ਰਾਹੁਲ ਗਾਂਧੀ ਨੇ ਪਾਰਲੀਮੈਂਟ ਬਾਹਰ ਕਿਸਾਨਾਂ ਲਈ ਕੀਤਾ ਪ੍ਰਦਰਸ਼ਨ
ਕੁਲਵਿੰਦਰ ਸਿੰਘ
- ਰਾਹੁਲ ਗਾਂਧੀ ਦੇ ਪਹੁੰਚਣ ਤੋਂ ਬਾਅਦ ਬੋਲੇ ਐੱਮ ਪੀ ਔਜਲਾ ਭਲਕੇ ਪਹੁੰਚਣਗੇ ਸਿੱਧੂ ਦੀ ਤਾਜਪੋਸ਼ੀ 'ਤੇ
ਅੰਮ੍ਰਿਤਸਰ, 22 ਜੁਲਾਈ 2021 - ਅੰਮ੍ਰਿਤਸਰ ਤੋਂ ਲੋਕ ਸਭਾ ਮੈਂਬਰ ਗੁਰਜੀਤ ਸਿੰਘ ਔਜਲਾ ਨੇ ਦਿੱਲੀ ਤੋਂ ਆਪਣਾ ਇਕ ਵੀਡੀਓ ਜਾਰੀ ਕਰਦੇ ਹੋਏ ਕਿਹਾ ਹੈ ਕਿ ਉਹ ਭਲਕੇ ਹੋਣ ਵਾਲੀ ਨਵੇਂ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਦੀ ਤਾਜਪੋਸ਼ੀ ਵਿੱਚ ਪਹੁੰਚਣਗੇ। ਜ਼ਿਕਰਯੋਗ ਹੈ ਕਿ ਪਿਛਲੇ ਕੁਝ ਦਿਨਾਂ ਤੋਂ ਗੁਰਜੀਤ ਸਿੰਘ ਔਜਲਾ ਦਿੱਲੀ ਜੰਤਰ ਮੰਤਰ ਵਿਖੇ ਕਿਸਾਨੀ ਬਿੱਲਾਂ ਦੇ ਖ਼ਿਲਾਫ਼ ਧਰਨੇ ਉੱਤੇ ਬੈਠੇ ਹੋਏ ਸਨl
ਅੱਜ ਸੰਸਦ ਵਿੱਚ ਜਦੋਂ ਕਿਸਾਨੀ ਬਿੱਲਾਂ ਦੇ ਉੱਤੇ ਬਹਿਸ ਕਰਨ ਸਮੇਂ ਜਦੋਂ ਸਪੀਕਰ ਵੱਲੋਂ ਇਸ ਮੁੱਦੇ ਤੇ ਗੱਲ ਨਾ ਕੀਤੀ ਗਈ, ਤਾਂ ਔਜਲਾ ਦੇ ਅਨੁਸਾਰ, ਹਾਊਸ ਨੂੰ ਭੰਗ ਕੀਤਾ ਗਿਆ ਤੇ ਸ਼ਾਮ ਚਾਰ ਵਜੇ ਤਕ ਰਾਹੁਲ ਗਾਂਧੀ ਦੀ ਅਗਵਾਈ ਵਿੱਚ ਇਹ ਵਿਰੋਧ ਪ੍ਰਦਰਸ਼ਨ ਚੱਲਦਾ ਰਿਹਾ।
ਜਿੱਥੇ ਕੁਝ ਲੀਡਰ ਜੋ ਕਿ ਕੈਪਟਨ ਅਮਰਿੰਦਰ ਦੇ ਕੈਂਪ ਦੇ ਕਹੇ ਜਾ ਰਹੇ ਸਨ, ਹੁਣ ਤਕ ਸਿੱਧੂ ਤੋਂ ਦੂਰ ਰਹਿ ਰਹੇ ਸਨ ਰਾਹੁਲ ਗਾਂਧੀ ਦੀ ਫੇਰੀ ਤੋਂ ਬਾਅਦ ਇੰਝ ਲੱਗ ਰਿਹਾ ਹੈ ਕਿ ਭਲਕੇ ਹੋਣ ਵਾਲੀ ਤਾਜਪੋਸ਼ੀ ਕਾਂਗਰਸ ਦੇ ਇਤਿਹਾਸ ਵਿੱਚ ਇੱਕ ਨਵਾਂ ਪੜਾਅ ਸਾਬਤ ਹੋਵੇਗੀ।