ਵੈਲਿੰਗਟਨ, 17 ਮਾਰਚ, 2019: ਨਿਊਜੀਲੈਂਡ ਦੀਆਂ ਮਸਜਿਦਾਂ 'ਚ ਹੋਈ ਗੋਲੀਬਾਰੀ ਵਿਚ ਮਾਰੇ ਗਏ ਪੰਜ ਭਾਰਤੀਆਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਗਈ ਹੈ। ਹਾਲਾਂਕਿ ਕੁਝ ਰਿਪੋਰਟਾਂ ਮੌਤਾਂ ਦੀ ਗਿਣਤੀ ਸੱਤ ਦਰਸਾ ਰਹੀਆਂ ਹਨ, ਪਰ ਨਿਊਜ਼ੀਲੈਂਡ ਵਿੱਚ ਭਾਰਤੀ ਹਾਈ ਕਮਿਸ਼ਨ ਨੇ ਪੁਸ਼ਟੀ ਕੀਤੀ ਹੈ ਕਿ ਹਮਲੇ ਵਿੱਚ ਪੰਜ ਭਾਰਤੀ ਮਾਰੇ ਗਏ ਸਨ।
ਇੰਡੀਅਨ ਹਾਈ ਕਮਿਸ਼ਨ ਨੇ ਟਵਿੱਟਰ 'ਤੇ ਭਾਰਤੀ ਮ੍ਰਿਤਕਾਂ ਦੇ ਨਾਵਾਂ ਦਾ ਜ਼ਿਕਰ ਕੀਤਾ, ਉਹ ਨਾਮ ਹਨ,
ਮਹਿਬੂਬ ਖੋਖਰ
ਰਮੀਜ ਵੋਰਾ
ਆਸਿਫ ਵੋਰਾ
ਅੰਸੀ ਅਲੀਬਵਾ
ਓਜ਼ੇਰ ਕਾਦਿਰ
ਹਾਲਾਂਕਿ, ਦ ਟਾਈਮਜ਼ ਆਫ ਇੰਡੀਆ ਵਿੱਚ ਇੱਕ ਰਿਪੋਰਟ ਅਨੁਸਾਰ, ਕ੍ਰਾਈਸਟਚਰਚ ਦੀ ਗੋਲੀਬਾਰੀ ਵਿੱਚ ਭਾਰਤੀ ਮੂਲ ਦੇ ਸੱਤ ਲੋਕ ਆਪਣੀ ਜਾਨ ਗੁਆ ਚੁੱਕੇ ਹਨ। ਇਸ ਤੋਂ ਪਹਿਲਾਂ ਰਿਪੋਰਟਾਂ ਆਈਆਂ ਸਨ ਕਿ ਹਮਲੇ ਤੋਂ ਬਾਅਦ ਕੁੱਲ 9 ਭਾਰਤੀ ਲਾਪਤਾ ਸਨ।
ਇਸ ਫਾਇਰਿੰਗ 'ਚ ਕੁੱਲ 50 ਲੋਕਾਂ ਦੀ ਮੌਤ ਦੀ ਪੁਸ਼ਟੀ ਹੋ ਚੁੱਕੀ ਹੈ।