ਕਿਨੌਰ, 1 ਅਗਸਤ, 2017 : ਸ਼ਿਮਲਾ ਦੇ ਕਿਨੌਰ ਜ਼ਿਲਾ ਦੇ ਨਿਗੁਲਸਰੀ ਪਿੰਡ 'ਚ ਮਕਾਨਾਂ 'ਤੇ ਚਟਾਨਾਂ ਡਿੱਗਣ ਨਾਲ ਇਕ ਵਿਅਕਤੀ ਦੀ ਮੌਤ ਹੋ ਗਈ, ਜਦੋਂਕਿ ਦੋ ਹੋਰ ਜ਼ਖਮੀ ਹੋ ਗਏ ਹਨ। ਦੋਵਾਂ ਜ਼ਖਮੀਆਂ ਨੂੰ ਇਲਾਜ ਤੋਂ ਬਾਅਦ ਰਾਮਪੁਰ ਦੇ ਖਨੇਰੀ ਹਸਪਤਾਲ 'ਚ ਰੈਫਰ ਕਰ ਦਿੱਤਾ ਗਿਆ। ਜਾਣਕਾਰੀ ਅਨੁਸਾਰ ਮੰਗਲਵਾਰ ਸਵੇਰੇ ਲੱਗਭਗ 6.30 ਵਜੇ ਨਿਗੁਲਸਰੀ ਪਟਕਰ ਖਾਨਾ ਦੇ ਨਜ਼ਦੀਕ ਨਿਰਮਾਣ ਤਰੰਡਾ ਸੰਪਰਕ ਮਾਰਗ 'ਤੇ ਚਟਾਨਾਂ ਟੁੱਟ ਕੇ ਨੈਸ਼ਨਲ ਹਾਈਵੇ-5 ਦੇ ਨਾਲ ਦੇ 2 ਮਕਾਨਾਂ 'ਤੇ ਜਾ ਡਿੱਗੀਆਂ।
ਜਾਣਕਾਰੀ ਅਨੁਸਾਰ ਚਟਾਨਾਂ ਡਿੱਗਣ ਨਾਲ ਮਕਾਨਾਂ ਦਾ ਕਾਫੀ ਭਾਰੀ ਨੁਕਸਾਨ ਹੋਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਕਤ ਵਿਅਕਤੀ ਨਿਗੁਲਸਰੀ 'ਚ ਕੰਮ ਕਰ ਰਹੇ ਮਿਸਤਰੀ ਕੋਲ ਆਇਆ ਸੀ। ਮਿਸਤਰੀ ਇੱਥੇ ਕਰਾਏ ਦੇ ਮਕਾਨ 'ਚ ਰਹਿ ਰਿਹਾ ਸੀ। ਹਾਦਸੇ 'ਚ ਮਿਸਤਰੀ ਦੀ ਪਤਨੀ ਨੂੰ ਵੀ ਗੰਭੀਰ ਸੱਟਾਂ ਲੱਗੀਆਂ ਹਨ। ਇਸ ਤੋਂ ਇਲਾਵਾ ਨਾਲ ਦੇ ਮਕਾਨ ਦੀ ਬੇਟੀ ਜੋਂ ਮਕਾਨ ਚੋਂ ਬਾਹਰ ਗਈ ਤਾਂ ਉਹ ਵੀ ਇਸ ਹਾਦਸੇ ਦੀ ਸ਼ਿਕਾਰ ਹੋ ਗਈ। ਸੂਚਨਾ ਮਿਲਦੇ ਹੀ ਲੋਕਲ ਲੋਕ ਅਤੇ ਸਾਬਕਾ ਵਿਧਾਇਕ ਤੇਜਵੰਤ ਮੌਕੇ 'ਤੇ ਪਹੁੰਚੇ। ਇਸ ਵਿਚਕਾਰ ਪੁਲਸ ਅਤੇ ਪ੍ਰਸ਼ਾਸ਼ਨ ਨੇ ਮੌਕੇ 'ਤੇ ਪਹੁੰਚ ਕੇ ਰਾਹਤ ਅਤੇ ਬਚਾਅ ਕੰਮਾਂ 'ਚ ਹਿੱਸਾ ਲਿਆ।
