੋਂ ਜਾਰੀ ਕੀਤਾ ਗਿਆ ਹੈ । ਮਿਊਜਿਕ ਵੇਵਜ਼ ਦਾ ਪੰਜਾਬੀ ਸੰਗੀਤ ਵਿੱਚ ਬਹੁਤ ਵੱਡਾ ਯੋਗਦਾਨ ਹੈ । ਭਾਵੇਂ ਗੱਲ ਪੰਜਾਬੀ ਫ਼ਿਲਮਾਂ ਦੀ ਹੋਵੇ ਜਾਂ ਕੈਸੇਟ ਉਦਯੋਗ ਦੀ ਮਿਊਜ਼ਿਕ ਵੇਵਜ਼ ਨੇ ਬੁਲੰਦੀਆਂ ਛੋਹੀਆਂ ਹਨ ।
ਉਨ੍ਹਾਂ ਕਿਹਾ ਕਿ ਉਹ ਇਸ ਦੌਰ ਵਿੱਚ ਵੀ ਜਦੋਂ ਕੈਸੇਟ ਜਾਂ ਸੀਡੀ ਨਹੀਂ ਬਣਦੀ , ਸਗੋਂ ਸੋਸ਼ਲ ਮੀਡੀਆ ਉੱਤੇ ਗੀਤ ਜਾਰੀ ਹੁੰਦੇ ਹਨ , ਵਿੱਚ ਵਿਚਰਨਾ ਆਪਣੇ ਧੰਨਭਾਗ ਸਮਝਦੇ ਹਨ । ਉਨ੍ਹਾਂ ਪੰਜਾਬੀਆਂ ਨੂੰ ਅਪੀਲ ਕੀਤੀ ਕਿ ਚੰਗੇ ਸੰਗੀਤ ਨੂੰ ਪਿਆਰ ਸਤਿਕਾਰ ਦਿੰਦੇ ਰਹਿਣਾ ਚਾਹੀਦਾ ਹੈ ਤੇ ਚੰਗੇ ਮੰਦੇ ਵਿਚਲਾ ਫਰਕ ਨਿਖੇੜ ਕੇ ਚੱਲਣਾ ਸਾਡੀ ਆਪਣੀ ਜ਼ਿੰਮੇਵਾਰੀ ਹੈ ।