ਪ੍ਰਤਾਪ ਬਾਜਵਾ ਨੇ ਬਾਦਲ,ਭਗਵੰਤ ਮਾਨ, ਮੋਦੀ ਅਤੇ ਦਲ ਬਦਲੂਆਂ 'ਤੇ ਕਸੇ ਤੰਜ
- ਰੰਧਾਵਾ ਦੇ ਹੱਕ ਵਿੱਚ ਰੱਖੀ ਰੈਲੀ ਨੂੰ ਕੀਤਾ ਸੰਬੋਧਿਤ
ਰਿਪੋਰਟਰ..... ਰੋਹਿਤ ਗੁਪਤਾ
ਗੁਰਦਾਸਪੁਰ, 9 ਮਈ 2024 - ਕਾਂਗਰਸ ਦੇ ਸੀਨੀਅਰ ਲੀਡਰ ਅਤੇ ਵਿਰੋਧੀ ਧਿਰ ਦੇ ਨੇਤਾ ਪ੍ਰਤਾਪ ਸਿੰਘ ਬਾਜਵਾ ਗੁਰਦਾਸਪੁਰ ਦੇ ਕਸਬਾ ਸ੍ਰੀ ਹਰਗੋਬਿੰਦਪੁਰ ਪਹੁੰਚੇ ਜਿਥੇ ਓਹਨਾ ਵਲੋਂ ਕਾਂਗਰਸ ਦੇ ਉਮੀਦਵਾਰ ਦੇ ਹੱਕ ਵਿੱਚ ਚੋਣ ਰੈਲੀ ਨੂੰ ਸੰਬੋਧਿਤ ਕੀਤਾ।
ਇਸ ਮੌਕੇ ਪ੍ਰਤਾਪ ਬਾਜਵਾ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਦੋਰਾਨ ਕਿਹਾ ਕਿ ਲੋਕ ਕਾਂਗਰਸ ਨੂੰ ਪਿਆਰ ਕਰ ਰਹੇ ਹਨ। ਆਪ ਮੂਹਾਰੇ ਲੋਕ ਕਾਂਗਰਸ ਦੇ ਹੱਕ ਵਿੱਚ ਨਿਤਰਨ ਨੂੰ ਤਿਆਰੀ ਕਰੀ ਬੈਠੇ ਹਨ। ਉਹਨਾਂ ਕਿਸਾਨੀ ਮੁੱਦੇ ਨੂੰ ਲੈਕੇ ਕਿਹਾ ਜਦੋ ਤੱਕ ਭਗਵੰਤ ਮਾਨ ਅਤੇ ਮੋਦੀ ਤੋਂ ਛੁਟਕਾਰਾ ਨਹੀਂ ਮਿਲਦਾ ਓਦੋਂ ਤੱਕ ਕਿਸਾਨੀ ਮੁੱਦੇ ਹੱਲ ਨਹੀਂ ਹੋ ਸਕਦੇ ਕਿਉਂਕਿ ਭਗਵੰਤ ਮਾਨ ਰਬੜ ਦੀ ਮੋਹਰ ਹਨ।
ਨਾਲ ਹੀ ਓਹਨਾ ਦਲ ਬਦਲੂਆਂ ਨੂੰ ਲੈਕੇ ਕਿਹਾ ਕਿ ਐਸੇ ਲੋਕ ਪੈਸੇ ਅਤੇ ਤਾਕਤ ਦੇ ਲਾਲਚ ਵਿੱਚ ਦਲ ਬਦਲ ਲੈਂਦੇ ਹਨ ਪਰ ਜਦੋਂ ਸਾਡੀ ਸਰਕਾਰ ਆਏਗੀ ਓਦੋਂ ਇਹੋ ਲੋਕ ਸਾਡੇ ਦਰਾਂ ਤੇ ਡੰਡੌਤ ਕਰਦੇ ਨਜਰ ਆਉਂਦੇ ਹਨ ਐਸੇ ਲੋਕਾਂ ਦਾ ਕੋਈ ਕਿਰਦਾਰ ਨਹੀਂ ਹੁੰਦਾ। ਓਥੇ ਹੀ ਸੁਖਬੀਰ ਬਾਦਲ ਦੀ ਪੰਜਾਬ ਬਚਾਓ ਯਾਤਰਾ ਨੂੰ ਲੈਕੇ ਬਾਜਵਾ ਨੇ ਕਿਹਾ ਕਿ ਸੁਖਬੀਰ ਪਹਿਲਾਂ ਆਪਣੇ ਆਪ ਨੂੰ ਅਤੇ ਸ਼ਿਰੋਮਣੀ ਅਕਾਲੀ ਦਲ ਨੂੰ ਬਚਾਉਣ ਪੰਜਾਬ ਨੂੰ ਬਾਅਦ ਵਿੱਚ ਬਚਾ ਲੈਣ।