ਸੁਖਪਾਲ ਖਹਿਰਾ ਦੀ ਛੁੱਟੀ -ਆਪ ਦਾ ਸੰਕਟ-ਜੁਲਾਈ-2018

ਹੁਣ ਭਗਵੰਤ ਮਾਨ ਨੇ ਵੀ ਖਹਿਰਾ ਖਿਲਾਫ ਖੋਲ੍ਹਿਆ ਮੋਰਚਾ

By : ਬਾਬੂਸ਼ਾਹੀ ਬਿਊਰੋ
First Published : Tuesday, Aug 07, 2018 04:27 PM
Updated : Tuesday, Aug 07, 2018 04:35 PM

ਚੰਡੀਗੜ੍ਹ, 7 ਅਗਸਤ 2018 - ਮਾਨ ਨੇ ਕਿਹਾ ਕਿ ਸੁਖਪਾਲ ਖਹਿਰਾ ਨੂੰ ਕੁਰਸੀ ਜਾਣ ਦਾ ਦਰਦ ਹੋਇਆ ਹੈ। ਜਦੋਂ ਤੱਕ ਖਹਿਰਾ ਵਿਰੋਧੀ ਧਿਰ ਨੇਤਾ ਸਨ , ਉਦੋਂ ਤੱਕ ਤਾਂ ਕੋਈ ਸਵਾਲ ਨਹੀਂ ਉੱਠੇ, ਤੇ ਹੁਣ ਹੀ ਕਿਉਂ ਇਹ ਸਵਾਲ ਉੱਠੇ ਹਨ।
- ਮਾਨ ਨੇ ਕਿਹਾ ਕਿ ਸੁਖਪਾਲ ਖਹਿਰਾ ਹਮਦਰਦੀ ਲੈ ਰਹੇ ਨੇ ।
- ਮਾਨ ਕਾਂਗਰਸ ਤੇ ਆਪ ਅਲਾਇੰਸ ਬਾਬਤ ਪੁੱਛੇ ਗਏ ਸਵਾਲਾਂ ਤੋਂ ਭੱਜਦੇ ਨਜ਼ਰ ਆਏ। ਮਾਨ ਨੇ ਕਿਹਾ ਕਿ ਮਨਮੋਹਣ ਸਿੰਘ ਖਹਿਰਾ ਨੂੰ ਕਿੱਥੋਂ ਜਾਣਦੇ ਨੇ। ਉਨ੍ਹਾਂ ਕਿਹਾ ਕਿ ਖਹਿਰਾ ਅਜੇ ਇੰਨਾ ਵੀ ਵੱਡਾ ਨਹੀਂ ਬਣਿਆ।
- ਮਾਨ ਨੇ ਕਿਹਾ ਕਿ ਸੰਧੂ ਤੇ ਖਹਿਰਾ ਤੋਂ ਸੱਚ ਨਹੀਂ ਸੁਣਿਆ ਜਾਂਦਾ। ਜਿਸ ਕਾਰਨ ਦੋਵੇਂ ਸ਼ਿਕਾਇਤਾਂ ਲੈ ਕੇ ਆਉਂਦੇ ਹਨ।
- ਖਹਿਰਾ ਐਨਆਰਆਈ ਨੂੰ ਮੂਰਖ ਬਣਾ ਰਹੇ ਨੇ- ਮਾਨ
- ਕੰਵਰ ਸੰਧੂ ਨੇ ਕਿਹਾ ਸੀ ਕਿ ਮੈਨੂੰ ਵਿਰੋਧੀ ਧਿਰ ਨੇਤਾ ਲਾਉ, ਤੇ ਉਹ ਖਹਿਰਾ ਨੂੰ ਆਪੇ ਸੰਭਾਲ ਲੈਣਗੇ - ਮਾਨ
- ਮਾਨ ਨੇ ਕਿਹਾ ਕਿ ਖਹਿਰਾ ਨੂੰ ਉਹ ਨਸੀਹਤ ਦਿੰਦੇ ਨੇ ਕਿ ਅਨੁਸ਼ਾਸਨ ਸਿੱਖ ਲੈਣ ਨਹੀਂ ਤਾਂ ਭਾਰਤ ਦੀ ਕੋਈ ਅਜਹੀ ਪਾਰਟੀ ਨਹੀਂ ਹੋਵੇਗੀ ਜਿਸ ਵਿਚ ਖਹਿਰਾ ਸ਼ਾਮਲ ਹੋਇਆ ਹੋਵੇ। ਮਾਨ ਨੇ ਕਿਹਾ ਕਿ ਸੰਧੂ ਤੇ ਖਹਿਰਾ ਦੋਵੇਂ ਚਿਕਨੀਆਂ ਗੱਲਾਂ ਕਰਕੇ ਵਿਧਾਇਕਾਂ ਨੂੰ ਫਸਾ ਰਹੇ ਨੇ।
- ਮਾਨ ਨੇ ਕਿਹਾ ਕਿ ਬਿਕਰਮ ਮਜੀਠੀਏ ਨਾਲ ਮੁਲਾਕਾਤ ਨੂੰ ਕਿਉਂ ਨਹੀਂ ਨਕਾਰ ਰਹੇ।
- ਪੀਏਸੀ ਦੇ ਮੁੱਦੇ 'ਤੇ ਮਾਨ ਨੇ ਕਿਹਾ ਕਿ ਦੋਹਾਂ ਨੂੰ ਆਪਣੇ ਮਨ ਦੇ ਚਾਅ ਪੂਰੇ ਕਰ ਲੈਣ ਦਿੳ। ਇਸ ਤਰ੍ਹਾਂ ਉਹ ਕੋਈ ਵੀ ਫੈਸਲਾ ਨਹੀਂ ਲੈ ਸਕਦੇ।
- ਬੈਂਸ ਬ੍ਰਦਰਜ਼ ਦੇ ਨਾਲ ਪਾਰਟੀ ਅਲਾਇੰਸ ਟੁੱਟਣ ਤੋਂ ਬਾਅਦ ਵੀ ਖਹਿਰਾ ਬੈਂਸ ਹੁਰਾਂ ਨਾਲ ਲੰਚ ਤੇ ਡਿਨਰ ਕਰਦੇ ਰਹੇ ਨੇ। ਉਨ੍ਹਾਂ ਕਿਹਾ ਕਿ ਫਿਰ ਪਾਰਟੀ ਕਿਸ ਤਰ੍ਹਾਂ ਜਰ ਲਵੇਗੀ।