ਲਗਜ਼ਰੀ ਬੱਸਾਂ 'ਚ ਬੈਠ ਸਿੱਧੂ ਦੀ ਕੋਠੀ ਤੋਂ ਦਰਬਾਰ ਸਾਹਿਬ ਲਈ ਰਵਾਨਾ ਹੋਏ ਵਿਧਾਇਕ ਤੇ ਨੇਤਾ - ਤਸਵੀਰਾਂ ਵੀ ਦੇਖੋ
ਕੁਲਵਿੰਦਰ ਸਿੰਘ
ਅੰਮ੍ਰਿਤਸਰ 21 ਜੁਲਾਈ '2021 - ਬੀਤੇ ਕੱਲ ਇਕ ਵੱਡੇ ਕਾਫਲੇ ਦੇ ਨਾਲ ਅੰਮ੍ਰਿਤਸਰ ਆਪਣੇ ਨਿਵਾਸ ਸਥਾਨ ਤੇ ਪੁੱਜੇ ਨਵਜੋਤ ਸਿੰਘ ਸਿੱਧੂ ਅੱਜ ਕਾਫੀ ਗਿਣਤੀ 'ਚ ਇਕੱਠੇ ਹੋਏ ਵਿਧਾਇਕਾਂ ਤੇ ਨੇਤਾਵਾਂ ਦੇ ਨਾਲ ਸ੍ਰੀ ਹਰਿਮੰਦਰ ਸਾਹਿਬ ਪਹੁੰਚਣ ਲਈ ਆਪਣੀ ਕੋਠੀ ਤੋਂ ਤੁਰਨ ਦੀ ਖਬਰ ਹੈ, ਜੋ ਕਿ ਥੋੜ੍ਹੀ ਦੇਰ ਵਿੱਚ ਹੀ ਸ੍ਰੀ ਹਰਿਮੰਦਰ ਸਾਹਿਬ ਪਹੁੰਚ ਰਹੇ ਹਨ । ਸਿੱਧੂ ਸਮਰਥਕਾਂ ਵੱਲੋਂ ਦਾਅਵਾ ਤਾਂ 60 ਤੋਂ ਵੱਧ ਵਿਧਾਇਕ ਹੋਣ ਦਾ ਕੀਤਾ ਗਿਆ ਹੈ , ਇਕੱਠੇ ਬੈਠੇ ਵਿਧਾਇਕਾਂ ਦੀਆਂ ਜੋ ਤਸਵੀਰਾਂ ਸਾਹਮਣੇ ਆਇਆਂ ਹਨ , ਇਨ੍ਹਾਂ ਵਿੱਚ ਤਾਂ 30-35 ਵਿਧਾਇਕ ਹੀ ਨਜ਼ਰ ਆ ਰਹੇ ਸਨ ਪਰ ਉੱਥੇ ਭੀੜ ਵਹੁਤ ਹੈ ਇਸ ਲਈ ਬਾਦ ਦੁਪਹਿਰ ਡੇਢ ਵਜੇ ਤਕ ਵਿਧਾਇਕਾਂ ਦੀ ਅਸਲ ਗਿਣਤੀ ਬਾਰੇ ਅਜੇ ਪੁਸ਼ਟੀ ਹੋਣੀ ਬਾਕੀ ਸੀ ।
ਇਸ ਤੋਂ ਬਾਅਦ ਉਨ੍ਹਾਂ ਦਾ ਸ੍ਰੀ ਦੁਰਗਿਆਣਾ ਮੰਦਰ ਅਤੇ ਸ੍ਰੀ ਰਾਮ ਤੀਰਥ ਤੇ ਜਾਣ ਦਾ ਪ੍ਰੋਗਰਾਮ ਹੈ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਖੇਮ ਖੇਮਕਰਨ ਦੇ ਵਿਧਾਇਕ ਸੁਖਪਾਲ ਭੁੱਲਰ ਦਾ ਵੀ ਸੱਦਾ ਸਿੱਧੂ ਵੱਲੋਂ ਮਨਜ਼ੂਰ ਕੀਤਾ ਗਿਆ ਹੈ।
