← ਪਿਛੇ ਪਰਤੋ
ਜਦੋਂ ਬੰਦੇ ਨੇ ਲਾਕਡਾਊਨ 'ਚ 'ਲੋੜਵੰਦਾਂ' ਨੂੰ ਲੁਆਏ ਸ਼ਰਾਬ ਦੇ ਪੈਗ ਹੈਦਰਾਬਾਦ, 13 ਅਪ੍ਰੈਲ, 2020 : ਦੇਸ਼ ਭਰ ਵਿਚ ਚਲ ਰਹੇ ਲਾਕ ਡਾਊਨ ਦੇ ਵਿਚ ਅੱਜ ਹੈਦਰਾਬਾਦ ਦੇ ਇਕ ਵਸਨੀਕ ਨੇ ਲੋਕਾਂ ਨੂੰ ਸ਼ਰਾਬ ਦੇ ਪੈਗ ਵੰਡੇ। ਖਬਰ ਏਜੰਸੀ ਐਨ ਐਨ ਆਈ ਨਾਲ ਗੱਲ ਕਰਦਿਆਂ ਕੁਮਾਰ ਨਾਂ ਦੇ ਵਿਅਕਤੀ ਨੇ ਦੱਸਿਆ ਕਿ ਉਹ ਆਪਣਾ ਕੰਮ ਪੂਰਾ ਕਰ ਕੇ ਹੈਦਰਾਬਾਦ ਦੇ ਓਲਡ ਸਿਟੀ ਇਲਾਕੇ ਵਿਚ ਆਪਣੇ ਘਰ ਪਰਤ ਰਿਹਾ ਸੀ। ਰਸਤੇ ਵਿਚ ਚੰਮਾਪੇਟ ਇਲਾਕੇ ਵਿਚ ਉਸਨੇ ਵੇਖਿਆ ਕਿ ਇਕ ਔਰਤ ਨੂੰ ਸ਼ਰਾਬ ਕਾਰਨ ਦੌਰੇ ਪੈ ਰਹੇ ਹਨ। ਉਸਨੂੰ ਬਾਅਦ ਵਿਚ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ। ਕੁਮਾਰ ਨੇ ਦੱਸਿਆ ਕਿ ਮੈਂ ਸੋਚਿਆ ਕਿ ਅਜਿਹੇ ਲੋਕਾਂ ਨੂੰ ਸ਼ਰਾਬ ਦੇ ਪੈਗ ਵੰਡਣੇ ਚਾਹੀਦੇ ਹਨ। ਕੁਮਾਰ ਨੇ ਦੱਸਿਆ ਕਿ ਉਸਦੇ ਘਰ ਵਿਚ ਸ਼ਰਾਬ ਦੀ ਬੋਤਲ ਪਈ ਸੀ ਜਿਸਨੂੰ ਲੈ ਕੇ ਉਹ ਸਵੇਰੇ ਲੋਕਾਂ ਨੂੰ ਸ਼ਰਾਬ ਦੇ ਪੈਗ ਵੰਡਣ ਪਹੁੰਚ ਗਿਆ। ਉਸਨੇ ਦਾਅਵਾ ਕੀਤਾ ਕਿ ਉਸਦਾ ਮਕਸਦ ਲਾਕ ਡਾਊਨ ਦੇ ਨਿਯਮਾਂ ਦੀ ਉਲੰਘਣਾ ਕਰਨਾ ਨਹੀਂ ਬਲਕਿ ਲੋਕਾਂ ਦੀ ਮਦਦ ਕਰਨਾ ਹੈ।
Total Responses : 265