ਦੇਸ਼ ਭਰ 'ਚ ਦੀਵਾ ਤੇ ਮੋਮਬੱਤੀ ਜਗਾਓ ਮੁਹਿੰਮ ਨੂੰ ਭਰਵਾਂ ਹੁੰਗਾਰਾ
ਨਵੀਂ ਦਿੱਲੀ, 5 ਅਪ੍ਰੈਲ, 2020 : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਐਤਵਾਰ ਰਾਤ 9.00 ਵਜੇ 9 ਮਿੰਟ ਵਾਸਤੇ ਆਪੋ ਆਪਣੇ ਘਰਾਂ ਦੀਆਂ ਲਾਈਟਾਂ ਬੰਦ ਕਰ ਕੇ ਮੋਮਬੱਤੀ, ਦੀਵੇ ਜਾਂ ਟਾਰਚ ਆਦਿ ਜਗਾਉਣ ਦੇ ਦਿੱਤੇ ਸੱਦੇ ਨੂੰ ਦੇਸ਼ ਭਰ ਵਿਚ ਭਰਵਾਂ ਹੁੰਗਾਰਾ ਮਿਲਿਆ।
ਦੇਸ਼ ਦੇ ਵੱਖ ਵੱਖ ਹਿੱਸਿਆਂ ਵਿਚ ਪਿੰਡਾਂ, ਕਸਬਿਆਂ ਤੇ ਸ਼ਹਿਰਾਂ ਵਿਚ ਲੋਕਾਂ ਵੱਲੋਂ ਸਹੀ ਰਾਤ 9.00 ਵਜੇ ਜਿਥੇ ਮੋਮਬੱਤੀਆਂ, ਦੀਵੇ, ਟਾਰਚਾਂ ਤੇ ਮੋਬਾਈਲ ਫਲੈਸ਼ ਲਾਈਟ ਜਗਾ ਕੇ ਮੁਹਿੰਮ ਦੇ ਹੱਕ ਵਿਚ ਨਿਤਰਣ ਦਾ ਪ੍ਰਗਟਵਾ ਕੀਤਾ ਗਿਆ। ਲੋਕਾਂ ਨੇ ਮੋਦੀ ਦੇ ਸੱਦੇ ਅਨੁਸਾਰ ਆਪੋ ਆਪਣੇ ਘਰਾਂ ਦੀਆਂ ਲਾਈਟਾਂ ਬੰਦ ਰੱਖੀਆਂ ਪਰ ਇਲੈਕਟ੍ਰਾਨਿਕ ਗਜਟ ਜਿਵੇਂ ਲੈਪਟਾਪ, ਫਰਿੱਜ, ਟੀ ਵੀ ਆਦਿ ਚਲਦੇ ਰੱਖੇ।