ਅਮਰੀਕਾ 'ਚ ਕਾਲੇ ਵਿਆਕਤੀ ਵੱਲੋਂ ਪੰਜਾਬੀ ਨੌਜਵਾਨ ਦੀ ਕੁੱਟਮਾਰ, ਘਟਨਾ CCTV ਚ ਹੋਈ ਕੈਦ
ਬਲਵਿੰਦਰ ਸਿੰਘ ਧਾਲੀਵਾਲ
ਕਪੂਰਥਲਾ, 16 ਨਵੰਬਰ 2022 - ਰੋਜ਼ੀ ਰੋਟੀ ਅਤੇ ਚੰਗੇ ਭਵਿੱਖ ਤਲਾਸ਼ ਦੀ ਖਾਤਰ ਵਿਦੇਸ਼ ਅਮਰੀਕਾ ਗਏ, ਨਡਾਲਾ ਨੇੜੇ ਪਿੰਡ ਬਿੱਲਪੁਰ ਵਾਸੀ ਪੰਜਾਬੀ ਨੌਜਵਾਨ ਟਰੱਕ ਡਰਾਇਵਰ ਦੀ ਕਾਲੇ ਵਿਆਕਤੀ ਵੱਲੋ ਮਾਮੂਲੀ ਤਕਰਾਰ ਤੋਂ ਬਾਅਦ ਭਾਰੀ ਕੁੱਟਮਾਰ ਕੀਤੇ ਜਾਣ ਦੀ ਖਬਰ ਮਿਲੀ ਹੈ। ਹਾਲਾਂਕਿ ਜਿਸਨੂੰ ਕਿ ਉਥੇ ਇੱਕ ਹਸਪਤਾਲ ਤੋਂ ਇਲਾਜ਼ ਤੋਂ ਬਾਅਦ ਛੁੱਟੀ ਮਿਲ ਗਈ ਹੈ।
ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ 'ਤੇ ਕਲਿੱਕ ਕਰੋ....
ਅਮਰੀਕਾ 'ਚ ਕਾਲੇ ਵੱਲੋਂ ਕਪੂਰਥਲਾ ਦੇ ਪੰਜਾਬੀ ਨੌਜਵਾਨ ਦੀ ਕੁੱਟਮਾਰ, ਘਟਨਾ CCTV ਚ ਹੋਈ ਕੈਦ, ਪਿੰਡ ਬੈਠੇ ਮਾਪਿਆਂ ਦੇ ਸੁੱਕੇ ਸਾਹ (ਵੀਡੀਓ ਵੀ ਦੇਖੋ)
ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਨੌਜਵਾਨ ਦੇ ਪਿਤਾ ਸ਼ਰਨਜੀਤ ਸਿੰਘ ਵਾਸੀ ਬਿੱਲਪੁਰ ਨੇ ਦੱਸਿਆ ਕਿ ਉਸਦਾ ਲੜਕਾ ਤਕਦੀਰ ਸਿੰਘ 2016 ਵਿਚ ਅਮਰੀਕਾ ਗਿਆ ਸੀ ਤੇ ਹੁਣ ਕੈਲੋਫੋਰਨੀਆ ਵਿਚ ਰਹਿ ਕੇ ਟਰੱਕ ਚਲਾਉਣ ਦਾ ਕੰਮ ਕਰਦਾ ਹੈ। ਇਸ ਦੌਰਾਨ ਲੰਘੀ 11 ਨਵੰਬਰ ਨੂੰ ਜਦ ਉਸਦਾ ਲੜਕਾ ਕੈਲੋਫੋਰਨੀਆ ਤੋਂ ਟਰੱਕ ਲੋਡ ਕਰਨ ਲਈ ਐਲ ਏ ਜਾ ਰਿਹਾ ਸੀ ਤਾਂ ਰਸਤੇ ਵਿਚ ਕਾਰ ਚਾਲਕ ਕਾਲੇ ਵਿਅਕਤੀ ਨਾਲ ਟਰੱਕ ਪਾਸ ਕਰਨ ਵੇਲੇ ਮਮੂਲੀ ਤਕਰਾਰ ਹੋ ਗਈ ਤੇ ਕਾਰ ਚਾਲਕ ਨੇ ਟਰੱਕ ਅੱਗੇ ਕਾਰ ਖੜੀ ਕਰਕੇ ਟਰੱਕ ਰੋਕ ਲਿਆ ਤੇ ਕਾਲੇ ਵਿਆਕਤੀ ਤੇ ਉਸਦੇ ਬੇਟੇ ਵਿਚਕਾਰ ਸੜਕ ਤੇ ਹੋਈ ਤਕਰਾਰ ਦੇ ਬਾਅਦ ਕਾਲੇ ਵਿਅਕਤੀ ਨੇ ਕਾਰ ਵਿੱਚੋਂ ਲੋਹੇ ਦੀ ਰਾਡ ਕੱਢ ਕੇ ਉਸਦੇ ਲੜਕੇ ਤੇ ਜਾਨ ਲੇਵਾ ਹਮਲਾ ਕਰ ਦਿਤਾ ਤੇ ਹਮਲੇ ਵਿਚ ਉਸਦੇ ਲੜਕੇ ਦੇ ਸਿਰ ਮੂੰਹ ਤੇ ਹੋਰ ਸਰੀਰ ਤੇ ਬਹੁਤ ਸੱਟਾਂ ਲੱਗੀਆਂ। ਹਮਲਾ ਕਰਨ ਤੋ ਬਾਅਦ ਕਾਰ ਚਾਲਕ ਮੌਕੇ ਤੋਂ ਫਰਾਰ ਹੋ ਗਿਆ।
ਇਸ ਦੌਰਾਨ ਸਾਥੀਆਂ ਨੇ ਪੁਲਿਸ ਨੂੰ ਫੋਨ ਕਰਨ ਤੋ ਬਾਅਦ ਜਖਮੀ ਤਕਦੀਰ ਸਿੰਘ ਨੂੰ ਹਸਪਤਾਲ ਪੁਹੰਚਾਇਆ , ਇਸ ਦੌਰਾਨ ਪੁਲਿਸ ਨੇ ਕਾਰਵਾਈ ਕਰਦਿਆ ਉਕਤ ਹਮਲਾਵਾਰ ਵਿਰੁੱਧ ਮਾਮਲਾ ਦਰਜ ਕਰਕੇ ਉਸਨੂੰ ਗਿ੍ਫਤਾਰ ਕਰ ਲਿਆ ਹੈ। ਉਸਦੇ ਪਿਤਾ ਸ਼ਰਨਜੀਤ ਸਿੰਘ ਨੇ ਵਾਹਿਗੁਰੂ ਦਾ ਸ਼ੁਕਰਾਨਾ ਕਰਦਿਆਂ ਦੱਸਿਆ ਕਿ ਮੇਰੇ ਬੇਟੇ ਨੂੰ ਇਲਾਜ਼ ਤੋ ਬਾਅਦ ਹਸਪਤਾਲ ਤੋ ਛੁੱਟੀ ਮਿਲ ਗਈ ਹੈ ਅਤੇ ਉਹ ਹੁਣ ਉਹ ਖਤਰੇ ਤੋਂ ਬਾਹਰ ਹੈ।