ਭੈਣ ਦਾ ਵਿਆਹ ਕਰ ਡਿਊਟੀ 'ਤੇ ਵਾਪਿਸ ਗਏ ਫੌਜੀ ਜਵਾਨ ਦੀ ਹੋਈ ਮੌਤ
ਇਸੇ ਮਹੀਨੇ ਹੋਣਾ ਸੀ ਨੌਕਰੀ ਤੋਂ ਸੇਵਾ ਮੁਕਤ
ਰੋਹਿਤ ਗੁਪਤਾ
ਗੁਰਦਾਸਪੁਰ ,12 ਅਕਤੂਬਰ 2022 : ਬਟਾਲਾ ਦੇ ਨਜ਼ਦੀਕ ਪਿੰਡ ਚੋਣੇ ਦਾ ਰਹਿਣ ਵਾਲਾ ਜੁਗਰਾਜ ਸਿੰਘ ( ਉਮਰ 36 ਸਾਲ ) ਜੋ ਭਾਰਤੀ ਫ਼ੌਜ ਦੀ ਗਾਰਡ ਬਟਾਲੀਅਨ ਚ ਪਿਛਲੇ 17 ਸਾਲ ਤੋਂ ਨੌਕਰੀ ਤੇ ਤੈਨਾਤ ਸੀ ਦਾ 10 ਅਕਤੂਬਰ ਨੂੰ ਡਿਊਟੀ ਦੌਰਾਨ ਹਰਟ ਅਟੈਕ ਨਾਲ ਦੇਹਾਂਤ ਹੋ ਗਿਆ |ਉਹ ਨਾਗਪੁਰ ਵਿਚ 3 ਗਾਰਡ ਯੂਨਿਟ ਚ ਸੀ ਤੈਨਾਤ ਸੀ।ਦੋ ਬੱਚਿਆਂ 10 ਸਾਲ ਦਾ ਬੇਟਾ ਅਤੇ 2 ਜੁਗਰਾਜ ਦੇ ਪਿੰਡ ਅਤੇ ਘਰ ਚ ਮਾਹੌਲ ਗ਼ਮਗੀਨ ਹੈ ਅਤੇ ਅੱਜ ਅੰਤਿਮ ਵਿਦਾਈ ਮੌਕੇ ਹਰ ਅੱਖ ਨਮ ਸੀ ਅਤੇ ਰੋ ਰੋ ਪਰਿਵਾਰ ਦਾ ਹਾਲ ਬੁਰਾ ਸੀ | ਉਥੇ ਹੀ ਸਰਕਾਰੀ ਸਨਮਾਨਾਂ ਨਾਲ ਅੰਤਿਮ ਸੰਸਕਾਰ ਕੀਤਾ ਗਿਆ।
ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ 'ਤੇ ਕਲਿੱਕ ਕਰੋ.....
ਭੈਣ ਦਾ ਵਿਆਹ ਕਰ ਡਿਊਟੀ 'ਤੇ ਵਾਪਿਸ ਗਏ ਫੌਜੀ ਜਵਾਨ ਦੀ ਹੋਈ ਮੌਤ (ਵੀਡੀਓ ਵੀ ਦੇਖੋ)
ਜੁਗਰਾਜ ਦੇ ਪਰਿਵਾਰ ਨੇ ਦੱਸਿਆ ਕਿ ਘਰ ਚ ਬੀਤੀ 5 ਅਕਤੂਬਰ ਨੂੰ ਖੁਸ਼ੀ ਦਾ ਮਾਹੌਲ ਸੀ। ਜੁਗਰਾਜ ਆਪਣੀ ਭੈਣ ਦਾ ਵਿਆਹ ਕਰ ਆਪਣੀਆਂ ਜਿੰਮੇਵਾਰੀਆਂ ਨਿਭਾ 7 ਤਾਰੀਕ ਨੂੰ ਹੀ ਵਾਪਿਸ ਇਸ ਖੁਸ਼ੀ ਦੇ ਮਾਹੌਲ ਚੋ ਡਿਊਟੀ ਤੇ ਵਾਪਿਸ ਗਿਆ ਅਤੇ ਉਹ ਅਤੇ ਪਰਿਵਾਰ ਇਸ ਲਈ ਵੀ ਬਹੁਤ ਖੁਸ਼ ਸੀ ਕਿ ਇਸੇ ਮਹੀਨੇ ਜੁਗਰਾਜ ਸੇਵਾ ਮੁਕਤ ਹੋਣ ਵਾਲਾ ਸੀ ਪਰ ਇਹ ਕਿਸੇ ਨੂੰ ਨਹੀਂ ਪਤਾ ਕਿ ਜੁਗਰਾਜ ਨੌਕਰੀ ਤੋਂ ਸੇਵਾ ਮੁਕਤ ਹੋਣ ਤੋਂ ਪਹਿਲਾ ਹੀ ਇਸ ਦੁਨੀਆ ਨੂੰ ਅਲਵਿਦਾ ਆਖ ਜਾਵੇਗਾ | ਉਥੇ ਹੀ ਜੁਗਰਾਜ ਪਰਿਵਾਰ ਚ ਪਿੱਛੇ ਬਿਮਾਰ ਪਿਤਾ ਪਤਨੀ ਅਤੇ ਦੋ ਛੋਟੇ ਬੱਚੇ ਬੇਟਾ 9 ਸਾਲ ਦਾ ਹੈ ਅਤੇ ਬੇਟੀ 2 ਸਾਲ ਦੀ ਛੱਡ ਗਿਆ |