ਸਿੱਧੂ ਤੇ ਚਹਿਲ ਪ੍ਰਵਾਰ ਭਾਈ ਬਹਿਲੋ ਗੁਰਦੁਆਰਾ ਸਾਹਿਬ ਤੇ ਬਾਬਾ ਜੋਗੀਪੀਰ ਸਥਾਨ 'ਤੇ ਹੋਇਆ ਨਤਮਸਤਕ
ਮਾਨਸਾ, 12 ਮਈ 2024 : ਬਠਿੰਡਾ ਲੋਕ ਸਭਾ ਹਲਕੇ ਤੋਂ ਕਾਂਗਰਸ ਪਾਰਟੀ ਦੀ ਟਿਕਟ 'ਤੇ ਚੋਣ ਲੜ ਰਹੇ ਜੀਤ ਮਹਿੰਦਰ ਸਿੰਘ ਸਿੱਧੂ ਅਤੇ ਉਹਨਾਂ ਦੇ ਪੁੱਤਰ ਗੁਰਬਾਜ ਸਿੰਘ ਸਿੱਧੂ ਦੇ ਸਹੁਰਾ ਚਹਿਲ ਪਰਿਵਾਰ ਅੱਜ ਬੁਢਲਾਡਾ ਹਲਕੇ ਦੇ ਪਿੰਡ ਫਫੜੇ ਭਾਈ ਕੇ ਦੇ ਇਤਿਹਾਸਕ ਗੁਰਦੁਆਰਾ ਭਾਈ ਬਹਿਲੋ ਅਤੇ ਚਹਿਲਾਂ ਦੇ ਪ੍ਰਸਿੱਧ ਸਥਾਨ ਬਾਬਾ ਜੋਗੀ ਪੀਰ ਵਿਖੇ ਨਤਮਸਤਕ ਹੋਇਆ। ਇਸ ਮੌਕੇ ਜੀਤ ਮਹਿੰਦਰ ਸਿੰਘ ਸਿੱਧੂ ਦੇ ਪਤਨੀ ਨਿਮਰਤ ਕੌਰ, ਪੁੱਤਰੀ ਬੀਆ ਸਿੱਧੂ ਅਤੇ ਨੂੰਹ ਏਕਨੂਰ ਸਿੱਧੂ (ਚਹਿਲ) ਤੋਂ ਇਲਾਵਾ ਕਰਨਲ ਰਸਨੀਲ ਸਿੰਘ ਚਹਿਲ ਅਤੇ ਅਮਨ ਚਹਿਲ ਵਾਸੀ ਬਗਲਿਆਂ ਵਾਲੀ ਆਦਿ ਪਰਿਵਾਰ ਹਾਜ਼ਰ ਰਿਹਾ। ਇੱਥੇ ਦੱਸਣਾ ਬਣਦਾ ਹੈ ਕਿ ਬਗਲਿਆਂ ਵਾਲੀ ਦਾ ਪ੍ਰਸਿੱਧ ਚਹਿਲ ਪਰਿਵਾਰ ਭਾਈ ਬਹਿਲੋ ਦੇ ਖ਼ਾਨਦਾਨ ਵਿੱਚੋਂ ਆਉਂਦਾ ਹੈ ਅਤੇ ਇਸੇ ਮਹਾਨ ਪਰਿਵਾਰ ਦੀ ਸਪੁੱਤਰੀ ਏਕਨੂਰ ਸਿੱਧੂ (ਚਹਿਲ) ਕਾਂਗਰਸੀ ਉਮੀਦਵਾਰ ਜੀਤ ਮਹਿੰਦਰ ਸਿੰਘ ਸਿੱਧੂ ਦੇ ਪੁੱਤਰ ਗੁਰਬਾਜ ਸਿੰਘ ਸਿੱਧੂ ਦੇ ਨਾਲ ਵਿਆਹੀ ਹੋਈ ਹੈ। ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਰਨਲ ਰਸਨੀਲ ਸਿੰਘ ਚਹਿਲ ਨੇ ਕਿਹਾ ਕਿ ਪਰਿਵਾਰ ਨੇ ਹਮੇਸ਼ਾ ਹੀ ਇਲਾਕੇ ਦੀ ਸੇਵਾ ਕੀਤੀ ਹੈ ਅਤੇ ਉਹਨਾਂ ਨੂੰ ਪੂਰਨ ਉਮੀਦ ਹੈ ਕਿ ਮਾਨਸਾ ਇਲਾਕੇ ਦੇ ਲੋਕ ਜੀਤ ਮਹਿੰਦਰ ਸਿੰਘ ਸਿੱਧੂ ਦੀ ਡਟ ਕੇ ਮਦਦ ਕਰਨਗੇ ਅਤੇ ਉਹ ਵੀ ਵਿਸ਼ਵਾਸ ਦਵਾਉਂਦੇ ਹਨ ਕਿ ਜਿੱਤਣ ਤੋਂ ਬਾਅਦ ਸਾਧ ਸਿੱਧੂ ਇਲਾਕੇ ਦੇ ਵਿਕਾਸ ਲਈ ਤਨਦੇਹੀ ਤੇ ਇਮਾਨਦਾਰੀ ਨਾਲ ਕੰਮ ਕਰਨਗੇ।