ਰਾਹੁਲ, ਅਮਰਿੰਦਰ, ਜਾਖੜ, ਸਿੰਗਲਾ ਸਮੇਤ ਅਨੇਕਾਂ ਵੱਡੇ ਆਗੂਆਂ ਨੂੰ ਕੋਰੋਨਾ ਦਾ ਖ਼ਤਰਾ ?
ਸੰਗਰੂਰ, 6 ਅਕਤੂਬਰ, 2020 : ਕਾਂਗਰਸੀ ਆਗੂ ਰਾਹੁਲ ਗਾਂਧੀ, ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ, ਪ੍ਰਦੇਸ਼ ਕਾਂਗਰਸ ਮੁਖੀ ਸੁਨੀਲ ਜਾਖੜ, ਕੈਬਨਿਟ ਮੰਤਰੀ ਵਿਜੇ ਇੰਦਰ ਸਿੰਗਲਾ ਸਮੇਤ ਅਨੇਕਾਂ ਵੱਡੇ ਆਗੂਆਂ ਨੂੰ ਕੋਰੋਨਾ ਦਾ ਖ਼ਤਰਾ ਪੈਦਾ ਹੋ ਗਿਆ ਹੈ ਕਿਉਂਕਿ ਇਹਨਾਂ ਆਗੂਆਂ ਨਾਲ ਵੱਲੋਂ ਇਥੇ ਸਟੇਜ ਸਾਂਝੀ ਕਰਨ ਵਾਲੇ ਪੰਜਾਬ ਦੇ ਸਿਹਤ ਮੰਤਰੀ ਬਲਬੀਰ ਸਿੰਘ ਸਿੱਧੂ ਦਾ ਕੋਰੋਨਾ ਟੈਸਟ ਪਾਜ਼ੀਟਿਵ ਆ ਗਿਆ ਹੈ।
ਸਿਹਤ ਵਿਭਾਗ ਦੇ ਨਿਰਦੇਸ਼ਾਂ ਮੁਤਾਬਕ ਬਣਦਾ ਤਾਂ ਇਹ ਹੈ ਕਿ ਇਹ ਸਾਰੇ ਆਗੂ ਤੇ ਹੋਰ ਵੀ ਜੋ ਬਲਬੀਰ ਸਿੰਘ ਸਿੱਧੂ ਦੇ ਸੰਪਰਕ ਵਿਚ ਆਇਆ ਹੈ, ਉਹ ਆਪੋ ਆਪਣੇ ਕੋਰੋਨਾ ਟੈਸਟ ਕਰਵਾਉਣ ਅਤੇ ਆਪਣੇ ਆਪ ਨੂੰ 14 ਦਿਨਾਂ ਲਈ ਇਕਾਂਤਵਾਸ ਕਰ ਲੈਣ। ਦਿਲਚਸਪੀ ਵਾਲੀ ਗੱਲ ਇਹ ਹੈ ਕਿ ਕੱਲ ਹੀ ਸਿਹਤ ਮੰਤਰੀ ਨੇ ਸੰਗਰੂਰ ਦੀ ਸਟੇਜ ਤੋਂ ਐਲਾਨ ਕੀਤਾ ਸੀ ਕਿ ਕੋਰੋਨਾ ਨਾਲੋਂ ਵੱਡਾ ਖ਼ਤਰਾ ਮੋਦੀ ਦੇ ਖੇਤੀ ਬਿੱਲਾਂ ਤੋਂ ਹੈ ਤੇ ਅੱਜ ਉਹ ਕੋਰੋਨਾ ਪਾਜ਼ੀਟਿਵ ਆ ਗਏ। ਹੁਣ ਇਹ ਆਗੂ ਕੀ ਰੁੱਖ ਅਖ਼ਤਿਆਰ ਕਰਨਗੇ, ਇਹ ਸਮਾਂ ਹੀ ਦੱਸੇਗਾ।