ਰਜਨੀਸ਼ ਸਰੀਨ
- 01823- 227471, 227473 ਅਤੇ 227474 ਸਵੇਰੇ 6 ਵਜੇ ਤੋਂ ਰਾਤ 10 ਵਜੇ ਤੱਕ ਚੱਲਣਗੇ
ਨਵਾਂਸ਼ਹਿਰ, 22 ਮਾਰਚ 2020 - ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਪੰਜਾਬ ਸਰਕਾਰ ਦੀਆਂ ਹਦਾਇਤਾਂ ’ਤੇ ਜ਼ਿਲ੍ਹੇ ’ਚ ਵਿਦੇਸ਼ ਤੋਂ ਪਿਛਲੇ 28 ਦਿਨਾਂ ’ਚ ਆਏ ਵਿਅਕਤੀਆਂ ਦੀ ਸੂਚਨਾ ਦੇਣ ਲਈ ਤਿੰਨ ਟੈਲੀਫ਼ੋਨ ਲਾਈਨਾਂ ਵਾਲਾ ਕੰਟਰੋਲ ਰੂਮ ਅੱਜ ਬਾਅਦ ਦੁਪਹਿਰ ਤੋਂ ਸ਼ੁਰੂ ਕਰ ਦਿੱਤਾ ਗਿਆ ਹੈ। ਇਸ ਕੰਟਰੋਲ ਰੂਮ ਦੇ ਨੰਬਰ 01823-227471, 227473 ਅਤੇ 227474 ਸਵੇਰੇ 6 ਵਜੇ ਤੋਂ ਰਾਤ 10 ਵਜੇ ਤੱਕ ਚੱਲਣਗੇ।
ਡਿਪਟੀ ਕਮਿਸ਼ਨਰ ਵਿਨੈ ਬਬਲਾਨੀ ਅਨੁਸਾਰ ਜ਼ਿਲ੍ਹੇ ’ਚ ਵਿਦੇਸ਼ ਤੋਂ ਆਇਆ ਕੋਈ ਵੀ ਵਿਅਕਤੀ ਆਪਣੇ ਬਾਰੇ ਜਾਂ ਜਿਸ ਪਰਿਵਾਰ ਕੋਲ ਉਹ ਰਹਿ ਕੇ ਆਇਆ ਹੈ, ਉਹ ਉਸ ਬਾਰੇ ਉਕਤ ਨੰਬਰਾਂ ’ਤੇ ਸਵੇਰੇ 6 ਵਜੇ ਤੋਂ ਰਾਤ 10 ਵਜੇ ਤੱਕ ਸੂਚਨਾ ਦੇ ਸਕਦਾ ਹੈ।
ਇਸ ਤੋਂ ਇਲਾਵਾ ਜੇਕਰ ਵਿਦੇਸ਼ ਤੋਂ ਪਿਛਲੇ 28 ਦਿਨਾਂ ’ਚ ਆਏ ਕਿਸੇ ਵੀ ਵਿਅਕਤੀ ’ਚ ਤੇਜ਼ ਖਾਂਸੀ, ਬੁਖਾਰ ਜਾਂ ਸਾਹ ਲੈਣ ’ਚ ਤਕਲੀਫ਼ ਦੇ ਲੱਛਣ ਆ ਰਹੇ ਹਨ ਤਾਂ ਉਹ ਵੀ ਤੁਰੰਤ ਇਸ ਕੰਟਰੋਲ ਰੂਮ ’ਚ ਸੰਪਰਕ ਕਰੇ।