ਦੁਕਾਨ ਵਿਚੋਂ ਔਰਤ ਦਾ ਪਰਸ ਚੋਰੀ ਕਰਕੇ ਖਿਸਕਣ ਵਾਲੇ ਚੋਰ ਨੂੰ ਲੋਕਾਂ ਨੇ ਕੀਤਾ ਕਾਬੂ
- ਕਾਬੂ ਕਰਕੇ ਕੀਤੀ ਛਿਤਰ ਪਰੈਡ ,,,,,ਪਰਸ ਚੋਰੀ ਦੀ ਘਟਨਾ ਸੀ ਸੀ ਟੀ ਵੀ ਵਿੱਚ ਕੈਦ
ਰਿਪੋਰਟਰ.... ਰੋਹਿਤ ਗੁਪਤਾ
ਗੁਰਦਾਸਪੁਰ, 7 ਅਕਤੂਬਰ 2022 - ਜ਼ਿਲ੍ਹੇ ਦੇ ਕਸਬੇ ਧਾਰੀਵਾਲ ਵਿਖੇ ਇਕ ਦੁਕਾਨ ਅੰਦਰੋਂ ਮਹਿਲਾ ਗ੍ਰਾਹਕ ਦਾ ਪਰਸ ਚੋਰੀ ਕਰਕੇ ਭੱਜਣ ਵਾਲੇ ਨੌਜਵਾਨ ਨੂੰ ਲੋਕਾਂ ਨੇ ਪਿੱਛਾ ਕਰਕੇ ਚੋਰ ਨੌਜਵਾਨ ਨੂੰ ਕਾਬੂ ਕਰ ਲਿਆ ਅਤੇ ਕਾਬੂ ਕਰਦੇ ਹੀ ਰੋਹ ਵਿੱਚ ਆਏ ਲੋਕਾਂ ਨੇ ਚੋਰ ਨੌਜਵਾਨ ਦੀ ਛਿਤਰ ਪਰੈਡ ਵੀ ਕੀਤੀ।ਪਰਸ ਚੋਰੀ ਕਰਕੇ ਉਥੋਂ ਖਿਸਕਦੇ ਚੋਰ ਦੀ ਹਰਕਤ ਸੀ ਸੀ ਟੀ ਵੀ ਵਿੱਚ ਰਿਕਾਰਡ ਹੋ ਗਈ ਅਤੇ ਕੁਝ ਹੀ ਦੇਰ ਬਾਅਦ ਲੋਕਾਂ ਵੱਲੋਂ ਚੋਰ ਨੂੰ ਫੜ੍ਹ ਲਿਆ ਗਿਆ।
ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ 'ਤੇ ਕਲਿੱਕ ਕਰੋ.....
ਦੁਕਾਨ ਵਿਚੋਂ ਔਰਤ ਦਾ ਪਰਸ ਚੋਰੀ ਕਰਕੇ ਖਿਸਕਣ ਵਾਲੇ ਚੋਰ ਨੂੰ ਲੋਕਾਂ ਨੇ ਕੀਤਾ ਕਾਬੂ (ਵੀਡੀਓ ਵੀ ਦੇਖੋ)
ਓਥੇ ਹੀ ਦੁਕਾਨਦਾਰ ਸੋਨੂੰ ਅਤੇ ਸੌਰਵ ਨੇ ਦੱਸਿਆ ਕਿ ਦੁਕਾਨ ਅੰਦਰ ਗ੍ਰਾਹਕ ਜਿਆਦਾ ਹੋਣ ਕਾਰਨ ਇਕ ਨੌਜਵਾਨ ਦੁਕਾਨ ਅੰਦਰੋਂ ਸਮਾਨ ਖਰੀਦ ਰਹੇ ਗ੍ਰਾਹਕਾਂ ਵਿੱਚੋਂ ਇਕ ਔਰਤ ਗ੍ਰਾਹਕ ਦਾ ਪਰਸ ਚੋਰੀ ਕਰਕੇ ਹੋਲੀ ਜਿਹੀ ਖਿਸਕਣ ਲੱਗਾ ਪਰ ਔਰਤ ਨੂੰ ਆਪਣਾ ਪਰਸ ਚੋਰੀ ਹੋ ਜਾਣ ਦਾ ਪਤਾ ਲਗ ਗਿਆ। ਉਸ ਮਹਿਲਾ ਦੇ ਰੌਲਾ ਪਾਉਣ ਤੇ ਦੁਕਾਨਦਾਰ ਅਤੇ ਬਾਹਰ ਖੜੇ ਲੋਕਾਂ ਨੇ ਭੱਜ ਰਹੇ ਨੌਜਵਾਨ ਦਾ ਪਿੱਛਾ ਕਰਕੇ ਉਸਨੂੰ ਕਾਬੂ ਕਰ ਲਿਆ ਅਤੇ ਪਰਸ ਬਰਾਮਦ ਕਰਕੇ ਮਹਿਲਾ ਨੂੰ ਵਾਪਿਸ ਦੇ ਦਿੱਤਾ। ਇਸ ਮੌਕੇ ਰੋਹ ਵਿੱਚ ਆਏ ਲੋਕਾਂ ਨੇ ਚੋਰ ਨੌਜਵਾਨ ਦੀ ਛਿੱਤਰ ਪਰੈਡ ਕਰ ਦਿੱਤੀ ਅਤੇ ਲੋਕਾਂ ਨੇ ਉਕਤ ਨੌਜਵਾਨ ਨੂੰ ਪੁਲਿਸ ਹਵਾਲੇ ਕਰ ਦਿੱਤਾ।
ਦੂਸਰੇ ਪਾਸੇ ਜਦ ਧਾਰੀਵਾਲ ਪੁਲਿਸ ਥਾਣੇ ਦੇ ਪੁਲਿਸ ਅਧਿਕਾਰੀਆਂ ਨਾਲ ਗੱਲਬਾਤ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਉਹਨਾਂ ਕੈਮਰੇ ਸਾਹਮਣੇ ਕੁਝ ਵੀ ਬੋਲਣ ਤੋਂ ਇਨਕਾਰ ਕਰਦੇ ਹੋਏ ਕਿਹਾ ਕਿ ਪੁਲਿਸ ਕੋਲ ਕੋਈ ਲਿਖਤੀ ਸ਼ਿਕਾਇਤ ਨਹੀਂ ਆਈ।