ਅਣਪਛਾਤੇ ਨੌਜਵਾਨ ਦੀ ਝਾੜੀਆਂ ਵਿਚੋਂ ਮਿਲੀ ਲਾਸ਼
ਰਿਪੋਰਟਰ.... ਰੋਹਿਤ ਗੁਪਤਾ
ਗੁਰਦਾਸਪੁਰ, 21 ਸਤੰਬਰ 2022 - ਜ਼ਿਲ੍ਹੇ ਦੇ ਕਸਬਾ ਧਾਰੀਵਾਲ ਵਿੱਚ ਬਿਜਲੀ ਬੋਰਡ ਦੇ ਦਫਤਰ ਨਜ਼ਦੀਕ ਰੇਲਵੇ ਟ੍ਰੈਕ ਕੋਲ ਝਾੜੀਆਂ ਵਿਚੋਂ ਅਣਪਛਾਤੀ ਅਣਪਛਾਤੇ ਨੌਜਵਾਨ ਦੀ ਲਾਸ਼ ਮਿਲਣ ਕਾਰਨ ਇਲਾਕੇ ਵਿਚ ਸਨਸਨੀ ਫੈਲ ਗਈ ।ਇਤਲਾਹ ਮਿਲਦੇ ਹੀ ਜੀ ਆਰ ਪੀ ਪੁਲਿਸ ਅਤੇ ਪੰਜਾਬ ਪੁਲਿਸ ਦੇ ਜਵਾਨ ਮੌਕੇ ਤੇ ਪਹੁੰਚੇ। ਲਾਸ਼ ਨੂੰ ਕਬਜ਼ੇ ਵਿੱਚ ਲੈਂਦੇ ਹੋਏ ਪੋਸਟਮਾਰਟਮ ਲਈ ਭੇਜ ਦਿੱਤੀ ਗਈ।,ਲਾਸ਼ ਦੀ ਹਾਲਤ ਦੇਖ ਕੇ ਲਗਦਾ ਸੀ ਕਿ ਮ੍ਰਿਤਕ ਦੀ ਮੌਤ ਘੱਟੋ ਘੱਟ 10 ਦਿਨ ਪਹਿਲਾਂ ਹੋਈ ਹੋਵੇਗੀ।
ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ 'ਤੇ ਕਲਿੱਕ ਕਰੋ....
ਅਣਪਛਾਤੇ ਨੌਜਵਾਨ ਦੀ ਝਾੜੀਆਂ ਵਿਚੋਂ ਮਿਲੀ ਲਾਸ਼ (ਵੀਡੀਓ ਵੀ ਦੇਖੋ)
ਪੁਲਿਸ ਅਧਿਕਾਰੀਆਂ ਕੋਲ਼ੋਂ ਮਿਲੀ ਜਾਣਕਾਰੀ ਅਨੁਸਾਰ ਧਾਰੀਵਾਲ ਸੈਂਟਰ ਮੈਟਰ ਐਕਸੀਅਨ ਦਫਤਰ ਕੋਲ ਬਣੇ ਅੰਡਰ ਬ੍ਰਿਜ ਦੇ ਉਪਰ ਝਾੜੀਆਂ ਵਿੱਚ ਇਕ ਅਣਪਛਾਤੀ ਲਾਸ਼ ਮਿਲੀ ਹੈ। ਲਾਸ਼ ਕਾਫੀ ਦੇਰ ਤੋ ਪਈ ਲਗਦੀ ਸੀ ਜਿਸਦੀ ਹਾਲਤ ਕਾਫੀ ਵਿਗੜ ਚੁਕੀ ਸੀ।ਮ੍ਰਿਤਕ ਦੀ ਉਮਰ ਤਕਰੀਬਨ 30 ਤੋ 35 ਸਾਲ ਦੇ ਵਿਚਕਾਰ ਲਗਦੀ ਹੈ। ਥਾਨਾ ਧਾਰੀਵਾਲ ਸਬ ਇੰਸਪੈਕਟਰ ਦਵਿੰਦਰ ਸਿੰਘ ਪੁਲਿਸ ਪਾਰਟੀ ਮੌਕੇ ਤੇ ਪਹੁੰਚੇ ਅਤੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਉਹਨਾ ਦੱਸਿਆ ਕਿ ਇਹ ਏਰੀਆ ਰੇਲਵੇ ਦਾ ਹੈ ਅਤੇ ਅਸੀ ਰੇਲਵੇ ਪੁਲਿਸ ਨੂੰ ਸੂਚਿਤ ਕਰ ਦਿਤਾ ਹੈ।ਉਹ ਮੋਕੇ ਤੇ ਪਹੁੰਚੇ ਹਨ ਜੋ ਵੀ ਕਰਵਾਈ ਹੋਵੇਗੀ ਉਹ ਰੇਲਵੇ ਪੁਲਿਸ ਕਰੇਗੀ।
ਜਦ ਇਸ ਸਬੰਧੀ ਰੇਲਵੇ ਪੁਲਿਸ ਨਾਲ ਸਪੰਰਕ ਕੀਤਾ ਤਾਂ ਉਹਨਾਂ ਆਖਿਆ ਕਿ ਅਸੀ ਅਪਣੇ ਐਸ ਐਚ ਉ ਨੂੰ ਸੂਚਿਤ ਕਰ ਦਿਤਾ ਹੈ। ਉਹ ਮੋਕੇ ਤੇ ਪਹੁੰਚ ਰਹੇ ਹਨ। ਉਹਨਾਂ ਦੇ ਆਉਣ ਤੇ ਜੋ ਵੀ ਕਰਵਾਈ ਬਣਦੀ ਹੋਵੇਗੀ ਉਹ ਕੀਤੀ ਜਾਵੇਗੀ ।ਇਸ ਲਾਸ਼ ਦੀ ਪਹਿਚਾਣ ਕਰਵਾਉਣ ਵਾਸਤੇ 72 ਘੰਟੇ ਲਈ ਹਸਪਤਾਲ ਰੱਖੀ ਜਾਏਗੀ ਅਤੇ ਇਸਦੀ ਪਹਿਚਾਣ ਕਰਵਾਉਣ ਦੀ ਕੋਸ਼ਿਸ ਕੀਤੀ ਜਾਵੇਗੀ।