ਕੈਨੇਡਾ : ਸਰੀ ਚ ਗਿਆਨੀ ਨਾਹਰ ਸਿੰਘ ਗੁੱਜਰਵਾਲ ਨੂੰ ਸਮਰਪਿਤ ਸਮਾਗਮ 7 ਦਸੰਬਰ ਨੂੰ
ਹਰਦਮ ਮਾਨ
ਸਰੀ, 6 ਦਸੰਬਰ, 2019 : ਹਰਿਦਰਸ਼ਨ ਮੈਮੋਰੀਅਲ ਇੰਟਰਨੈਸ਼ਨਲ ਟਰੱਸਟ ਕੈਨੇਡਾ ਵੱਲੋਂ ਦੇਸ਼ ਦੀ ਆਜ਼ਾਦੀ ਦੇ ਪਰਵਾਨੇ, ਨਾਮਵਰ ਵਿਦਵਾਨ, ਇਤਿਹਾਸਕਾਰ, ਖੋਜੀ ਤੇ ਪੱਤਰਕਾਰ ਗਿਆਨੀ ਨਾਹਰ ਸਿੰਘ ਗੁੱਜਰਵਾਲ ਦਾ 127ਵਾਂ ਜਨਮ ਦਿਹਾੜਾ 7 ਦਸੰਬਰ 2019 (ਐਤਵਾਰ) ਨੂੰ ਦੁਪਿਹਰ 12.30 ਵਜੇ ਬੌਂਬੇ ਬੈਂਕੁਇਟ ਹਾਲ, ਸਰੀ (7475-130 ਸਟਰੀਟ) ਸਰੀ ਵਿਖੇ ਮਨਾਇਆ ਜਾ ਰਿਹਾ ਹੈ। ਇਹ ਜਾਣਕਾਰੀ ਦਿੰਦਿਆਂ ਟਰੱਸਟ ਦੇ ਫਾਊਂਡਰ ਅਤੇ ਰੂਹੇ-ਰਵਾਂ ਜੈਤੇਗ ਸਿੰਘ ਅਨੰਤ ਨੇ ਦੱਸਿਆ ਹੈ ਕਿ ਇਸ ਸਮਾਗ ਵਿਚ ਸਮਾਜ, ਭਾਈਚਾਰਾ ਅਤੇ ਪੰਜਾਬੀ ਪੱਤਰਕਾਰੀ ਲਈ ਵੱਡਮੁੱਲੀਆਂ ਸੇਵਾਵਾਂ ਪ੍ਰਦਾਨ ਕਰਨ ਵਾਲੇ ਚੜ੍ਹਦੀ ਕਲਾ ਟਾਈਮ ਟੀ.ਵੀ. ਦੇ ਹਰਪ੍ਰੀਤ ਸਿੰਘ ਦਰਦੀ, ਵੈਨਕੂਵਰ ਤੋਂ ਛਪਦੇ ਪੰਜਾਬੀ ਵੀਕਲੀ ਅਖਬਾਰ “ਪੰਜਾਬੀ ਹੈਰੀਟੇਜ” ਦੇ ਸੰਪਾਦਕ ਲਖਵੀਰ ਸਿੰਘ ਖੰਗੂੜਾ ਅਤੇ ਖਾਲਸਾ ਸਕੂਲ ਸਰੀ ਦੇ ਗੁਰਮਤਿ ਵਿਭਾਗ ਦੇ ਮੁਖੀ ਗਿਆਨੀ ਕੁਲਵਿੰਦਰ ਸਿੰਘ ਨੂੰ ਟਰੱਸਟ ਵੱਲੋਂ ਸਨਮਾਨਿਤ ਕੀਤਾ ਜਾਵੇਗਾ।