← ਪਿਛੇ ਪਰਤੋ
ਦੋ ਵਿਸ਼ੇਸ਼ ਫਲਾਈਟਸ ਰਾਹੀਂ ਪੰਜਾਬ ਤੋਂ ਵਾਪਸ ਆਪਣੇ ਮੁਲਕ ਜਾਣਗੇ ਕੈਨੇਡਾ ਤੇ ਅਮਰੀਕਾ ਵਾਲੇ ਅੰਮ੍ਰਿਤਸਰ, 7 ਅਪ੍ਰੈਲ, 2020 : ਪੰਜਾਬ ਵਿਚ ਫਸੇ ਹੋਏ ਅਮਰੀਕਾ ਤੇ ਕੈਨੇਡਾ ਦੇ ਨਾਗਰਿਕਾਂ ਨੂੰ ਲਿਜਾਣ ਲਈ ਦੋ ਵਿਸ਼ੇਸ਼ ਫਲਾਈਟਸ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਜਾਣਕਾਰੀ ਮੁਤਾਬਕ ਗੁਰੂ ਰਾਮਦਾਸ ਕੌਮਾਂਤਰੀ ਹਵਾਈ ਅੱਡੇ ਤੋਂ ਪਹਿਲੀ ਫਲਾਈਟ 7 ਅਪ੍ਰੈਲ ਦਿਨ ਮੰਗਲਵਾਰ ਨੂੰ 23.15 ਵਜੇ ਉਡਾਣ ਭਰੇਗੀ ਇਹ ਫਲਾਈਟ ਦਿੱਲੀ ਦੇ ਇੰਦਰਾ ਗਾਂਧੀ ਕੌਮਾਂਤਰੀ ਹਵਾਈ ਅੱਡੇ ਪਹੁੰਚੇਗੀ। ਫਲਾਈਟ ਰੂਟ ਅੰਮ੍ਰਿਤਸਰ-ਦਿੱਲੀ-ਲੰਡਨ-ਕੈਨੇਡਾ ਹੋਵੇਗਾ। ਇਸੇ ਤਰਾਂ 9 ਅਪ੍ਰੈਲ ਦਿਨ ਵੀਰਵਾਰ ਨੂੰ ਦੂਜੀ ਫਲਾਈਟ ਰਾਤ 23.15 ਵਜੇ ਅੰਮ੍ਰਿਤਸਰ ਤੋਂ ਉਡਾਣ ਭਰੇਗੀ ਤੇ ਦਿੱਲੀ ਹੁੰਦੀ ਹੋਈ ਅੱਗੇ ਲਈ ਰਵਾਨਾ ਹੋਵੇਗੀ। ਇਸਦਾ ਰੂਟ ਵੀ ਅੰਮ੍ਰਿਤਸਰ-ਦਿੱਲੀ-ਲੰਡਨ-ਕੈਨੇਡਾ ਹੋਵੇਗਾ। ਇਹਨਾਂ ਵਿਸ਼ੇਸ਼ ਚਾਰਟਡ ਫਲਾਈਟਸ ਵਿਚ ਜਾਣ ਦੇ ਚਾਹਵਾਨਾ ਅੰਮ੍ਰਿਤਸਰ ਜਾਂ ਦਿੱਲੀ ਦੋਵਾਂ ਥਾਵਾਂ ਤੋਂ ਕਿਤੇ ਵੀ ਟਿਕਟ ਬੁੱਕ ਕਰਵਾ ਸਕਦੇ ਹਨ।
Total Responses : 265