ਹਰਿਆਣਾ Election Breaking: ਭਾਜਪਾ 49, ਕਾਂਗਰਸ 35 ਸੀਟਾਂ ਨਾਲ ਅੱਗੇ (11:39)
ਚੰਡੀਗੜ੍ਹ, 08 ਅਕਤੂਬਰ 2024: ਹਰਿਆਣਾ ਦੀਆਂ 90 ਵਿਧਾਨ ਸਭਾ ਸੀਟਾਂ ਲਈ ਗਿਣਤੀ ਜਾਰੀ ਹੈ। ਰੁਝਾਨਾਂ ਵਿੱਚ ਇੱਕ ਵੱਡਾ ਉਲਟਾ ਆਇਆ ਹੈ। ਭਾਜਪਾ ਨੂੰ ਬਹੁਮਤ ਮਿਲ ਗਿਆ ਹੈ। ਇਸ ਤੋਂ ਪਹਿਲਾਂ ਸਵੇਰੇ 8 ਵਜੇ ਤੋਂ ਸ਼ੁਰੂ ਹੋਏ ਰੁਝਾਨਾਂ ਵਿੱਚ ਕਾਂਗਰਸ ਇੱਕ ਤਰਫਾ ਜਿੱਤ ਵੱਲ ਸੀ। ਰੁਝਾਨਾਂ 'ਚ ਪਾਰਟੀ ਨੇ 65 ਸੀਟਾਂ ਨੂੰ ਛੂਹ ਲਿਆ ਸੀ। ਭਾਜਪਾ 17 ਸੀਟਾਂ 'ਤੇ ਸਿਮਟ ਗਈ।
ਸਾਢੇ 9 ਵਜੇ ਤੋਂ ਬਾਅਦ ਭਾਜਪਾ ਮੁਕਾਬਲੇ ਵਿੱਚ ਆ ਗਈ ਅਤੇ ਦੋਵਾਂ ਵਿੱਚ ਦੋ ਸੀਟਾਂ ਦਾ ਫਰਕ ਹੋ ਗਿਆ। ਸਵੇਰੇ 9:44 ਵਜੇ ਇੱਕ ਸਮਾਂ ਅਜਿਹਾ ਆਇਆ ਜਦੋਂ ਦੋਵੇਂ ਪਾਰਟੀਆਂ 43-43 ਸੀਟਾਂ 'ਤੇ ਪਹੁੰਚ ਗਈਆਂ। ਇਸ ਤੋਂ ਬਾਅਦ ਭਾਜਪਾ 46 ਸੀਟਾਂ 'ਤੇ ਪਹੁੰਚ ਗਈ ਅਤੇ ਇਸ ਵੇਲੇ ਬਜਪ 49 ਸੀਟਾਂ ਨਾਲ ਅੱਗੇ ਚੱਲ ਰਹੀ ਹੈ। ਜਦੋਂ ਕਿ ਕਾਂਗਰਸ 35 ਸੀਟਾਂ 'ਤੇ ਅੱਗੇ ਚੱਲ ਰਹੀ ਹੈ।
ਚੋਣ ਕਮਿਸ਼ਨ ਦੇ ਅੰਕੜਿਆਂ ਮੁਤਾਬਕ 27 ਸੀਟਾਂ 'ਤੇ ਭਾਜਪਾ ਦੀ ਲੀਡ 2 ਹਜ਼ਾਰ ਤੋਂ ਘੱਟ ਹੈ। ਇਹ ਕਿਸੇ ਵੀ ਸਮੇਂ ਬਦਲ ਸਕਦੇ ਹਨ। ਲਾਡਵਾ ਸੀਟ ਤੋਂ ਸੀਐਮ ਨਾਇਬ ਸਿੰਘ ਸੈਣੀ ਅਤੇ ਹਿਸਾਰ ਤੋਂ ਸਾਵਿਤਰੀ ਜਿੰਦਲ ਅੱਗੇ ਚੱਲ ਰਹੇ ਹਨ। ਜੁਲਾਨਾ ਸੀਟ ਤੋਂ ਸਾਬਕਾ ਪਹਿਲਵਾਨ ਵਿਨੇਸ਼ ਫੋਗਾਟ ਅੱਗੇ ਆਏ ਹਨ।