ਮਨਪ੍ਰੀਤ ਬਾਦਲ ਨੇ "ਜੋ ਜੋ" ਕਰਵਾਇਆ, ਉਸਦਾ ਹਿਸਾਬ ਲਵਾਂਗੇ- ਭਗਵੰਤ ਮਾਨ (ਵੇਖੋ ਵੀਡੀਓ)
ਚੰਡੀਗੜ੍ਹ, 30 ਜੁਲਾਈ 2023- ਪੰਜਾਬ ਦੇ ਸੀਐਮ ਭਗਵੰਤ ਮਾਨ ਅਤੇ ਸਾਬਕਾ ਵਿੱਤ ਮੰਤਰੀ ਮਨਪ੍ਰੀਤ ਬਾਦਲ ਵਿਚਾਲੇ ਤਿੱਖੇ ਸ਼ਬਦੀਂ ਹਮਲਿਆਂ ਦਾ ਦੌਰ ਲਗਾਤਾਰ ਜਾਰੀ ਹੈ। ਭਗਵੰਤ ਮਾਨ ਦੇ ਵਲੋਂ ਅੱਜ ਮਨਪ੍ਰੀਤ ਬਾਦਲ ਨੂੰ ਫਿਰ ਠੋਕਵਾਂ ਜਵਾਬ ਦਿੱਤਾ ਗਿਆ ਅਤੇ ਨਾਲ ਹੀ ਮਨਪ੍ਰੀਤ ਬਾਦਲ ਦੇ ਕਰੀਬੀ ਨੂੰ ਵੀ ਘੇਰਿਆ।
ਭਗਵੰਤ ਮਾਨ ਨੇ ਕਿਹਾ ਕਿ, ਮਨਪ੍ਰੀਤ ਬਾਦਲ ਆਪਣੇ ਆਪ ਵਿਚ ਸਾਫ਼ ਸੁਥਰਾ ਬਣਨ ਦੀ ਕੋਸਿਸ਼ ਕਰ ਰਹੇ ਹਨ, ਪਰ ਉਨ੍ਹਾਂ ਨੇ ਜੋ ਕੁੱਝ ਆਪਣੀ ਸਰਕਾਰ ਵੇਲੇ ਕੀਤਾ ਹੈ, ਉਹਦੀਆਂ ਪਰਤਾਂ ਖੁੱਲ੍ਹ ਰਹੀਆਂ ਹਨ।
ਮਾਨ ਨੇ ਕਿਹਾ ਕਿ, ਮਨਪ੍ਰੀਤ ਸਿੰਘ ਬਾਦਲ ਨੇ ਜੋ ਜੋ ਕਰਵਾਇਆ ਹੈ, ਉਸਦਾ ਹਿਸਾਬ ਲਿਆ ਜਾਵੇਗਾ। ਇਸ ਦੇ ਨਾਲ ਹੀ ਸੀਐਮ ਨੇ ਮਨਪ੍ਰੀਤ ਬਾਦਲ ਦੇ ਕਰੀਬੀ ਦਾ ਬਿਨਾਂ ਨਾਮ ਲਏ ਕਿਹਾ ਕਿ- ਮਨਪ੍ਰੀਤ ਨੇ ਜੋਜੋ ਤੋਂ ਜੋ ਵੀ ਕਰਵਾਇਆ ਉਸ ਦਾ ਹਿਸਾਬ ਲਵਾਂਗੇ। ਵੇਖੋ ਵੀਡੀਓ- https://fb.watch/m60mTo84Do/