ਗੁਜਰਾਤ ਦੇ ਗਾਂਧੀ ਨਗਰ ਪੁਲਿਸ ਨੇ ਕੀਤੀ ਗਈ ਸ਼ਰਾਬ ਕਾਰੋਬਾਰੀ ਦੇ ਘਰ ਰੇਡ
ਗੁਜਰਾਤ ਪੁਲਿਸ ਟੀਮ ਨੂੰ ਲਿਜਾਇਆ ਗਿਆ ਥਾਣੇ ਮਾਮਲਾ ਉਲਝਿਆ
ਰੋਹਿਤ ਗੁਪਤਾ
ਗੁਰਦਾਸਪੁਰ ,20 ਜਨਵਰੀ 2023 : ਬਟਾਲਾ ਚ ਅੱਜ ਉਸ ਵੇਲੇ ਇਕ ਸ਼ਰਾਬ ਕਾਰੋਬਾਰੀ ਦੇ ਘਰ ਹੰਗਾਮਾ ਹੋ ਗਿਆ ਜਦ ਉੱਥੇ ਸਵੇਰੇ ਹੀ ਗੁਜਰਾਤ ਪੁਲਿਸ ਦੇ ਸੀ ਆਈ ਡੀ ਕਰਾਈਮ ਬਰਾਂਚ ਦੇ ਅਧਿਕਾਰੀ ਸ਼ਰਾਬ ਠੇਕੇਦਾਰ ਦੇ ਘਰ ਅੰਦਰ ਦਾਖਿਲ ਹੋ ਗਏ ਅਤੇ ਆਰੋਪ ਲਗਾਏ ਕਿ ਉਕਤ ਸ਼ਰਾਬ ਠੇਕੇਦਾਰ ਗੁਜਰਾਤ ਵਿੱਚ ਸ਼ਰਾਬ ਤਸਕਰੀ ਕਰਦਾ ਹੈ।ਘਰ ਚ ਮਜੂਦ ਉਕਤ ਸ਼ਰਾਬ ਠੇਕੇਦਾਰ ਦੀ ਪਤਨੀ ਨੇ ਗੁਆਂਢੀ ਇਕੱਠੇ ਕਰ ਲਏ ਅਤੇ ਨਾਲ ਹੀ ਵਕੀਲ ਵੀ ਬੁਲਾ ਲਿਆ।
ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ 'ਤੇ ਕਲਿੱਕ ਕਰੋ....
ਗੁਜਰਾਤ ਦੇ ਗਾਂਧੀ ਨਗਰ ਪੁਲਿਸ ਨੇ ਕੀਤੀ ਗਈ ਸ਼ਰਾਬ ਕਾਰੋਬਾਰੀ ਦੇ ਘਰ ਰੇਡ (ਵੀਡੀਓ ਵੀ ਦੇਖੋ)
ਉਥੇ ਹੀ ਬਿਨਾ ਸਥਾਨਿਕ ਪੁਲਿਸ ਦੇ ਪਹੁੰਚੀ ਗੁਜਰਾਤ ਪੁਲਿਸ ਟੀਮ ਨੂੰ ਬਟਾਲਾ ਸਿਟੀ ਥਾਣਾ ਦੀ ਪੁਲਿਸ ਥਾਣੇ ਲੈ ਗਈ। ਬਟਾਲਾ ਦੇ ਕ੍ਰਿਸ਼ਨਾ ਨਗਰ ਮੁਹੱਲੇ ਚ ਅੱਜ ਸਵੇਰ ਹੀ ਹੰਗਾਮਾ ਹੋ ਗਿਆ ਜਦ ਇਕ ਸ਼ਰਾਬ ਠੇਕੇਦਾਰ ਜਿਸਦੀ ਰਿਹਾਇਸ਼ ਬਟਾਲਾ ਵਿਖੇ ਹੈ ਅਤੇ ਅੰਮ੍ਰਿਤਸਰ ਚ ਸ਼ਰਾਬ ਦੇ ਠੇਕਿਆਂ ਦਾ ਮਾਲਿਕ ਹੈ ਅਤੇ ਪਿਛਲੇ ਲੰਬੇ ਸਮੇ ਤੋਂ ਇਸ ਕਾਰੋਬਾਰ ਨਾਲ ਜੁੜਿਆ ਹੈ,ਇਸ ਸ਼ਰਾਬ ਦੇ ਠੇਕੇਦਾਰ ਦੇ ਘਰ ਗੁਜਰਾਤ ਪੁਲਿਸ ਨੇ ਸ਼ਰਾਬ ਤਸਕਰੀ ਦੇ ਮਾਮਲੇ ਚ ਰੇਡ ਕੀਤੀ ਅਤੇ ਘਰ ਦੇ ਅੰਦਰ ਦਾਖਿਲ ਹੋ ਗਏ। ਉਕਤ ਪੁਲਿਸ ਅਧਿਕਾਰੀ ਖੁਦ ਨੂੰ ਕ੍ਰਾਈਮ ਬ੍ਰਾਂਚ ਦਾ ਅਧਿਕਾਰੀ ਦੱਸ ਰਿਹਾ ਸੀ ਅਤੇ ਉਹਨਾਂ ਦੇ ਆਰੋਪ ਸਨ ਕਿ ਪੰਜਾਬ ਤੋਂ ਉਕਤ ਠੇਕੇਦਾਰ ਗੁਜਰਾਤ ਚ ਸ਼ਰਾਬ ਦੀ ਤਸਕਰੀ ਕਰਦਾ ਹੈ | ਉਥੇ ਹੀ ਸ਼ਰਾਬ ਠੇਕੇਦਾਰ ਦੀ ਪਤਨੀ ਅਤੇ ਗੁਆਂਢੀ ਦਾ ਆਰੋਪ ਸੀ ਕਿ ਇਹ ਗੁਜਰਾਤ ਪੁਲਿਸ ਬਿਨਾਂ ਸਥਾਨਿਕ ਪੁਲਿਸ ਨੂੰ ਸੂਚਿਤ ਕੀਤੇ ਉਹਨਾਂ ਦੇ ਘਰ ਚ ਜਬਰਦਸਤੀ ਦਾਖਿਲ ਹੋ ਗਈ ਅਤੇ ਧਮਕੀਆਂ ਵੀ ਦਿਤੀਆਂ। ਜਦਕਿ ਇਸ ਸਾਰੇ ਹੰਗਾਮੇ ਤੋਂ ਬਾਅਦ ਬਟਾਲਾ ਪੁਲਿਸ ਵੀ ਮੌਕੇ ਤੇ ਪਹੁੰਚੀ ਜਦਕਿ ਗੁਜਰਾਤ ਪੁਲਿਸ ਅਧਿਕਾਰੀਆਂ ਨੂੰ ਹੰਗਾਮੇ ਤੋਂ ਬਾਅਦ ਬਿਨਾਂ ਕਿਸੇ ਗ੍ਰਿਫਤਾਰੀ ਖਾਲੀ ਹੱਥ ਮੁੜਣਾ ਪਿਆ |
ਉੱਥੇ ਹੀ ਬਟਾਲਾ ਸਿਟੀ ਪੁਲਿਸ ਥਾਣੇ ਦੇ ਐਸ ਐਚ ਓ ਸੁਖਵਿੰਦਰ ਸਿੰਘ ਦਾ ਕਹਿਣਾ ਸੀ ਕਿ ਉਕਤ ਮਾਮਲਾ ਸਾਹਮਣੇ ਆਇਆ ਹੈ। ਗੁਜਰਾਤ ਪੁਲਿਸ ਟੀਮ ਬਟਾਲਾ ਦੇ ਸ਼ਰਾਬ ਠੇਕੇਦਾਰ ਅਨਿਲ ਕੋਛੜ ਨੂੰ ਗਿਰਫ਼ਤਾਰ ਕਰਨ ਆਈ ਸੀ। ਗੁਜਰਾਤ ਦੇ ਜ਼ਿਲਾ ਡੋਡਾ ਵਿਖੇ ਸ਼ਰਾਬ ਤਸਕਰੀ ਦਾ ਕੇਸ 2015 ਵਿੱਚ ਦਰਜ ਕੀਤਾ ਗਿਆ ਸੀ ਜਿਸ ਵਿਚ ਓਥੋਂ ਦੇ ਰਹਿਣ ਵਾਲੇ ਇਕ ਆਰੋਪੀ ਨੂੰ ਗੁਜਰਾਤ ਪੁਲਿਸ ਨੇ ਕਾਬੂ ਕੀਤਾ ਸੀ, ਜਿਸਨੇ ਪੁੱਛਗਿੱਛ ਦੌਰਾਨ ਗੁਜਰਾਤ ਪੁਲਿਸ ਨੂੰ ਅਨਿਲ ਕੋਛੜ ਦਾ ਨਾਮ ਦੱਸਿਆ ਸੀ ਕਿ ਉਹ ਬਟਾਲਾ ਦੇ ਇਸ ਸ਼ਰਾਬ ਠੇਕੇਦਾਰ ਕੋਲੋ ਸ਼ਰਾਬ ਤਸਕਰੀ ਕਰਕੇ ਗੁਜਰਾਤ ਵੇਚਦੇ ਸੀ।ਗੁਜਰਾਤ ਟੀਮ ਨੂੰ ਥਾਣੇ ਬੁਲਾਇਆ ਗਿਆ ਹੈ, ਜਾਂਚ ਕਰਦੇ ਹੋਏ ਅਗਲੀ ਕਾਰਵਾਈ ਕੀਤੀ ਜਾਵੇਗੀ।