ਦੁਨੀਆ 'ਚ ਜਿੱਥੇ ਵੀ ਸਿੱਖ ਬੈਠਾ ਸਮਝੇ ਭਾਰਤ ਉਸ ਦਾ ਘਰ ਹੈ - ਮੋਦੀ (ਵੀਡੀਓ ਵੀ ਦੇਖੋ)
ਨਵੀਂ ਦਿੱਲੀ, 7 ਨਵੰਬਰ, 2022: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਕੌਮੀ ਘੱਟ ਗਿਣਤੀ ਕਮਿਸ਼ਨ ਦੇ ਚੇਅਰਮੈਨ ਇਕਬਾਲ ਸਿੰਘ ਲਾਲਪੁਰਾ ਦੇ ਘਰ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ’ਤੇ ਹੋ ਰਹੇ ਸਮਾਗਮ ਵਿਚ ਹਿੱਸਾ ਲੈਣ ਪਹੁੰਚੇ।
ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ 'ਤੇ ਕਲਿੱਕ ਕਰੋ....
ਮੋਦੀ ਪਹੁੰਚੇ ਗੁਰਪੁਰਬ ਪ੍ਰੋਗਰਾਮ ਵਿਚ, ਪੜ੍ਹੋ ਵੇਰਵਾ ਤੇ ਵੇਖੋ ਵੀਡੀਓ
ਇਸ ਮੌਕੇ ਉਨ੍ਹਾਂ ਨੇ ਸੰਬੋਧਨ ਕਰਨ ਮੌਕੇ ਕਿਹਾ ਕਿ ਦੁਨੀਆ ਦੇ ਕਿਸੇ ਵੀ ਦੇਸ਼ 'ਚ ਕੋਈ ਵੀ ਸਿੱਖ ਬੈਠਾ ਹੈ, ਉਹ ਸਮਝੇ ਕਿ ਭਾਰਤ ਉਸ ਦਾ ਘਰ ਹੈ। ਇਸ ਤੋਂ ਬਿਨਾਂ ਉਨ੍ਹਾਂ ਕਿਹਾ ਕਿ ਉਹ ਦਰਬਾਰ ਸਾਹਿਬ ਅੰਮ੍ਰਿਤਸਰ ਲਈ ਦੇਸ਼ ਦੇ ਹੋਰਨਾਂ ਹਿੱਸਿਆਂ ਤੋਂ ਆ ਰਹੀ ਸੰਗਤ ਲਈ ਆਵਾਜਾਈ ਵੀ ਸੁਖਾਲੀ ਕਰ ਰਹੇ ਹਨ। ਨਵੀਂਆਂ ਟ੍ਰੇਨਾਂ ਵੀ ਚਲਾਈਆਂ ਜਾਣਗੀਆਂ ਤਾਂ ਜੋ ਸੰਗਤ ਨੂੰ ਕੋਈ ਪ੍ਰੇਸ਼ਾਨੀ ਨਾ ਹੋਵੇ।
ਉਨ੍ਹਾਂ ਕਿਹਾ ਕਿ ਅਫਗਾਨਿਸਤਾਨ 'ਚ ਜਿਹੋ ਜਿਹੇ ਹਾਲਾਤ ਹੋਏ, ਉਸ ਤੋਂ ਬਾਅਦ ਹਿੰਦੂ-ਸਿੱਖ ਪਰਿਵਾਰਾਂ ਅਤੇ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਸਰੂਪ ਆਦਰ ਸਹਿਤ ਭਾਰਤ ਲਿਆਂਦੇ ਗਏ।