ਜਗਦੀਸ਼ ਥਿੰਦ
ਮਮਦੋਟ / ਫਿਰੋਜ਼ਪੁਰ 30 ਦਸੰਬਰ 2018
ਫ਼ਿਰੋਜ਼ਪੁਰ ਦਿਹਾਤੀ ਵਿਧਾਨ ਸਭਾ ਹਲਕਾ ਅਧੀਨ ਆਉਂਦੇ ਬਲਾਕ ਮਮਦੋਟ ਦੇ ਇੱਕ ਪਿੰਡ ਵਿੱਚ ਪੋਲਿੰਗ ਦੌਰਾਨ ਹੋਈ ਹਿੰਸਕ ਝੜਪ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ । ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਿੰਡ ਲਖਮੀਰ ਕੇ ਹਿਠਾੜ ਵਿੱਚ ਹਥਿਆਰਬੰਦ ਵਿਅਕਤੀਆਂ ਨੇ ਬੂਥ ਉੱਪਰ ਕਥਿਤ ਤੌਰ 'ਤੇ ਕਬਜ਼ਾ ਕਰ ਲਿਆ ਤਾਂ ਉਨ੍ਹਾਂ ਦੀ ਇਸ ਘਟਨਾ ਦੀ ਵਿਰੋਧਤਾ ਕਰ ਰਹੇ ਮਹਿੰਦਰ ਸਿੰਘ ਪੁੱਤਰ ਸਾਹਿਬ ਸਿੰਘ ਨੂੰ ਵਿਰੋਧੀਆਂ ਨੇ ਘੇਰ ਲਿਆ । ਉਸ ਦੀ ਕੁੱਟਮਾਰ ਕਰਦਿਆਂ ਉਸ ਨੂੰ ਸਕੂਲ ਤੋਂ ਬਾਹਰ ਲੈ ਆਂਦਾ ।
.jpeg)
ਮ੍ਰਿਤਕ ਦੀ ਤਸਵੀਰ ਦਿਖਾਉਂਦਾ ਉਸ ਦਾ ਭਰਾ
ਇਸ ਦੌਰਾਨ ਮਹਿੰਦਰ ਸਿੰਘ ਦੀ ਸਕਾਰਪੀਓ ਕਾਰ ਹੇਠ ਆਉਣ ਨਾਲ ਮੌਤ ਹੋ ਗਈ । ਮ੍ਰਿਤਕ ਦੇ ਪਰਿਵਾਰਕ ਮੈਂਬਰਾਂ ਨੇ ਦੋਸ਼ ਲਗਾਇਆ ਹੈ ਕਿ ਉਸ ਨੂੰ ਫੜ ਕੇ ਕਾਰ ਹੇਠਾਂ ਦਰੜ ਕੇ ਕਤਲ ਕੀਤਾ ਗਿਆ ਹੈ । ਘਟਨਾ ਦੀ ਸੂਚਨਾ ਮਿਲਣ ਤੇ ਐਸ ਐਸ ਪੀ ਫ਼ਿਰੋਜ਼ਪੁਰ ਪ੍ਰੀਤਮ ਸਿੰਘ ਅਤੇ ਸਿਵਲ ਪ੍ਰਸ਼ਾਸਨ ਦੇ ਅਧਿਕਾਰੀ ਘਟਨਾ ਸਥਾਨ ਤੇ ਪੁੱਜੇ । ਇਹ ਸਕਾਰਪੀਓ ਮ੍ਰਿਤਕ ਨੂੰ ਦਰੜਣ ਤੋਂ ਬਾਅਦ ਭਜਾਉਣ ਦੀ ਕੋਸ਼ਿਸ਼ ਕਰਦਿਆਂ ਸੜਕ ਕਿਨਾਰੇ ਪਲਟ ਗਈ । ਇਸ ਗੱਡੀ ਦੇ ਸ਼ੀਸ਼ੇ ਉੱਪਰ ਪ੍ਰੈੱਸ ਸ਼ਬਦ ਦਾ ਸਟਿੱਕਰ ਲੱਗਿਆ ਹੋਇਆ ਹੈ ।
ਘਟਨਾ ਸਥਾਨ ਤੇ ssp fzr ਪ੍ਰੀਤਮ ਸਿੰਘ