ਮਾਂ-ਪੁੱਤ ਦੀਆਂ ਬਾਥਰੂਮ ਚੋਂ ਲਾਸ਼ਾਂ ਮਿਲੀਆਂ
ਜਗਤਾਰ ਸਿੰਘ
ਪਟਿਆਲਾ 26 ਜੁਲਾਈ 2023: ਸ਼ਹੀਦ ਉਧਮ ਸਿੰਘ ਨਗਰ ਦੇ ਇਕ ਘਰ ਵਿਚੋਂ ਮਾਂ ਤੇ ਪੁੱਤ ਦੀਆਂ ਖੂਨ ਨਾਲ ਲੱਥ ਪੱਥ ਲਾਸ਼ਾ ਮਿਲੀਆਂ ਹਨ। ਇਸ ਘਟਨਾ ਬਾਰੇ ਕਰੀਬ ਚਾਰ ਵਜੇ ਪਤਾ ਲੱਗਿਆ, ਜਿਸ ਤੋਂ ਬਾਅਦ ਪੁਲਿਸ ਨੇ ਮੌਕੇ ‘ਤੇ ਪੁੱਜ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮ੍ਰਿਤਕਾ ਦੀ ਪਛਾਣ ਜਸਵੀਰ ਕੌਰ ਉਮਰ ਕਰੀਬ 50 ਸਾਲ ਤੇ ਜੱਗੀ ਉਮਰ ਕਰੀਬ 23 ਸਾਲ ਵਜੋਂ ਹੋਈ ਹੈ।
ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ 'ਤੇ ਕਲਿੱਕ ਕਰੋ.........
ਮਾਂ-ਪੁੱਤ ਦੀਆਂ ਬਾਥਰੂਮ ਚੋਂ ਲਾਸ਼ਾਂ ਮਿਲੀਆਂ (ਵੀਡੀਓ ਵੀ ਦੇਖੋ)
ਇਲਾਕਾ ਨਿਵਾਸੀਆਂ ਨੇ ਦੱਸਿਆ ਕਿ ਦੁਪਹਿਰ ਸਮੇਂ ਜਸਵੀਰ ਕੌਰ ਤੇ ਉਸਦਾ ਲੜਕਾ ਜੱਗੀ ਘਰ ਵਿਚ ਮੌਜੂਦ ਸੀ। ਕਰੀਬ ਚਾਰ ਵਜੇ ਜੱਗੀ ਦਾ ਪਿਤਾ ਘਰ ਆਇਆ। ਕਈ ਵਾਰ ਦਰਵਾਜਾ ਖੜਕਾਉਣ ’ਤੇ ਅੰਦਰੋਂ ਕਿਸੇ ਨੇ ਕੁੰਡਾ ਨਹੀਂ ਖੋਲ੍ਹਿਆ। ਜਿਸਤੋਂ ਬਾਅਦ ਨਾਲ ਦੇ ਘਰ ਅੰਦਰੋਂ ਵੀ ਆਵਾਜਾਂ ਮਾਰੀਆਂ ਪਰ ਕੋਈ ਜਵਾਬ ਨਾ ਆਇਆ। ਜਿਸ ਤੋਂ ਬਾਅਦ ਘਰ ਦਾ ਕੁੰਡਾ ਤੋੜਿਆ ਗਿਆ। ਅੰਦਰ ਜਾ ਕੇ ਦੇਖਿਆ ਤਾਂ ਸਾਰੇ ਕਮਰੇ ਵਿਖ ਖੂਨ ਦੇ ਛਿੱਟੇ ਸਨ ਤੇ ਮਾਂ ਅਤੇ ਪੁੱਤ ਦੀਆਂ ਲਾਸ਼ਾ ਨਾਲ ਬਣੇ ਇਕ ਬਾਥਰੂਮ ਵਿਚ ਖੂਨ ਨਾਲ ਲਥਪਥ ਪਈਆਂ ਸਨ। ਪੁਲਿਸ ਨੇ ਲਾਸ਼ਾਂ ਦੇ ਪੋਸਟਮਾਰਟਮ ਲਈ ਹਸਪਤਾਲ ਭੇਜ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।