ਲੁਧਿਆਣਾ ਦਾ ਹਰ ਵੋਟਰ ਬਿੱਟੂ ਬਣ ਕੇ ਉਹਨਾਂ ਦਾ ਚੋਣ ਪ੍ਰਚਾਰ ਸੰਭਾਲ ਰਿਹਾ ਹੈ : ਅਨੁਪਮਾ ਰਵਨੀਤ ਬਿੱਟੂ
- ਅਨੁਪਮਾ ਰਵਨੀਤ ਬਿੱਟੂ ਨੇ ਮੀਟਿੰਗਾਂ ਰਾਹੀਂ ਵੋਟਰਾਂ ਨਾਲ ਸਾਧਿਆ ਸੰਪਰਕ
ਲੁਧਿਆਣਾ, 28 ਮਈ 2024 - ਲੁਧਿਆਣਾ ਤੋਂ ਭਾਰਤੀ ਜਨਤਾ ਪਾਰਟੀ ਦੇ ਉਮੀਦਵਾਰ ਰਵਨੀਤ ਸਿੰਘ ਬਿੱਟੂ ਦੇ ਧਰਮ ਪਤਨੀ ਬੀਬੀ ਅਨੂਪਮਾ ਰਵਨੀਤ ਬਿੱਟੂ ਨੇ ਵਿਸਵਕਰਮਾ ਚੌਂਕ ਸਾਈਕਲ ਮਾਰਕੀਟ ਅਤੇ ਗੁਰਦੇਵ ਨਗਰ ਸਥਿਤ ਮੀਟਿੰਗਾਂ ਕਰ ਵੋਟਰਾਂ ਨਾਲ ਸੰਪਰਕ ਸਾਧਿਆ, ਇਸ ਮੌਕੇ ਉਹਨਾਂ ਨਾਲ ਮਹਿਲਾ ਮੋਰਚਾ ਦੀ ਪ੍ਰਧਾਨ ਸ਼ੀਨੂੰ ਚੁੱਘ, ਲੀਨਾ ਟਪਾਰੀਆ, ਸਰਬਜੀਤ ਸਿੰਘ ਕਾਕਾ ਤੋਂ ਇਲਾਵਾ ਹੋਰ ਅਹੁਦੇਦਾਰ ਹਾਜ਼ਰ ਸਨ।
ਅਨੁਪਮਾ ਰਵਨੀਤ ਬਿੱਟੂ ਨੇ ਬੋਲਦਿਆਂ ਕਿਹਾ ਕਿ ਉਹ ਪਿਛਲੇ ਕਈ ਦਿਨ ਤੋਂ ਚੋਣ ਪ੍ਰਚਾਰ ਕਰ ਰਹੇ ਹਨ ਤੇ ਹਰ ਦਿਨ ਲੁਧਿਆਣਾ ਵਾਸੀਆਂ ਵੱਲੋਂ ਪਿਆਰ ਤੇ ਸਤਿਕਾਰ ਮਿਲ ਰਿਹਾ ਹੈ, ਲੁਧਿਆਣਾ ਦਾ ਹਰ ਵੋਟਰ ਬਿੱਟੂ ਬਣ ਕੇ ਉਹਨਾਂ ਦਾ ਚੋਣ ਪ੍ਰਚਾਰ ਸੰਭਾਲ ਰਿਹਾ ਹੈ। ਉਹਨਾਂ ਕਿਹਾ ਕਿ ਰਵਨੀਤ ਬਿੱਟੂ ਵੱਲੋਂ 10 ਸਾਲਾਂ ਦੇ ਕੰਮਾਂ ਕਾਰਨ ਲੁਧਿਆਣਾ ਵਾਸੀਆਂ ਨੇ ਸ. ਬਿੱਟੂ ਨੂੰ ਮੁੜ ਸਾਂਸਦ ਚੁਣਨ ਦਾ ਮੰਨ ਬਣਾ ਲਿਆ ਹੈ, ਰਵਨੀਤ ਬਿੱਟੂ ਦੀ ਲੁਧਿਆਣਾ ਤੋਂ ਤੀਜੀ ਵਾਰ ਕੰਧ ‘ਤੇ ਲਿਖਿਆ ਸੱਚ ਹੈ, ਜਿਸ ਨੂੰ ਵਿਰੋਧੀਆਂ ਨੂੰ ਪੜ੍ਹ ਲੈਣਾ ਚਾਹੀਦਾ ਹੈ।
ਉਹਨਾਂ ਕਿਹਾ ਕਿ ਭਾਜਪਾ ਕੰਮ ਕਰਨ ‘ਚ ਵਿਸ਼ਵਾਸ਼ ਰੱਖਦੀ ਹੈ, ਇਹੋ ਸੋਚ ਰਵਨੀਤ ਬਿੱਟੂ ਦੀ ਹੈ, ਉਹਨਾਂ ਦਾ ਸੁਪਨਾ ਹੈ ਕਿ ਲੁਧਿਆਣਾ ਨੂੰ ਵਿਕਾਸ ਪੱਖੋਂ ਵਿਕਸਿਤ ਕੀਤਾ ਜਾਵੇ, ਇਸ ਲਈ ਉਹਨਾਂ ਨੂੰ ਲੁਧਿਆਣੇ ਦੇ ਲੋਕਾਂ ਦੇ ਸਾਥ ਦੀ ਲੋੜ ਹੈ, ਇਸ ਲਈ ਆਓ ਆਪਣੇ ਸ਼ਹਿਰ ਦੀ ਬਿਹਤਰੀ ਲਈ ਭਾਜਪਾ ਦੇ ਕਮਲ ਦੇ ਫੁੱਲ ਵਾਲਾ ਬਟਨ ਦਬਾਅ ਕੇ ਰਵਨੀਤ ਬਿੱਟੂ ਨੂੰ ਜੇਤੂ ਬਣਾਈਏ।