ਪਟਿਆਲਾ, 29 ਜੂਨ, (ਜੀ ਐੱਸ ਪੰਨੂ) - ਸੀ.ਆਈ.ਏ. ਸਟਾਫ ਪਟਿਆਲਾ ਅਤੇ ਨਾਭਾ ਦੀ ਟੀਮ ਵੱਲੋਂ ਦੋ ਪੁਰਸ਼ਾ ਅਤੇ ਇੱਕ ਔਰਤ ਨੂੰ ਗ੍ਰਿਫਤਾਰ ਕਰਕੇ ਉਹਨਾ ਦੇ ਕਬਜੇ ਵਿੱਚੋ 275 ਗ੍ਰਾਮ ਨਸ਼ੀਲਾ ਪਾਉਡਰ ਅਤੇ 5 ਕਿਲੋ ਭੂਕੀ ਚੂਰਾ ਪੋਸਤ ਬ੍ਰਾਮਦ ਕੀਤੀ ਹੈ।ਹਰਵਿੰਦਰ ਸਿੰਘ ਵਿਰਕ ਕਪਤਾਨ ਪੁਲਿਸ ਇੰਨਵੈਸਟੀਗੇਸ਼ਨ ਪਟਿਆਲਾ ਨੇ ਦੱਸਿਆ ਕਿ ਲਾਲ ਚੰਦ ਸੀ.ਆਈ.ਏ. ਸਟਾਫ ਨਾਭਾ ਨੇ ਮੁੱਖਬਰੀ ਦੇ ਅਧਾਰ ਪਰ ਨਾਕਾ ਬੰਦੀ ਦੌਰਾਨ ਪਿੰਡ ਰਤਨ ਹੇੜੀ ਕਰਨੈਲ ਸਿੰਘ ਪੁੱਤਰ ਸੁੱਚਾ ਸਿੰਘ ਵਾਸੀ ਮਰੋੜੀ ਨੂੰ ਸਕੂਟਰ ਨੰਬਰ ਪੀ.ਬੀ. ਏ.ਈ. 7079 ਬਜਾਜ ਚੇਤਕ ਸਮੇਤ ਕਾਬੂ ਕਰਕੇ ਉਸਦੇ ਕਬਜੇ ਵਿੱਚੋਂ 5 ਕਿਲੋ ਭੂਕੀ ਚੂਰਾ ਪੋਸਤ ਬ੍ਰਾਮਦ ਥਾਣਾ ਸਦਰ ਸਮਾਣਾ ਦਰਜ ਰਜਿਸਟਰ ਕੀਤਾ ਗਿਆ।
ਇਸੇ ਤਰਾਂ ਸੀ.ਆਈ.ਏ. ਸਟਾਫ ਪਟਿਆਲਾ ਨੇ ਬਾਸਿਲਸਲਾ ਗਸ਼ਤ ਪਿੰਡ ਮਰੋੜੀ ਥਾਣਾ ਸਦਰ ਸਮਾਣਾ ਵਿਖੇ ਬੱਗਾ ਸਿੰਘ ਉਫਰ ਬੁਗਰ ਪੁੱਤਰ ਨੱਥਾ ਸਿੰਘ ਵਾਸੀ ਮਰੋੜੀ ਅਤੇ ਜਸਵਿੰਦਰ ਕੌਰ ਪਤਨੀ ਬੱਗਾ ਸਿੰਘ ਉਰਫ ਬੁਗਰ ਵਾਸੀ ਮਰੋੜੀ ਪਾਸੋਂ 275 ਗ੍ਰਾਮ ਨਸ਼ੀਲਾ ਪਾਉਡਰ ਬ੍ਰਾਮਦ ਹੋਣ ਤੇ ਥਾਣਾ ਸਦਰ ਸਮਾਣਾ ਦਰਜ ਰਜਿਸਟਰ ਕਰਕੇ ਗ੍ਰਿਫਤਾਰ ਕੀਤਾ ਗਿਆ ।