← ਪਿਛੇ ਪਰਤੋ
ਹਰਿੰਦਰ ਨਿੱਕਾ
ਬਰਨਾਲਾ, 2 ਮਈ 2020 - ਸ੍ਰੀ ਹਜ਼ੂਰ ਸਾਹਿਬ ਤੋਂ ਬਰਨਾਲਾ ਪਹੁੰਚੇ 2 ਸ਼ਰਧਾਲੂਆਂ ਦੀ ਰਿਪੋਰਟ ਅੱਜ ਪਾਜ਼ੀਟਿਵ ਆਉਣ ਨਾਲ ਇਲਾਕੇ 'ਚ ਮੁੜ ਸਹਿਮ ਦਾ ਮਾਹੌਲ ਪੈਦਾ ਹੋ ਗਿਆ। ਜਦੋਂ ਕਿ 7 ਜਣਿਆਂ ਦੀ ਹੋਰ ਰਿਪੋਰਟ ਨੈਗੇਟਿਵ ਆਈ ਹੈ ਅਤੇ ਇੱਕ ਜਣੇ ਦੀ ਰਿਪੋਰਟ ਹਾਲੇ ਆਉਣੀ ਬਾਕੀ ਹੈ। ਇਨ੍ਹਾਂ 'ਚ ਇੱਕ ਸ਼ਰਧਾਲੂ ਭੈਣੀ ਜੱਸਾ ਪਿੰਡ ਦਾ ਰਹਿਣ ਵਾਲਾ ਕਰੀਬ 45 ਕੁ ਵਰ੍ਹਿਆਂ ਦਾ ਪਰਮਜੀਤ ਸਿੰਘ ਹੈ , ਜਦੋਂ ਕਿ ਦੂਸਰਾ ਸ਼ਰਧਾਲੂ ਭਦੌੜ ਦੀ ਪੱਤੀ ਵੀਰ ਸਿੰਘ ਦਾ ਰਹਿਣ ਵਾਲਾ ਕਰੀਬ 61 ਵਰ੍ਹਿਆਂ ਦਾ ਗੁਰਚਰਨ ਸਿੰਘ ਹੈ। ਦੋਵਾਂ ਨੂੰ ਹੀ ਸ੍ਰੀ ਹਜ਼ੂਰ ਸਾਹਿਬ ਤੋਂ ਆਉਣ ਦੇ ਬਾਅਦ ਹੀ ਸੰਘੇੜਾ ਕਾਲਜ 'ਚ ਕੁਆਰੰਟਾਈਨ ਕੀਤਾ ਹੋਇਆ ਸੀ। ਇਸ ਦੀ ਪੁਸ਼ਟੀ ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਨੇ ਵੀ ਕਰ ਦਿੱਤੀ ਹੈ। ਵਰਨਣਯੋਗ ਹੈ ਸੰਘੇੜਾ ਕਾਲਜ ਚ, ਇਨ੍ਹਾਂ ਤੋਂ ਬਿਨਾਂ 48 ਹੋਰ ਸ਼ਰਧਾਲੂ ਵੀ ਏਕਾਂਤਵਾਸ ਕੀਤੇ ਹੋਏ ਹਨ।
Total Responses : 265