ਨਵੀਂ ਦਿੱਲੀ, 9 ਫਰਵਰੀ 2021 - 26 ਜਨਵਰੀ ਨੂੰ ਕਿਸਾਨਾਂ ਦੁਆਰਾ ਕੀਤੀ ਗਈ ਟਰੈਕਟਰ ਪਰੇਡ ਦੌਰਾਨ 75 ਸਾਲਾ ਬਜ਼ੁਰਗ ਜ਼ੋਰਾਵਰ ਸਿੰਘ ਲਾਪਤਾ ਹੋ ਗਿਆ ਹੈ। ਬਜ਼ੁਰਗ ਦੀ ਧੀ ਨੇ ਰੋ ਕੇ ਆਪਣੇ ਪਿਉ ਬਾਰੇ ਦੱਸਣ ਦੀ ਦੁਹਾਈ ਪਾਈ ਹੈ। ਇੱਕ ਵੀਡੀੳ 'ਚ ਉਸਦੀ ਧੀ ਆਪਣੇ ਬਜ਼ੁਰਗ ਪਿਉ ਦੀ ਤਸਵੀਰ ਦਿਖਾ ਰਹੀ ਹੈ ਤੇ ਉਸਨੂੰ ਲੱਭਣ 'ਚ ਮਦਦ ਕਰਨ ਦੀ ਅਪੀਲ ਕਰ ਰਹੀ ਹੈ।
ਬਜ਼ੁਰਗ ਦੀ ਧੀ ਦਾ ਕਹਿਣਾ ਹੈ ਕਿ 26 ਜਨਵਰੀ ਵਾਲੇ ਦਿਨ ਲਾਪਤਾ ਹੋਏ ਲੋਕਾਂ ਦੀ ਸੂਚੀ 'ਚ ਉਸਦੇ ਪਿਤਾ ਦਾ ਨਾਂਅ ਸ਼ਾਮਲ ਨਹੀਂ ਹੈ, ਜਿੰਨ੍ਹਾਂ ਨੂੰ ਦਿੱਲੀ ਪੁਲਿਸ ਦੁਆਰਾ ਗ੍ਰਿਫਤਾਰ ਕੀਤਾ ਗਿਆ ਹੈ।