ਸਿੱਧੂ ਮੂਸੇਵਾਲੇ ਦੇ ਫੈਨ ਨੇ ਪੈਸੇ ਦੀ ਕਮੀ ਹੋਣ ਕਰਕੇ ਸਾਈਕਲ ਨੂੰ ਹੀ ਬਣਾਇਆ 5911 ਟਰੈਕਟਰ
ਕੁਲਵਿੰਦਰ ਸਿੰਘ
- ਸਾਈਕਲ ਨੂੰ 5911 ਬਣਾ ਅਲੱਗ ਹੀ ਢੰਗ ਨਾਲ ਦਿੱਤੀ ਮੂਸੇਵਾਲਾ ਨੂੰ ਨੌਜਵਾਨ ਨੇ ਸ਼ਰਧਾਂਜਲੀ
- ਸਾਈਕਲ ਨੂੰ ਪੂਰਾ 5911 ਤਿਆਰ ਕਰਕੇ ਜਾਣਾ ਸੀ ਸਿੱਧੂ ਮੂਸੇ ਵਾਲਾ ਦੇ ਪਿੰਡ - ਹਰਮਨ
- ਲੋਕ ਸੜਕਾਂ ਤੇ ਖੜ੍ਹ ਖੜ੍ਹ ਕਰਾਉਂਦੇ ਨੇ ਫੋਟੋਆਂ - ਹਰਮਨ
ਅੰਮ੍ਰਿਤਸਰ, 9 ਜੂਨ 2022 - ਮਸ਼ਹੂਰ ਗਾਇਕ ਸਿੱਧੂ ਮੂਸੇਵਾਲਾ ਦਾ ਕਤਲ ਹੋਣ ਤੋਂ ਬਾਅਦ ਸਿੱਧੂ ਮੂਸੇਵਾਲਾ ਦੇ ਫੈਨਸ ਵੱਲੋਂ ਆਪੋ ਆਪਣੇ ਤਰੀਕੇ ਨਾਲ ਸਿੱਧੂ ਮੂਸੇਵਾਲਾ ਨੂੰ ਸ਼ਰਧਾਂਜਲੀ ਦਿੱਤੀ ਜਾ ਰਹੀ ਹੈ। ਕਈ ਨੌਜਵਾਨ ਵੱਲੋਂ ਆਪਣੀਆਂ ਬਾਹਾਂ ਦੇ ਉੱਤੇ ਸਿੱਧੂ ਮੂਸੇਵਾਲਾ ਦੀ ਤਸਵੀਰ ਜਾਂ ਸਿੱਧੂ ਮੂਸੇਵਾਲਾ ਦਾ ਨਾਮ ਦੇ ਟੈਟੂ ਬਣਵਾਏ ਜਾ ਰਹੇ ਹਨ ਲੇਕਿਨ ਅੰਮ੍ਰਿਤਸਰ ਵਿੱਚ ਮੌਜੂਦ ਹਰਮਨ ਨਾਮਕ ਨੌਜਵਾਨ ਵੱਲੋਂ ਸਿੱਧੂ ਮੂਸੇਵਾਲੇ ਨੂੰ ਇੱਕ ਅਨੋਖੀ ਹੀ ਸ਼ਰਧਾਂਜਲੀ ਭੇਂਟ ਕੀਤੀ ਗਈ। ਹਰਮਨ ਵੱਲੋਂ ਸਿੱਧੂ ਮੂਸੇਵਾਲਾ ਦੇ ਟਰੈਕਟਰ 5911 ਟਰੈਕਟਰ ਵਰਗਾ ਆਪਣਾ ਸਾਈਕਲ ਤਿਆਰ ਕੀਤਾ ਗਿਆ।
ਵੀਡੀਓ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ 'ਤੇ ਕਲਿੱਕ ਕਰੋ....
ਸਿੱਧੂ ਮੂਸੇਵਾਲੇ ਦੇ ਫੈਨ ਨੇ ਪੈਸੇ ਦੀ ਕਮੀ ਹੋਣ ਕਰਕੇ ਸਾਈਕਲ ਨੂੰ ਹੀ ਬਣਾਇਆ 5911 ਟਰੈਕਟਰ, ਮੂਸੇਵਾਲਾ ਨੂੰ ਦਿੱਤੀ ਸ਼ਰਧਾਂਜਲੀ (ਵੀਡੀਓ ਵੀ ਦੇਖੋ)
ਹਰਮਨ ਦਾ ਕਹਿਣਾ ਹੈ ਕਿ ਜਦੋਂ ਵੀ ਉਹ ਸਿੱਧੂ ਮੂਸੇਵਾਲਾ ਨੂੰ 5911 ਟਰੈਕਟਰ ਤੇ ਦੇਖਦਾ ਸੀ ਤਾਂ ਉਸ ਦਾ ਦਿਲ ਕਰਦਾ ਸੀ ਕਿ ਉਸ ਕੋਲ 5911 ਟਰੈਕਟਰ ਹੋਵੇ ਲੇਕਿਨ ਪੈਸਿਆਂ ਦੀ ਕਮੀ ਹੋਣ ਕਰਕੇ ਉਸ ਨੇ ਆਪਣੇ ਸਾਈਕਲ ਨੂੰ ਹੀ 5911 ਟਰੈਕਟਰ ਬਣਾ ਲਿਆ ਅਤੇ ਨੌਜਵਾਨ ਵੱਲੋਂ ਇਸ ਸਾਈਕਲ ਨੂੰ ਪੂਰਾ ਟਰੈਕਟਰ ਦਾ ਰੂਪ ਦੇ ਕੇ ਸਿੱਧੂ ਮੂਸੇ ਵਾਲਾ ਦੇ ਪਿੰਡ ਮੂਸੇ ਜਾ ਕੇ ਸਿੱਧੂ ਮੂਸੇ ਵਾਲਾ ਨਾਲ ਮੁਲਾਕਾਤ ਕਰਨੀ ਸੀ ਲੇਕਿਨ ਉਸ ਤੋਂ ਪਹਿਲਾਂ ਹੀ ਸਿੱਧੂ ਮੂਸੇਵਾਲਾ ਦੀ ਮੌਤ ਹੋ ਗਈ। ਜਿਸ ਦਾ ਕਿ ਉਸ ਨੂੰ ਵੀ ਬਹੁਤ ਜ਼ਿਆਦਾ ਦੁੱਖ ਹੈ। ਨੌਜਵਾਨ ਦਾ ਕਹਿਣਾ ਹੈ ਕਿ ਹੁਣ ਇਸ 5911 ਸਾਈਕਲ ਦੇ ਉੱਪਰ ਉਹ ਮਿਊਜ਼ਿਕ ਸਿਸਟਮ ਲਗਾ ਕੇ ਸਿੱਧੂ ਮੂਸੇਵਾਲੇ ਦੇ ਗੀਤ ਲਗਾਇਆ ਕਰੇਗਾ ਅਤੇ ਇਸ ਦੇ ਅੱਗੇ ਇੱਕ ਵੱਡੀ ਸਿੱਧੂ ਮੂਸੇਵਾਲਾ ਦੀ ਤਸਵੀਰ ਵੀ ਲਗਾਏਗਾ।