Rahul Gandhi ਦਾ ਲੋਕ ਸਭਾ 'ਚ Flying Kiss?- ਪਿਆ ਪੁਆੜਾ - ਦੇਖੋ ਵੀਡੀਓ
ਨਵੀਂ ਦਿੱਲੀ, 9 ਅਗਸਤ 2023- ਲੋਕ ਸਭਾ 'ਚ ਰਾਹੁਲ ਗਾਂਧੀ ਦੇ 'ਫਲਾਇੰਗ ਕਿੱਸ' ਨੂੰ ਲੈ ਕੇ ਛਿੜਿਆ ਵਿਵਾਦ ਥੰਮਣ ਨਾਮ ਨਹੀਂ ਲੈ ਰਿਹਾ। ਭਾਰਤੀ ਜਨਤਾ ਪਾਰਟੀ ਦੇ ਆਈਟੀ ਸੈੱਲ ਦੇ ਮੁਖੀ ਅਮਿਤ ਮਾਲਵੀਆ ਨੇ ਟਵਿੱਟਰ 'ਤੇ ਇੱਕ ਵੀਡੀਓ ਪੋਸਟ ਕੀਤਾ ਹੈ ਜਿਸ ਵਿੱਚ ਕਾਂਗਰਸ ਸੰਸਦ ਮੈਂਬਰ ਰਾਹੁਲ ਗਾਂਧੀ ਨੂੰ ਫਲਾਇੰਗ ਕਿੱਸ ਕਰਦੇ ਹੋਏ ਦਿਖਾਇਆ ਗਿਆ ਹੈ। ਦੇਖੋ ਵੀਡੀਓ- https://fb.watch/mjqUBW1b9H/
6 ਸੈਕਿੰਡ ਦੀ ਵੀਡੀਓ 'ਚ ਦਿਖਾਇਆ ਗਿਆ ਹੈ ਕਿ ਰਾਹੁਲ ਲੋਕ ਸਭਾ 'ਚ ਇਸ਼ਾਰਾ ਕਰਦੇ ਹੋਏ ਸੰਸਦ ਮੈਂਬਰ ਨੂੰ ਬੈਠਣ ਲਈ ਕਹਿ ਰਹੇ ਹਨ। ਮਾਲਵੀਆ ਨੇ ਵੀਡੀਓ ਦਾ ਕੈਪਸ਼ਨ ਦਿੱਤਾ ‘ਸੰਸਦ ਵਿੱਚ ਲਫੰਗਾਈ ਕਰਦੇ ਹਾਂ ਰਾਹੁਲ ਗਾਂਧੀ..ਸ਼ਰਮਨਾਕ!
ਭਾਰਤੀ ਜਨਤਾ ਪਾਰਟੀ ਦੀਆਂ ਮਹਿਲਾ ਸੰਸਦ ਮੈਂਬਰਾਂ ਨੇ ਸਪੀਕਰ ਕੋਲ ਰਾਹੁਲ ਗਾਂਧੀ ਦੇ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਹੈ। ਲੋਕ ਸਭਾ ਮੈਂਬਰ ਵਜੋਂ ਬਹਾਲ ਹੋਣ ਤੋਂ ਬਾਅਦ ਆਪਣੇ ਪਹਿਲੇ ਭਾਸ਼ਣ ਵਿੱਚ, ਰਾਹੁਲ ਗਾਂਧੀ ਨੇ ਬੇਭਰੋਸਗੀ ਮਤੇ ਤੇ ਬੋਲਿਆ ਅਤੇ ਮਣੀਪੁਰ ਦੇ ਮੁੱਦੇ ਤੇ ਪੀਐਮ ਨਰਿੰਦਰ ਮੋਦੀ ਨੂੰ ਘੇਰਿਆ।
ਕੇਂਦਰੀ ਮੰਤਰੀ ਸਮ੍ਰਿਤੀ ਇਰਾਨੀ ਨੇ ਰਾਹੁਲ ਗਾਂਧੀ ਦੇ ਬਿਆਨ ਦਾ ਜਵਾਬ ਦਿੰਦੇ ਹੋਏ ਕਿਹਾ ਕਿ ਸਦਨ ਦੇ ਅੰਦਰ ਰਾਹੁਲ ਨੇ ਮੇਰੇ ਵੱਲ ਭੱਦੀ ਹਰਕਤ ਕੀਤੀ ਅਤੇ ਦੁਰਵਿਵਹਾਰ ਕੀਤਾ। ਇਰਾਨੀ ਨੇ ਕਿਹਾ ਕਿ, ਸਿਰਫ਼ ਇੱਕ ਅਸ਼ਲੀਲ ਪੁਰਸ਼ ਹੀ ਮਹਿਲਾ ਸੰਸਦ ਮੈਂਬਰਾਂ ਨੂੰ ਫਲਾਇੰਗ ਕਿੱਸ ਦਾ ਇਸ਼ਾਰਾ ਕਰ ਸਕਦਾ ਹੈ।