ਸਪੀਕਰ ਸੰਧਵਾਂ ਦੀ ਅਗਵਾਈ ਵਿੱਚ ਕਰਮਜੀਤ ਅਨਮੋਲ ਦੇ ਹੱਕ ਵਿੱਚ ਚੋਣ ਦੌਰਾ ਭਲਕੇ 4 ਮਈ ਨੂੰ
- ਦਰਜਨ ਦੇ ਕਰੀਬ ਪਿੰਡਾਂ ’ਚ ਸ਼ਮੂਲੀਅਤ ਕਰਨਗੇ ਸਮੂਹ ਅਹੁਦੇਦਾਰ ਤੇ ਵਰਕਰ : ਖੋਸਾ
ਦੀਪਕ ਗਰਗ
ਕੋਟਕਪੂਰਾ, 3 ਮਈ ਅਪ੍ਰੈਲ 2024 :- ਕੁਲਤਾਰ ਸਿੰਘ ਸੰਧਵਾਂ ਸਪੀਕਰ ਪੰਜਾਬ ਵਿਧਾਨ ਸਭਾ ਦੇ ਗ੍ਰਹਿ ਵਿਖੇ ਆਮ ਆਦਮੀ ਪਾਰਟੀ ਦੇ ਵਿਧਾਨ ਸਭਾ ਹਲਕਾ ਕੋਟਕਪੂਰਾ ਦੇ ਵੱਖ-ਵੱਖ ਬਲਾਕ ਪ੍ਰਧਾਨਾ ਸਮੇਤ ਹੋਰ ਅਹੁਦੇਦਾਰਾਂ ਤੇ ਵਲੰਟੀਅਰਾਂ ਦੀ ਜਰੂਰੀ ਮੀਟਿੰਗ ਦੌਰਾਨ 4 ਮਈ ਦਿਨ ਸ਼ਨੀਵਾਰ ਦੇ ਪਾਰਟੀ ਲੋਕ ਸਭਾ ਹਲਕਾ ਫਰੀਦਕੋਟ ਤੋਂ ਉਮੀਦਵਾਰ ਕਰਮਜੀਤ ਸਿੰਘ ਅਨਮੋਲ ਦੇ ਵੱਖ ਵੱਖ ਪਿੰਡਾਂ ਦੇ ਦੌਰੇ ਸਬੰਧੀ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਐਡਵੋਕੇਟ ਬੀਰਇੰਦਰ ਸਿੰਘ ਸੰਧਵਾਂ, ਜਿਲਾ ਪ੍ਰਧਾਨ ਗੁਰਤੇਜ ਸਿੰਘ ਖੋਸਾ ਅਤੇ ਜਿਲਾ ਯੂਥ ਪ੍ਰਧਾਨ ਸੁਖਵੰਤ ਸਿੰਘ ਸਰਾਂ ਦੀ ਅਗਵਾਈ ਵਿੱਚ ਹੋਈ ਉਕਤ ਮੀਟਿੰਗ ਦੌਰਾਨ ਹਾਜਰੀਨ ਨੇ ਅਹਿਦ ਲਿਆ ਕਿ ਕਰਮਜੀਤ ਅਨਮੋਲ ਨੂੰ ਹਲਕਾ ਕੋਟਕਪੂਰਾ ਤੋਂ ਸਭ ਤੋਂ ਵੱਧ ਲੀਡ ਨਾਲ ਸਫਲ ਬਣਾਇਆ ਜਾਵੇਗਾ।
ਪੀ.ਆਰ.ਓ. ਮਨਪ੍ਰੀਤ ਸਿੰਘ ਮਨੀ ਧਾਲੀਵਾਲ ਨੇ ਦੱਸਿਆ ਕਿ ਕੁਲਤਾਰ ਸਿੰਘ ਸੰਧਵਾਂ ਮਾਣਯੋਗ ਸਪੀਕਰ ਅਤੇ ‘ਆਪ’ ਉਮੀਦਵਾਰ ਕਰਮਜੀਤ ਅਨਮੋਲ ਵਿਧਾਨ ਸਭਾ ਹਲਕਾ ਕੋਟਕਪੂਰਾ ਦੇ ਵੱਖ-ਵੱਖ ਪਿੰਡਾਂ ਦਾ ਦੌਰਾ ਕਰਨਗੇ। ਉਹਨਾਂ ਦੱਸਿਆ ਕਿ 4 ਮਈ ਦਿਨ ਸ਼ਨੀਵਾਰ ਨੂੰ ਸਵੇਰੇ 7:30 ਵਜੇ ਪਿੰਡ ਸੰਧਵਾਂ ਗ੍ਰਹਿ ਨਿਵਾਸ ’ਤੇ ਸਾਰੇ ਵਲੰਟੀਅਰ ਇਕੱਤਰ ਹੋਣਗੇ।
ਗੁਰਮੀਤ ਸਿੰਘ ਆਰੇਵਾਲਾ ਚੇਅਰਮੈਨ ਮਾਰਕਿਟ ਕਮੇਟੀ ਕੋਟਕਪੂਰਾ ਅਤੇ ਪ੍ਰਦੀਪ ਕੌਰ ਢਿੱਲੋਂ ਜਿਲਾ ਪ੍ਰਧਾਨ ਮਹਿਲਾ ਵਿੰਗ ਨੇ ਦੱਸਿਆ ਕਿ ਸਭ ਤੋਂ ਪਹਿਲਾਂ ਪਿੰਡ ਚਹਿਲ ਵਿਖੇ 8:00 ਵਜੇ ਸਵੇਰੇ, ਪਿੰਡ ਭਾਣਾ ਵਿਖੇ 8:45 ਵਜੇ, ਪਿੰਡ ਢੁੱਡੀ 9:30 ਵਜੇ, ਪਿੰਡ ਕਲੇਰ 10:15 ਵਜੇ, ਪਿੰਡ ਮਿਸ਼ਰੀਵਾਲਾ 11:00 ਵਜੇ, ਪਿੰਡ ਘੁਮਿਆਰਾ 11:45 ਵਜੇ, ਪਿੰਡ ਮੋਰਾਂਵਾਲੀ 12:30 ਵਜੇ, ਪਿੰਡ ਪੱਕਾ 1:15 ਵਜੇ ਅਤੇ ਪਿੰਡ ਟਹਿਣਾ 2:00 ਵਜੇ ਲੋਕਾਂ ਦੇ ਰੂਬਰੂ ਹੋਣਗੇ। ਇਸ ਮੌਕੇ ਉਪਰੋਕਤ ਤੋਂ ਇਲਾਵਾ ਜਗਜੀਤ ਸਿੰਘ ਸੁਪਰਡੈਂਟ, ਜਗਤਾਰ ਸਿੰਘ ਬਰਾੜ, ਸੰਦੀਪ ਸਿੰਘ ਬਰਾੜ, ਨਿਰਮਲ ਸਿੰਘ ਫੌਜੀ ਅਤੇ ਅਮਨਦੀਪ ਕੌਰ ਖਾਰਾ ਆਦਿ ਸਮੇਤ ਭਾਰੀ ਗਿਣਤੀ ਵਿੱਚ ਅਹੁਦੇਦਾਰ ਅਤੇ ਵਲੰਟੀਅਰ ਹਾਜਰ ਸਨ।