ਮੂਸੇਵਾਲਾ ਦੇ ਕਤਲ ਮੌਕੇ ਖੋਹੀ ਗਈ ਸੀ ਆਲਟੋ; ਮਾਨਸਾ ਪੁਲਿਸ
ਬਾਬੂਸ਼ਾਹੀ ਬਿਊਰੋ
ਚੰਡੀਗੜ੍ਹ, 29 ਮਈ 2022- ਅੱਜ ਸ਼ਾਮ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦਾ ਅਣਪਛਾਤਿਆਂ ਦੇ ਵਲੋਂ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ। ਇਸੇ ਦੌਰਾਨ ਹੀ ਇਕ ਆਲਟੋ ਕਾਰ ਨੂੰ ਵੀ ਅਸਲੇ ਦੀ ਨੋਕ ਤੇ ਖੋਹ ਲਿਆ ਗਿਆ। ਇਹ ਦਾਅਵਾ ਪੁਲਿਸ ਕੰਟਰੋਲ ਰੂਮ ਮਾਨਸਾ ਵਲੋਂ ਕੀਤਾ ਜਾ ਰਿਹਾ ਹੈ।
ਪੁਲਿਸ ਕੰਟਰੋਲ ਰੂਮ ਮਾਨਸਾ ਤੋਂ ਪ੍ਰਾਪਤ ਜਾਣਕਾਰੀ ਮੁਤਾਬਿਕ, ਇਕ ਆਲਟੋ ਕਾਰ ਦੋ ਗੱਡੀਆਂ (ਬਲੈਰੋ ਤੇ ਸਕਾਰਪੀਓ) ਦੋਵਾਂ ਵਿਚ ਸਵਾਰ ਹਮਲਾਵਰਾਂ ਨੇ ਸਿੱਧੂ ਮੂਸੇਵਾਲਾ ਤੇ ਫਾਇਰਿੰਗ ਕੀਤੀ ਅਤੇ ਮੌਕੇ ਤੋਂ ਫਰਾਰ ਹੋ ਗਏ।
ਪੁਲਿਸ ਸੂਤਰਾਂ ਮੁਤਾਬਿਕ, ਇਸੇ ਦੌਰਾਨ ਹੀ ਇਕ ਆਲਟੋ ਕਾਰ ਰੰਗ ਚਿੱਟਾ HR 59 7648 ਅਸਲੇ ਦੀ ਨੋਕ ਤੇ ਖੋਹ ਕੇ ਅਣਪਛਾਤੇ ਲੋਕ ਫਰਾਰ ਹੋ ਗਏ।
ਪੁਲਿਸ ਨੇ ਹੋਰਨਾਂ ਥਾਣਿਆਂ ਨੂੰ ਸੂਚਿਤ ਕਰਦੇ ਹੋਏ ਕਿਹਾ ਹੈ ਕਿ, ਜੇਕਰ ਇਹ ਉਕਤ ਗੱਡੀਆਂ ਜਿਥੇ ਵੀ ਮਿਲਦੀਆਂ ਹਨ, ਉਨ੍ਹਾਂ ਨੂੰ ਰਾਊਡ-ਅੱਪ ਕੀਤਾ ਜਾਵੇ ਅਤੇ ਪੁਲਿਸ ਕੰਟਰੋਲ ਰੂਮ ਮਾਨਸਾ ਅਤੇ ਮੁੱਖ ਅਫ਼ਸਰ ਸਿਟੀ-1 ਦੇ ਫੋਨ ਨੰਬਰ ਤੇ ਸੰਪਰਕ ਕੀਤਾ ਜਾਵੇ।