ਨਿਰਵੈਰ ਸਿੰਘ ਸਿੰਧੀ
ਮਮਦੋਟ, 4 ਅਗਸਤ 2020 - ਅੱਜ ਮਮਦੋਟ ਸ਼ਹਿਰ ਅਤੇ ਇਸ ਦਾ ਆਸ ਪਾਸ ਦੇ ਪਿੰਡਾਂ ਵਿਚ ਉਸ ਵੇਲੇ ਮਾਹੌਲ ਤਨਾਅਪੂਰਨ ਹੋ ਗਿਆ ਜਦੋ ਇੱਕੋ ਹੀ ਦਿਨ 8 ਲੋਕਾਂ ਦੀ ਕੋਰੋਨਾ ਟੈਸਟ ਦੀ ਰਿਪੋਰਟ ਪਾਜ਼ੀਟਿਵ ਆ ਗਈ। ਜਿਸ ਨਾਲ ਲੋਕਾਂ ਵਿਚ ਭਾਰੀ ਸਹਿਮ ਪੈ ਜਾ ਰਿਹਾ ਹੈ। ਇਥੇ ਦੱਸਣਾ ਬਣਦਾ ਹੈ ਕਿ ਇਹ ਅੱਠ ਮਰੀਜ਼ ਚਾਵਲਾ ਕੰਫ਼ੇਕਸ਼ਨੇਰੀ ਸਟੋਰ ਦੀ ਬੇਕਰੀ ਵਿਚ ਵੱਖ ਵੱਖ ਤਰਾਂ ਦੇ ਕੰਮ ਕਰਦੇ ਸਨ ਅਤੇ ਆਪਣੇ ਮਾਲਕ ਰਾਹੁਲ ਚਾਵਲਾ ਦੇ ਸੰਪਰਕ 'ਚ ਆਉਣ ਨਾਲ ਪਾਜ਼ੀਟਿਵ ਆਏ ਹਨ। ਸਿਹਤ ਵਿਭਾਗ ਵਲੋਂ ਜਾਰੀ ਕੀਤੀ ਕੋਰੋਨਾ ਪਾਜ਼ੀਟਿਵ ਮਰੀਜਾਂ ਦੀ ਸੂਚੀ ਅਨੁਸਾਰ ਦਰਸ਼ਨਾਂ ਰਾਣੀ ਪਤਨੀ ਪ੍ਰਸ਼ੋਤਮ ਚਾਵਲਾ , ਅਨਮੋਲ ,ਅਕਾਸ਼ ,ਨੀਲਮ ,ਸਤਨਾਮ ,ਰਵੀ ,ਸੁਖਦੇਵ ਅਤੇ ਸੁਰੋਜ ਪਤਨੀ ਰਾਹੁਲ ਚਾਵਲਾ ਸ਼ਾਮਿਲ ਹਨ।