ਵਿਨੇਸ਼ ਫੋਗਟ ਨੇ ਪਿਛਲੀ ਟੋਕੀਓ ਓਲੰਪਿਕਸ ਦੀ ਗੋਲਡ ਮੈਡਲਿਸਟ ਤੇ ਚਾਰ ਵਾਰ ਦੀ ਵਿਸ਼ਵ ਚੈਂਪੀਅਨ ਯੂਈ ਸੁਸਾਕੀ ਨੂੰ 3-2 ਨਾਲ ਹਰਾਇਆ
ਨਵਦੀਪ ਸਿੰਘ ਗਿੱਲ
ਚੰਡੀਗੜ੍ਹ, 6 ਅਗਸਤ 2024 - ਭਾਰਤ ਦੀ ਪਹਿਲਵਾਨ ਵਿਨੇਸ਼ ਫੋਗਟ ਨੇ ਪੈਰਿਸ ਓਲੰਪਿਕਸ ਵਿੱਚ ਮਹਿਲਾਵਾਂ ਦੇ 50 ਕਿਲੋ ਭਾਰ ਵਰਗ ਦੇ ਰਾਊਂਡ 16 ਵਿੱਚ ਪਿਛਲੀ ਟੋਕੀਓ ਓਲੰਪਿਕਸ ਦੀ ਗੋਲਡ ਮੈਡਲਿਸਟ ਤੇ ਚਾਰ ਵਾਰ ਦੀ ਵਿਸ਼ਵ ਚੈਂਪੀਅਨ ਜਪਾਨ ਦੀ ਯੂਈ ਸੁਸਾਕੀ ਨੂੰ 3-2 ਨਾਲ ਹਰਾ ਕੇ ਕੁਆਰਟਰ ਫ਼ਾਈਨਲ ਵਿੱਚ ਦਾਖਲਾ ਪਾਇਆ। ਵਿਨੇਸ਼ ਆਖ਼ਰੀ 5 ਸਕਿੰਟ ਤੱਕ 0-2 ਨਾਲ ਪਿੱਛੇ ਸੀ ਅਤੇ ਆਖਰੀ ਦਾਅ ਮਾਰਦਿਆਂ ਤਿੰਨ ਅੰਕ ਲੈ ਕੇ ਓਲੰਪਿਕ ਤੇ ਵਿਸ਼ਵ ਚੈਂਪੀਅਨ ਨੂੰ ਹਰਾ ਦਿੱਤਾ। ਵਿਨੇਸ਼ ਦਾ ਓਲੰਪਿਕਸ ਖੇਡਣਾ ਵੀ ਵੱਡੀ ਗੱਲ ਹੈ ਜਿਸ ਨੇ ਪਿਛਲੇ ਲੰਬੇ ਸਮੇਂ ਤੋਂ ਭਾਰਤੀ ਕੁਸ਼ਤੀ ਫੈਡਰੇਸ਼ਨ ਦੀਆਂ ਵਧੀਕੀਆਂ ਖ਼ਿਲਾਫ਼ ਜੰਤਰ-ਮੰਤਰ ਉੱਤੇ ਸੰਘਰਸ਼ ਵੀ ਕੀਤਾ ਸੀ।