ਵੀਡੀਓ: ਮਲੇਰਕੋਟਲਾ ਤੋਂ ਵੱਡੀ ਖ਼ਬਰ, ‘ਆਪ’ ਕੌਂਸਲਰ ਅਕਬਰ ਭੋਲੀ ਦਾ ਦਿਨ-ਦਿਹਾੜੇ ਗੋਲੀਆਂ ਮਾਰ ਕੇ ਕਤਲ
ਮਲੇਰਕੋਟਲਾ, 31 ਜੁਲਾਈ 2022 - ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ 'ਤੇ ਕਲਿੱਕ ਕਰੋ....
ਵੀਡੀਓ: ਮਲੇਰਕੋਟਲਾ ਤੋਂ ਵੱਡੀ ਖ਼ਬਰ, ‘ਆਪ’ ਕੌਂਸਲਰ ਅਕਬਰ ਭੋਲੀ ਦਾ ਦਿਨ-ਦਿਹਾੜੇ ਗੋਲੀਆਂ ਮਾਰ ਕੇ ਕਤਲ
- ਆਮ ਆਦਮੀ ਪਾਰਟੀ ਦੇ ਲੋਹੇ ਦੇ ਵੱਡੇ ਵਪਾਰੀ ਅਤੇ ਕੌਂਸਲਰ ਮੁਹੰਮਦ ਅਕਬਰ ਦੀ ਦਿਨ ਦਿਹਾੜੇ ਗੋਲੀਆਂ ਮਾਰ ਕੇ ਹੱਤਿਆ -ਦਾ ਆਇਆ ਵੀਡੀਓ ਸਾਹਮਣੇ
- ਮ੍ਰਿਤਕ ਦੇ ਭਰਾ ਦੀ ਵੀ ਪਹਿਲਾਂ ਗੋਲੀਆਂ ਮਾਰ ਕੇ ਕੀਤੀ ਗਈ ਸੀ ਹੱਤਿਆ -ਸ਼ਹਿਰ ਅੰਦਰ ਦਹਿਸ਼ਤ ਭਰਿਆ ਮਾਹੌਲ
- ਪੁਲਸ ਵੱਲੋਂ ਉੱਚ ਪੱਧਰੀ ਜਾਂਚ ਲਈ ਉੱਚ ਅਧਿਕਾਰੀ ਸਵੇਰੇ ਘਟਨਾ ਹੋਣ ਤੋਂ ਹੀ ਲੱਗੇ ਅਤੇ ਜਲਦ ਹੀ ਮਾਮਲਾ ਟਰੇਸ ਹੋਣ ਦੀ ਉਮੀਦ-ਐਸ.ਐਸ.ਪੀ ਅਵਨੀਤ ਕੌਰ ਸਿੱਧੂ
ਮੁਹੰਮਦ ਇਸਮਾਈਲ ਏਸ਼ੀਆ
ਮਾਲੇਰਕੋਟਲਾ 31 ਜੁਲਾਈ 2022 ਮਾਲੇਰਕੋਟਲਾ ਲਈ ਅੱਜ ਉਸ ਸਮੇਂ ਬੜਾ ਹੀ ਦੁਖਦਾਈ ਭਾਣੇ ਵਾਲਾ ਦਿਨ ਸਾਬਤ ਹੋਇਆ ਜਦੋਂ ਸਥਾਨਕ ਆਮ ਆਦਮੀ ਪਾਰਟੀ ਦੇ ਵਾਰਡ ਨੰਬਰ 18 ਤੋਂ ਕੌਂਸਲਰ ਅਤੇ ਲੋਹੇ ਦੇ ਵੱਡੇ ਵਪਾਰੀ ਮੁਹੰਮਦ ਅਕਬਰ ਭੋਲੀ ਪੀਚੀ ਵਾਲੇ ਦੀ ਸਵੇਰੇ ਤੜਕੇ ਹੀ ਅਣਪਛਾਤੇ ਲੋਕਾਂ ਨੇ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ ਇਹ ਭਾਨਾ ੳੁਦੋਂ ਵਾਪਰਿਆ ਜਦੋਂ ਉਹ ਆਪਣੇ ਘਰ ਤੋਂ ਆਪਣੇ ਜਿੰਮ ਵਿਚ ਜਾ ਰਹੇ ਸਨ ਦੱਸਣਾ ਬਣਦਾ ਹੈ ਕਿ ਮੁਹੰਮਦ ਅਕਬਰ ਭੋਲੀ ਦੇ ਭਰਾ ਮੁਹੰਮਦ ਅਨਵਰ ਮਾਲਕ ਰਾਣੀ ਪੈਲੇਸ ਦੀ ਵੀ ਕਰੀਬ ਦੋ ਸਾਲ ਪਹਿਲਾਂ ਅਣਪਛਾਤੇ ਹਮਲਾਵਰਾਂ ਨੇ ਉਸ ਸਮੇਂ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ ਸੀ ਜਦੋਂ ਉਹ ਕਿਸੇ ਜਨਾਜ਼ੇ ਨਾਲ ਕਬਰਸਤਾਨ ਜਾ ਰਹੇ ਸਨ ।
ਸੀਸੀਟੀਵ ਸੀਸੀਟੀਵੀ ਕੈਮਰਿਆਂ ਦੇ ਖੰਕ ਖੋਲ੍ਹਣ ਤੇ ਇਹ ਗੱਲ ਸਾਹਮਣੇ ਆਈ ਹੈ ਕਿ ਦੋ ਮੋਟਰਸਾਈਕਲ ਸਵਾਰ ਲੁਧਿਆਣਾ ਰੋਡ ਤੇ ਸਥਿਤ ਉਸ ਦੇ ਜਿਮ ਵਿਚ ਜਾ ਰਹੀ ਪਹੀ ਵਿਚ ਪੈਦl ਉਸ ਦੇ ਜਿੰਮ ਕੋਲ ਪਹੁੰਚਦੇ ਹਨ ਅਤੇ ਅਤੇ ਅਕਬਰ ਭੋਲੀ ਉਸ ਪਹੀ ਨੂੰ ਬਾਰਸ਼ ਹੋਣ ਕਾਰਨ ਕੁਝ ਠੀਕ ਕਰਦਾ ਵਿਖਾਈ ਦੇ ਰਿਹਾ ਹੈ ਅਤੇ ਉਸ ਤੋਂ ਅਗਲੀ ਵੀਡੀਓ ਵਿਚ ਜਿਮ ਵਿਚ ਬੁਲਾ ਕੇ ਹਮਲਾਵਰ ਉਸ ਨੂੰ ਆਪਣੇ ਪਾਸ ਬੁਲਾ ਕੇ ਉਸ ਦੀ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੰਦੇ ਹਨ ਅਤੇ ਉਨ੍ਹਾਂ ਵੱਲੋਂ ਲੱਗਦਾ ਹੈ ਕਿ ਇਹ ਕੋਸ਼ਿਸ਼ ਕੀਤੀ ਗਈ ਹੈ ਕਿ ਕੈਮਰਿਆਂ ਦੇ ਮੁਖ ਤੋਂ ਅਕਬਰ ਭੋਲੀ ਨੂੰ ਦੂਰ ਰੱਖ ਕੇ ਇਹ ਕੰਮ ਕੀਤਾ ਜਾ ਸਕੇ।
ਮਿਲੀ ਜਾਣਕਾਰੀ ਅਨੁਸਾਰ ਐਤਵਾਰ ਵਾਲੇ ਦਿਨ ਮੁਹੰਮਦ ਅਕਬਰ ਭੋਲੀ ਸਵੇਰੇ 8 ਵਜੇ ਜਿੰਮ ਜਾਂਦਾ ਸੀ ਅਤੇ ਹੋਰ ਦਿਨਾਂ ਵਿੱਚ ਸਵੇਰੇ ਫਜ਼ਰ ਦੀ ਨਮਾਜ਼ ਤੋਂ ਬਾਅਦ ਕਰੀਬ 6 ਵਜੇ ਆਪਣੇ ਜਿੰਮ ਜਾਇਆ ਕਰਦਾ ਸੀ ਜਿਸ ਲਈ ਉਸ ਦੀ ਟਾਈਮਿੰਗ ਬਾਰੇ ਵੀ ਹਮਲਾਵਰਾਂ ਨੂੰ ਭਲੀ ਭਾਂਤ ਜਾਣਕਾਰੀ ਸੀ । ਇਸ ਸਬੰਧੀ ਸਥਾਨਕ ਐੱਸ.ਐੱਸ.ਪੀ ਮੈਡਮ ਅਵਨੀਤ ਕੌਰ ਸਿੱਧੂ ਨਾਲ ਗੱਲਬਾਤ ਕਰਨ ਤੇ ਉਨ੍ਹਾਂ ਦੱਸਿਆ ਕਿ ਪੁਲਸ ਵੱਲੋਂ ਉੱਚ ਪੱਧਰੀ ਜਾਂਚ ਵਿੱਚ ਉਨ੍ਹਾਂ ਦੇ ਉੱਚ ਅਧਿਕਾਰੀ ਸਵੇਰੇ ਘਟਨਾ ਹੋਣ ਤੋਂ ਹੀ ਲੱਗੇ ਹੋਏ ਹਨ ਅਤੇ ਜਲਦ ਹੀ ਮਾਮਲਾ ਟਰੇਸ ਹੋਣ ਦੀ ਉਮੀਦ ਹੈ ।
ਦੂਜੇ ਪਾਸੇ ਸ਼ਹਿਰ ਅੰਦਰ ਹੋਈ ਇਸ ਘਟਨਾ ਕਾਰਨ ਦਹਿਸ਼ਤ ਦਾ ਮਾਹੌਲ ਬਣਿਆ ਵਿਖਾਈ ਦੇ ਰਿਹਾ ਹੈ ਅਤੇ ਸਿਵਲ ਹਸਪਤਾਲ ਵਿਖੇ ਪਹੁੰਚੀ ਅਕਬਰ ਭੋਲੀ ਦੀ ਲਾਸ਼ ਦੇ ਪੋਸਟਮਾਰਟਮ ਦੌਰਾਨ ਵੱਡੀ ਗਿਣਤੀ ਵਿਚ ਸ਼ਹਿਰ ਦੇ ਲੋਕ ਇਕੱਠੇ ਹੋਏ ਵਿਖਾਈ ਦੇ ਰਹੇ ਸਨ ਅਤੇ ਸਥਾਨਕ ਐਮ.ਐਲ.ਏ ਡਾ.ਜਮੀਲ ਉਰ ਰਹਿਮਾਨ ਅਤੇ ਜ਼ਿਲ੍ਹਾ ਪ੍ਰਧਾਨ ਆਮ ਆਦਮੀ ਪਾਰਟੀ ਜਫ਼ਰ ਅਲੀ ਨੇ ਸਿਵਲ ਹਸਪਤਾਲ ਵਿਖੇ ਮੌਕੇ ਤੇ ਜਾ ਕੇ ਜਾਇਜ਼ਾ ਲਿਆ ।